TOP

Kadaga ayogedde: "Ndi bulungi era nkomawo"

Added 8th April 2019

SIPIIKA wa Palamenti Rebecca Alitwala Kadaga asinzidde ku kitanda mu ddwaaliro lya Aga Khan e Nairobi mu Kenya n’aweereza Bannayuganda obubaka obuwa essuubi nti kati embeera ye yeeyongedde okulongooka, essaawa yonna akomawo addemu okukakkalabya emirimu.

 Sipiika Rebecca Kadaga

Sipiika Rebecca Kadaga

Mu bubaka obw'eddoboozi lye, Kadaga yakakasizza Bannayuganda nti ssi muyi era tali mu Spain nga bwe byogerwa wabula akyaliyo mu ddwaaliro lya Aga Khan e Kenya n'asiima abasawo ab'omu Uganda ne Kenya okutaasa obulamu bwe.

Buno bwe bubaka bwa Kadaga mu bujjuvu: "Bannayuganda bannange mbalamuzizza.

Nga mwenna bwe mumanyi, nnalwalamu nga March 21, 2019 bwe nnali nkomawo mu ggwanga okuva ebweru ku mirimu emitongole gye naliko ku lwa Palamenti n'eggwanga.

Nnaliko mu ddwaaliro lya Nakasero Hospital n'oluvannyuma ne bannyongerayo mu Aga Khan Hospital mu kibuga Nairobi.

Ndi musanyufu okubategeeza nti ku lw'ekisa kya Mukama Katonda n'obukugu bw'abasawo b'omu Uganda ne Kenya, kati ndi bulungi ddala.

Njagala okutwala omukisa guno okwebaza bannansi bannange n'abantu ba Katonda bonna ab'ekisa okwetooloola ensi yonna ababadde bansabira okussuuka n'okusingira ddala mu bonna, Pulezidenti Yoweri Kaguta Museveni afuddeyo ennyo naddala okuwaayo obudde n'annalambulako mu ddwaaliro e Nakasero ne Aga Khan e Nairobi.

Ntuusa n'okusiima kwange eri Mukyala Janet Museveni; Kyabazinga wa Busoga William Gabula Nadiope, Kabaka wa Buganda Ronald Muwenda Mutebi II ne Nabagereka Sylvia Nagginda.

Njagala era n'okusiima Bannaddiini ab'enzikiriza zonna, ababaka ba Palamenti, abakungu ba gavumenti ne Bannayuganda mwenna olw'okufaayo ku bulamu bwange.

Ekisembayo, waliwo ebyogerwa naddala mu mawulire n'emikutu egyempuliziganya ku bulamu bwange nti ndi Spain era ndi muyi, naye ebyo byonna ssi bituufu.

Ngajala okukakasa eggwanga nti kyali mu ddwaaliro lya Aga Khan Hospital era nsuubira okusiibulwa amangu ddala.

Nneesunga okuddamu okubeera obulungi ddala nziremu okuweereza Bannayuganda." SIPIIKA REBECCA KADAGA

More From The Author

Emboozi z’omuwandiisi endala

Emboozi endala

Amaka ga Bisaka agali ku kyalo Kapyemi.

Obugagga bwa Bisaka buwunii...

OBUGAGGA Bisaka bw'alese obuli mu buwumbi buwuniikirizza abantu abagamba nti, tabadde na mulimu mutongole gw'aggyamu...

Abantu nga baaniriza Pulezidenti e Busega.

Abawagizi ba pulezidenti Mu...

Abawagizi ba pulezidenti Museveni wano mu Kampala bakwatiridde ku makubo okuva e Busega okumwaniriza nga bamukulisa...

Honarebo Ssegirinya ng'alumya abayaaye.

Ssegirinya wansuubiza okunf...

NKUBAKYEYO Goolixy Nalumansi eyali muninkini w'omubaka omulonde owa Kawempe North, Muhammad Ssegirinya akiise ensingo....

Kansala Bitamiisi (ku kkono) abantu gwe baagambye nti muto.

Omwana asuuzizza maama eggaati

ABANTU bawuniikiridde bwe balabye omuwala abamu gwe baayisa omwana ng'awangudde obwakansala okukiikirira eggombolola...

Bakaluba Mukasa.

NUP ewangudde disitulikiti ...

EKIBIINA kya National Unity Platform (NUP) kyeyongedde okweriisa enkuuli mu kulonda kwa bassentebe ba disitulikiti...