TOP
  • Home
  • Amawulire
  • Abali ku gw'okutta Kaweesi bagguddwaako emisango emiggya

Abali ku gw'okutta Kaweesi bagguddwaako emisango emiggya

Added 11th April 2019

Abali ku gw’okutta Kaweesi bagguddwaako emisango emiggya

 Abasibe Higenyi (wakati) ne Mbaziira ku mpingu nga batuusibwa ku kkooti e Mukono.

Abasibe Higenyi (wakati) ne Mbaziira ku mpingu nga batuusibwa ku kkooti e Mukono.

ABAVUNAANIBWA ogw'okutta Andrew Felix Kaweesi bagguddwaako emisango emirala mukaaga gyonna nga gyekuusa ku nsonga z'okukukusa abaana. Kiteeberezebwa nti baabagya mu disitulikiti ez'enjawulo ne babatwala mu bifo ebirala n'ekigendererwa eky'okubakozesa mu buyeekera.

Bino byabaddewo ku eggulo mu Kkooti eyeddaala erisooka e Mukono era ng'abavunaanibwa okuli Abdul Rashid Mbaziira ne Higenyi Noordin bamaze ebbanga kati lya myaka ebiri mu nkomyo.

Bateeberezebwa nti wakati wa 2016 ne 2017 mu disitulikiti okuli Busia, Mayuge, Bushenyi ne Mukono beekobaana okuwamba abaana abali wakati w'emyaka esatu n'omunaana okubayingiza mu by'obutujju.

Omulamuzi ow'eddaala erisooka mu kkooti e Mukono, Juliet Chasinga bwe yabadde abasomera emisango gino yabategeezezza nga bwe giri egya nnaggomola era nga kkooti ye, terina buyinza kugikolako n'abalagira okugitwala mu kkooti Enkulu bwe baba baagala okweyimirirwa.

Ono era yagaanye okukkiriza okusaba kwabwe kubanga bagenda kutwalibwa mu kkooti endala olwaleero ku Lwokuna okuwuliriza okweyimirirwa okulaba oba okusaba kwabwe kunakkirizibwa olw'amaanyi g'emisango egibavunaanibwa era omusango n'agwongerayo okutuusa nga 29 March 2019.

Ye Anthony Wameri okuva mu Wameri and CO Advocates puliida w'abakwate, yategeezezza nga bwe kimwewuunyisizza okulaba nti ate abantu be babagguddeko emisango emirala gy'abadde tasuubira era nga kino asuubira nti kikoleddwa n'ekigendererwa eky'obutayagala kubata.

Yayongeddeko nga kati bw'agenda okubakana n'eddimu ly'okubasabira okweyimirirwa buto, ku misango gino egyakabaggulwako n'ategeeza nga bw'alina essuubi ery'okubayimbula beewozeeko nga bava wabweru.

More From The Author

Emboozi z’omuwandiisi endala

Emboozi endala

RDC Kirabira ne ssentebe Matia Bwanika nga batema ddansi. EBIFAANANYI BYA PETER SSAAVA

CAO wa Wakiso atabaganyizza...

Akabaga kano akaabaddewo ku Lwokuna ku Maya Nature resort mu ggombolola y'e Nsangi e Wakiso, keetabiddwaako abakulira...

Omugenzi Sgt. Dick Magala

Abapoliisi abaafiiridde mu ...

GIBADDE miranga na kwazirana ku kitebe ky’ekitongole kya poliisi ekinoonyereza ku buzzi bw’emisango (CID) e Kibuli...

Ebimu ku bibala ebitwalibwa ebweru. Mu katono ye Kanyije.

Abatwala ebirime ebweru bee...

Abat wala ebirime ebweru w’eggwanga beemulugunya ku buseere bw’entambula y’ennyonyi ez’emigugu ng’ebisale byalinnyisibwa...

Ssentebe wa Luwafu B, Iga Gonzaga ng’annyonnyola abamu ku batuuze be ebyavudde mu kkooti.

Kkooti eyimirizza NEMA okug...

ABATUUZE b’e Kansanga abasoba mu 300 bafunye ku buweerero Kkooti Enkulu bw’efulumizza ekiragiro ekigaana ekitongole...

Abamu ku baffamire mu maka ga Maj. Mukasa e Kagoma.

Munnamagye eyayambako okule...

MUNNAMAGYE omulala, Maj. Gen. Eric Mukasa 60, eyakuba emmundu okuwamba enkambi y’e Kaweeweeta mu lutalo olwaleeta...