TOP
  • Home
  • Amawulire
  • Obulwadde bw'ensigo busse eyali minisita wa Kabaka

Obulwadde bw'ensigo busse eyali minisita wa Kabaka

Added 10th May 2019

Obulwadde bw’ensigo busse eyali minisita wa Kabaka

 Omugenzi Bagunywa

Omugenzi Bagunywa

EYALIKO minisita wa Gavumenti ezeebitundu e Mmengo, Arthur Musisi Bagunywa 91, afudde oluvannyuma lw'okutawa-anyizibwa obulwadde bw'ensigo.

Yafudde ku Lwokuna ku ssaawa 4:00 ez'oku makya ng'abadde ajjanjabibwa mu ddwaaliro lya Platinum ku Buganda Raod mu Kampala. "Oweekitiibwa yali musaale nnyo era yeenyigira mu nteekateeka z'okuzzaawo Obwakabaka.

Mu 1993 Kabaka yasiima n'amulonda nga minisita w'ebyenjigiriza ate oluvannyuma yaliko minisita wa gavumenti ezeebitundu era nga we yawummulira yali minisita w'ebyobuwangwa ow'Obwakabaka. Abadde muwulize nnyo eri Nnamulondo," minisita w'ebyamawulire era omwogezi w'Obwakabaka, Noah Kiyimba bwe yategeezezza.

Bagunywa ye taata wa Florence Bagunywa Nkalubo ng'ono naye yaliko minisita wa Kabaka ow'abavubuka n'emirimu era Kiyimba yasaasidde nnyo famire n'emikwano ssaako n'Obwakabaka olw'okuviibwako omuntu ow'omugaso bwati.

YAKULEMBERAKO EKIBIINA KY'OLULIMI OLUGANDA

Kiyimba yategeezezza nti Obwakabaka bwakwongera okutegeeza Obuganda enteekateeka z'okuziika munnannimi ono eyaliko ssentebe w'ekibiina ky'olulimi Oluganda okuva 2002- 2011. Ku bukulu buno yadda mu bigere bya Polof. Livingstone Walusimbi ng'ono yafa omwaka oguwedde. Bagunywa yasikirwa Dr. Adam Kimala eyawummudde mu 2018, olwo entebe n'eweebwa Fred Lukabwe Kisirikko.

Bagunywa we yaviira ku bwassentebe bw'ekibiina ky'olulimi Oluganda ng'ekibiina kifulumizza Enkuluze (Dictionary) y'olulimi Oluganda.

More From The Author

Emboozi z’omuwandiisi endala

Emboozi endala

Ababbi kkamera be yakutte nga banyaga edduuka e Bunnamwaya.

Kkamera zikutte ababbi nga ...

ABABBI balumbye edduuka ly’ebizimbisibwa e Bunnamwaya ne banyaga ebintu nga tebamanyi nti kkamera ezaabadde munda...

Abatuuze nga bali mu lukiiko.

Batabukidde omusamize mu lu...

ABATUUZE b’e Jjokolera mu ggombolola y’e Nangabo mu disitulikiti y’e Wakiso balumirizza omusamize okubateega n’abawamba...

Ssaabasumba Lwanga n'omumyuka wa Pulezidenti, Edward Kiwanuka Ssekandi.

Abaserikale musse ekitiibwa...

SSAABASUMBA w’Essaza Ekkulu erya Kampala, Dr. Cyprian Kizito Lwanga asabye abakuumaddembe okuyisa obulungi Bannayuganda...

Omusomesa ng'akebera omuyizi corona virus.

Minisitule y'ebyenjigiriza ...

MINISITULE y’ebyenjigiriza ekoze enkyukakyuka mu birina okusomesebwa abayizi ba P7 abazzeeyo ku masomero n’ab’ebibiina...