TOP

Owa KCCA attiddwa mu bukambwe

Added 11th April 2019

Owa KCCA attiddwa mu bukambwe

OMUKOZI w'ekitongole kya KCCA amaze ennaku ssatu ng'abuze abehhandaze baguddewo ekigwo bwe basanze omulambo gwe mu ggwanika nga yatemuddwa. John Kibuuka 24, omutuuze w'e Gangu mu Kiziba Zooni ku lw'e Busaabala abadde akolera ekitongole kya KCCA.

Yabula ku Ssande wiiki ewedde okuva lwe yava ewuwe e Gangu ne watabaawo amanya makubo matuufu ge yakwata okutuuka omulambo gwe lwe guzuuliddwa mu ggwanika e Mulago.

Abooluganda be oluvannyuma lw'ennaku bbiri nga bamulindirira talabikako, baasazewo okutandika omuyiggo era baasoose kukuba ku ssimu ye nga kweri naye ng'evugira mu nnyumba ye. Baatandise okunoonya mu kitundu mu mikwano gye n'okugenda ku poliisi ez'enjawulo kyokka yonna nga tewali amanyi gy'ali.

Vincent Kajubi omu ku babadde bamunoonya ng'era y'abadde amusumba mu kkanisa ya Living Church of God esangibwa e Masajja, yategeezezza nti, oluvannyuma lw'okumunoonya n'abula baalagidde nnyina Sarah Nasinza okugenda ku poliisi ye Katwe. Wabula eno poliisi yagaanyi okuyingiza omusango gw'okubula mu kitabo ne babawa amagezi okugenda mu maaso n'okumunoonya.

Yagambye nti oluvannyuma lw'okulemesebwa ku poliisi y'e Katwe baasazewo okugenda ku poliisi ye Kibibi ne baggulawo omusango gw'okubula kw'omuntu waabwe ku fayiro nnamba SD:11/10/04/2019.

Kajubi yategeezezza nti nga bamaze okuggulawo omusango gw'okubula kwa Kibuuka waliwo omuserikale ku poliisi eno eyabawadde amagezi okwongera okunoonyaako ne mu ddwaaliro e Mulago nga basuubira nti ayinza okutomerwa mmotoka n'atwalibwayo. Nasinza maama w'omugenzi yategeezezza nga mu kunoonya omwana we bw'abadde n'essuubi ly'okumusanga nga mulamu.

Bwe baatuuse mu ggwanika okwongera okumunoony, omukozi omu ku ggwanika bwe baamulaze ekifaananyi n'ababuuza omuntu oyo bwe bamuyita kubanga ajjukira yabadde amulabye ku munda mu ggwanika.

Nasinza yayongeddeko nti olwabayingizza munda amaaso gaatuukidde ku mutabani we eyabadde ajjudde ebiwundu ku mutwe ne ku mikono nga kisuubirwa nga yatemuddwa butemulwa.

Oluvannyuma lw'okukakasa okufa kwa Kibuuka abooluganda baasazeewo okusooka okudda awaka okubika. Kibuuka mu KCCA abadde akola gwa kulima n'okulongoosa ebimuli okumala emyaka ebiri. Waakuziikibwa Mukono mu Nsonga ku luguudo lw'e Nkokonjeru ku Lwokuna (leero

More From The Author

Emboozi z’omuwandiisi endala

Emboozi endala

Mukyala Nsegumire nga yeetondera Mboize.

Aba NRM mu Kampala beeyuliz...

Olukiiko olwayitiddwa okutabaganya abeesimbyewo ku kkaadi y’ekibiina kya NRM mu Kampala Central n’abo baamegga...

Mwine Mukono

Mwine alina emisango mu kkooti

OMUBAKA wa munisipaali ya Mityana, Francis Zaake yaloopa DPC Mwine Mukono ne banne okuli RPC Kagarura n’abalala...

Mwine ng'ayogera eri abatuuze b'e Mityana abaali beekalakaasa.

Ebikolobero ebizze birondoo...

ABADDE aduumira Poliisi y’e Mityana, Alex Mwine Mukono eyaduumidde abaakubye ttiyaggaasi mu bannaddiini n’abeekika...

Ssentamu ng'asiiga langi ku ddame.

Bayize okukola ebitimbibwak...

HADIJAH Ssentamu akozesezza ekiseera ky’obulwadde bwa ssennyiga omukambwe okugatta obwongo n’abaako ky’ayiiya....

Ono oluggya yaluteekamu ebitebe abantu we bawummulira.

Engeri gy'osobola okukola s...

Oluggya bwe lusukka mu lumu ziba ziyitibwa empya era ebimu ku byafaayo byalwo mu Uganda lubadde lwakwewunda nga...