TOP

omwana omulala ku baaweereddwa obutwa afudde!

Added 11th April 2019

Omwana omulala ku baaweereddwa obutwa afudde!

OMWANA omulala owa famire gye bawadde obutwa afudde nga nyinina ne ne mukulu we bbo baliko kikuba mukono.

Famire ya bantu bataano gye baawadde obutwa bbebi omu n'afiirawo byeyongedde okugyononekera omwana omulala Catherine Nampiima myaka 2 bwafiiridde ku kitanda mu ddwaliro e Nkozi gyebatwaliddwa nga bali bubi.

Nampiima yaddusiddwa e Nkozi ne mukuluwe Vanessa Kisakye 12 ne nyaabwe Nuuru Namubiru 30 abatuuze be Teketwe mu gombolola ye Buwama mu Mpigi nga bali mu mbeera mbi nyo oluvanyuma lwokulya ebiteberezebwa okuba obutwa nga kigambibwa nti babubateze mu nva zaabwe ezebinyebwa zebalidde eky'eggulo.

Nampiima okufa kiddiridde okutwalibwa mu ddwaliro nga obutwa bwamubunye mu bitundubye ebyomunda era abasawo bagenze okulwana obukenenulamu nga takyasobola kussa era abadde asizza ku byuma.

Okusinziira ku akulira abasawo be Nkozi Harriet Baker Nalwoga ategeezezza nti Kisakye ne maama we Namubiru bakyali mu mbeera mbi wabula waliwo enkyukakyuka okusinziira ku mbeera mwebabatwaliddeyo era bakyalwana okutaasa obulamu bwabwe.

Taata wabaana bano Sikyomu Luyambi agambye nti mukaziwe emmere yagifumbidde mu nyumba ng'avudde ku mulimu mu kabuga ke Buwama ku mudaala gwenyanya zaatunda kyokka nti enva zebinyebwa zeyafumbidde ku mulimu emanju nga kyandiba nga zezavuddeko emberebezi kubanga abaana olwabadde okuziryako nebatandikirawo okukaaba nga benyoola.

Omwogezi wa poliisi mu Katonga Phillip Mukasa agambye nti poliisi tenabaako gwekwata ku ttemu lino kyokka nga bakyanonyereza omutemu eyakikoze nga bwebalinda ebiva mu kwekebejja emmere, obuugi nomugaati ebyatwaliddwa eMulago okwekebejjebwa.

More From The Author

Emboozi z’omuwandiisi endala

Emboozi endala

Sosimu Twesiga

Abalima ebikozesebwa mu kus...

ABALIMA ebikozesebwa mu kusogola omwenge balaajanidde gavumenti ne bagisaba okuddiriza ku mateeka g'omuggalo ku...

Rtd. Sgt. Kyazike

Owa UPDF gwe baafera asobeddwa

EYALI omuserikale w'eggye lya UPDF abafere baamulimba okumuguza enju oluvannyuma ne bamwefuulira ne bamukuba kalifoomu...

Museveni

Obuwumbi 11 ez'abasomesa mmye

ABASOMESA balojja ennaku gye bayitamu oluvannyuma lwa ssente pulezdienti ze yawa SACCO yaabwe bwe zabbibwa ne bamusaba...

Aba bodaboda ku siteegi y’e Makerere nga bajjuza obukonge bwa Gabula Ssekukkulu, Ku ddyo ye Donozio Ssempeebwa ssentebe waabwe.

Bukedde bw'agabula tewali a...

ABAVUZI ba bodaboda nabo beegasse ku bantu abalala okukunga bannaabwe okwetaba mu kujjuza akakonge ka Gabula Ssekukkulu...

Pulezidenti Museveni ng’atuuka ku mukolo gw'okukuyega abakulembeze mu Mbale.

Ab'e Mbale basabye Museveni...

MUSEVENI bwe yabadde mu Bugisu baamubuulidde ebintu ebikulu bye baagala akole olwo basobole okumuyiira obululu...