TOP

Bannamagye balambudde pulojekiti za KCCA

Added 18th April 2019

BANNAMAGYE ku madaala agaawagulu balambudde pulojekiti za KCCA ez’enjawulo omubadde n’ekisenge ekirimu kkamera ezikuuma ekibuga Kampala okulaba engeri gye zikolamu.

Baasoose kusisinkana akola nga dayirekita wa Kampala, Andrew Kitaka abadde n'omumyuka we Samuel Sserunkuuma, akulira okutegekera ekibuga Moses Atwine n'abalala mu City Hall.

Bannamagye baabuuzizza ku ngeri KCCA gy'ekolamu emirimu gyaayo naddala akalippagano k'ebidduka, enkaayana z'ettaka engeri gye zigonjolwamu ate n'enkulaakulana eriwo mu kibuga basobodde batya okugituukako.

Kitaka yabasomesezza olugendo KCCA lw'ezze etambula n'abategeeza nti ku kalippagano k'ebidduka mu kibuga bakozesa kkamera okukamalawo.

"Tusobola okulaba amasang'anzira 13 mwe tutadde kkamera nga tukozesa abakugu baffe wano mu KCCA.

Tulina abantu baffe abalina empuliziganya ku nguudo ezenjawulo era kati tusobola okulaba ekifo awakutte obulippagano obunene ne tukolagana n'abaserikale ku nguudo ne tubumalawo," Kitaka bwe yagambye.

Ku ttaka n'okutegekera Kampala, Moses Atwine yabategeezezza nti KCCA yayimiriza okuwa omugagga yenna pulaani alina poloti esangibwa mu lutobazzi.

"Poloti ezirina ebyapa ebyalangibwa mu mawulire nti biri mu lutobazzi bisazibwemu twabissaako ekkomo tewali kubiwa pulaani.

Tukolera wamu ne NEMA era ensonga tuzikute bulungi," Atwine bwe yagambye.

Atwine yategeezezza nti wadde Gavumenti eyinza okuba nga ye yalanga poloti ezo naye KCCCA ye yasaawo akazito.

More From The Author

Emboozi z’omuwandiisi endala

Emboozi endala

Lubega akulembedde ne Amatos ku kkooti e Makindye.

Abaali bafera paasita basin...

ABASUUBUZI b'omu Kampala basindikiddwa mu kkomera lwa kugezaako kufera Paasita ssente ezikunukkiriza mu buwumbi...

Spice Diana asiibuludde aba...

Bya Mukasa Lawrence  ABAYIMBI okuli Spice Diana ne munne Fik Femaika bavuddeyo ne baduukirira abasiraamu ku...

Abakozi ba Rock bavudde mu ...

Bya Phoebe Nabagereka Abakozi mu kampuni ya Roko e Gerenge mu town council ye Katabi bekalakasiza nga balaga...

FDC evumiridde effujjo erik...

Bya Doreen Namaggala AMYUKA ssabawandiisi w'ekibiina ki FDC, Arnold Kaija asabye bannayuganda okukomya okutiisatiisa...

Abazigu balumbye ekigo ne b...

Abazigu ababadde n'ebijambiya, emitayimbwa saako ennyondo bazinze ekigo kya Kabulamuliro Catholic Parish, ne bamenya...