TOP
  • Home
  • Amawulire
  • Nange Nantaba lumu yampedulira abajaasi ng'ampita mutujju - Maj. Galabuzi

Nange Nantaba lumu yampedulira abajaasi ng'ampita mutujju - Maj. Galabuzi

Added 31st March 2019

OMUTUUZE era muliraanwa wa minisita Idah Nantaba e Namugongo naye avuddeyo n’amulumiriza ng’olunaku olumu bwe yamusindikira abakuumi be ng’amuyita omutujju ng’agenderera okumutuusaako obulabe.

 Maj. Galabuzi

Maj. Galabuzi

Maj. Musisi Galabuzi yannyonnyodde nti, Nantaba yagula ekitundu ku ttaka ly'ekika kyabwe e Namugongo era n'azimbamu amayumba ge aga kalina okumuliraana.

Galabuzi naye omutaka w'e Namugongo - Bulooli agamba nti olumu yali ava ku dduuka ng'adda awaka akawungeezi ng'atambuza ebigere kyamubuukako abasajja babiri okubuuka mu mmotoka nga balina emmundu ne bamussa ku nninga okubannyonnyola by'atwala mu buveera.

Agamba nti aba akyali awo agenda okuwulira nga minisita ali mu mmotoka ayogerera waggulu nti, omusajja oyo mutujju mumukwate naye mu kwerwanako n'abategeeza nti, bwe yali agenda mu makaage ng'ava ku mulimu era bagenda okukebera obuveera nga mulimu sukaali na mugaati bye yali akomyewo nabyo awaka.

Yagambye nti bwe yawulidde enjega eno ng'eguddewo eyafiiriddemu Ronald Sebulime ate nga ne minisita Nantaba amuwuliddemu n'emujjukiza olunaku minisita lwe yamusindikira abasajja be abamukuuma bamukwate ng'amuyita omutujju.

Galabuzi yagambye nti ebyo byamutuukako mu February w'omwaka guno era kyamwewuunyisizza okuwulira nti, mu bbanga lya mwezi gumu waliwo omuntu afiiridde mu mbeera y'emu Nantaba gye yali amutaddemu.

Yagasseeko nti, Nantaba ataddewo embeera nti waliwo abantu abaagala okumutuusaako obulabe gy'ebikkidde ng'omusajja atalina musango alufiiriddemuate ye n'asigala nga yeewaana.

Galabuzi yawadde Nataba amagenzi okwekuba mu kifuba alowooze ekyabaddewo n'ebyo poliisi by'ezudde yeetondere abooluganda lwa Ssebulime n'abaana be yadde ssi ye yasse naye byonna okutuukawo byavudde ku ye.g

More From The Author

Emboozi z’omuwandiisi endala

Emboozi endala

Fred Bamwine ng’akwasa Ndisaba ekitabo ky’ensonga z'e Mukono.

Ndisaba akwasiddwa ofiisi

Bya JOANITA NAKATTE                                                                                           ...

David Kabanda (ku ddyo) omubaka wa Kasambya, Haji Bashir Ssempa Lubega owa Munisipaali y’e Mubende ne Micheal Muhereza Ntambi, ssentebe wa disitulikiti y’e Mubende nga bawayaamu.

Abaalondeddwa ku bubaka mu ...

ABAAWANGUDDE ebifo by’ababaka ba palamenti ku kaadi ya NRM mu konsitityuwensi ez’enjawulo mu Disitulikiti y’e Mubende...

Matia Lwanga Bwanika owa Wakiso.

Ssentebe afunira mu nsako

Eyali Sipiika wa Jinja munisipaali oluvannyuma eyafuulibwa City, Moses Bizitu yategeezezza nti bassentebe ba disitulikiti...

Bakkansala ba Kampala nga bateesa mu City Hall gye buvuddeko.

Omusaala ogulindiridde aba ...

Bya MARGARET ZALWANGO OKULONDA kwa bassentebe ba Disitulikiti, bammeeya b'ebibuga (cities) ne bakkansala b'oku...

Omulabirizi Luwalira ng'asimba omuti.

Ekkanisa ne bwekwata omulir...

Omulabirizi w'e Namirembe, Rt. Rev. Wilberforce Kityo Luwalira agumizza Abakristaayo nti wadde sitaani asiikudde...