TOP

Mubuulire enjiri ey'amazima - Bp Luwalira

Added 18th March 2019

“Ebimu ku biteekeddwa okukolebwa mu kkanisa eno kwe kubuulira enjiri mu mazima, erokola abantu."

 Bp. Luwalira ng'akwasa omubuulizi Caroline Mwanje ebisumuluzo by'emmotoka Abakristaayo gye baamugulidde. Mu katono waggulu bw'afaanana.

Bp. Luwalira ng'akwasa omubuulizi Caroline Mwanje ebisumuluzo by'emmotoka Abakristaayo gye baamugulidde. Mu katono waggulu bw'afaanana.

Bya REGINAH NALUNGA

ABAKKIRIZA babuuliriddwa  bulijjo okubuulira enjiri ey'amazima. Okubuulirira kuno kukoleddwa omulabirizi Rt. Rev. Wilberforce Kityo Luwalira, ku mukolo gw'okuggulawo  n'okusimba ejjinja ku kkanisa ya St. Peter's Lugoba COU mu Bussaabadinkoni  bw'e Kazo mu bulabirizi bw'e Namirembe.

"Ebimu ku biteekeddwa okukolebwa mu kkanisa eno kwe kubuulira enjiri mu mazima, erokola abantu. Ekkanisa eno  ya Kristu si yammwe era buli kye mukola kirina okuba nga kigulumiza Katonda," Bp. Luwalira bw'agambye.

Alabudde abakulembeze okugenderera engeri gye basalawo, kuba kulina ky'amaanyi nnyo  mu buweereza. Ogendera ku birowoozo by'abantu oba ddoboozi lya Katonda?

Luwalira akubirizza Abakristaayo okunyweza enkolagana yaabwe ne Katonda ne bantu bannaabwe. Oli luuyi wa mu nkolagana yo ne mukyala wo n'omwami wo ne Katonda wo?

Oluvannyuma asimbye  amayinja abiri  ku kkanisa ya St. Peter's ng'erimu lya kwebaza Francis Drake Kaggwa Kabugo Omukristaayo eyawaayo ettaka kwe bazimbye ekkanisa, ery'okubiri ly'abadde lyakutongoza lunaku ekkanisa lwe yagguddwaawo mu  butongole.

Atongozezza  n'emmotoka ekika kya Toyota Noah  nnamba UAM 105A Abakristaayo gye baagulidde  Harriet Caroline Mwanje omubuulizi w'ekkanisa eno.

Mwanje agambye nti  ekkanisa emaze emyaka 40 ng'ezimbibwa era wabaddewo  okusomoozebwa naye Katonda ababedde omulimu na bagumaliriza. Asiimye abakristaayo olw'okukwasiza awamu. Basonze 257,100/=  n'obweyamu obwasobye mu bukadde butaano ku  bukadde 11 ezeetaagibwa okufuna ekyapa ky'ettaka kwe bazimbye ekkanisa.

Omukolo gwetabyeko ebikonge  by'abaweereza okuli; Rev. Micheal Wasswa Kisawuzi ow'obusumba bw'e Kazo, Ying. Paul Kawagga omukubiriza  w'obussaabadinkoni, Samuel Katende omukubiriza w'obusumba , Rev. David Kimuli owa Busega Martyrs mu Busumba bw'e Nateete n'Abakristaayo okuva mu makanisa agali wansi w'obusumba buno.

More From The Author

Emboozi z’omuwandiisi endala

Emboozi endala

   Jane Nnabukeera eyasudde bbebi mu kabuyonjo

Wuuno maama eyasudde bbebi ...

Poliisi egamba nti Nnabukeera ng'amaze okusuula omnwana we mu kaabuyonjo yaddayo n'abikira abatuuze nga bwe yamufiiriddeko...

Mutumba eyakumye ku nnyumba ye omuliro ne mufiiramu bbebi we Nambooze

Akumye ku famire ye omuliro...

Ronald Mutumba okuva mu mbeera kiddiridde okukubira nga mukyala we Annet Mirembe amasimu nga tagakwata ate ng'olumu...

Abakulembeze mu Kawempe ben...

ABAKULEMBEZE ba LC mu Kawempe balaze obwennyamivu eri balandiroodi abasusse okugobaganya abapangisa nga babanja...

"Abatakisi bafunye obukodyo...

POLIISI erabudde nti egenda kukola ekikwekweeto ku batakisi abasiize endabirwamu z’ebidduka byaber langi nga bagenderera...

Gav't ekkirizza abagwiira 1...

UGANDA ekkirizza abagwiira 165 abaali basiibirwa muno ng’eggadde ensalo olw’obulwadde bwa COVID 19 okudda ewaabwe....