TOP
  • Home
  • Amawulire
  • Ekyalo Mutundwe ne Kisigula lwaki byatuumibwa bityo

Ekyalo Mutundwe ne Kisigula lwaki byatuumibwa bityo

Added 19th May 2019

Ekyalo Mutundwe ne Kisigula lwaki byatuumibwa bityo

 Akasozi Mutundwe nga bwe kalabika.

Akasozi Mutundwe nga bwe kalabika.

NGA tukyagenda mu maaso n'okutunuulira amagezi Abaganda ge baakozesanga okutuuma ebintu, abantu, ebyalo, ebimera, emiti n'ebirala Ssande ewedde twatunuulidde engeri ekyalo Najjanankumbi gye kyafunamu erinnya lyakyo.

Ndowooza naawe wanyoleddwa bwe wafumiitirizza ku nnaku eyinza okwefuga omusajja oyo abadde ne mukyala we nga baagalana, bakkaanya ne bazaala abaana, ne bamanyiiragana n'oluusi ne bakulana kyokka n'ajja amufaako n'asigala awo mu gw'e Busami. Olwaleero ate katuserengete e Mutundwe tutuukire ddala n'e Kisigula. Ku lusozi luno kwe kwabeeranga omumbowa wa Kabaka eyayitibwanga Ssebatta.

Omumbowa oyo bwe yalagirwanga okutta omuntu yenna nga talonzalonza era n'oluusi abeejjeerezebwanga oluvannyuma ne bamutumira bateebwe , abatume baasanganga yamaze dda okubaggya mu budde. Ssebatta yali tamanyiirwa era yavaako n'ekisoko ekigamba nti, "okukwatira Ssebatta ensawo" ekitegeeza okubeera ku bwerende, nga aliraanye bbomu, anti essaawa yonna ebaluka.

Ekisoko ekyo kikozesebwa ku muntu aliko kye yeeraliikirira ng'essaawa yonna kiyinza okumuleetera obuzibu. Kabaka bwe yabangako ky'akyusizza mu kusalawo kwe yatumiranga Ssebatta ababaka okumutegeeza.

Kigambibwa nti erinnya Mutundwe lyava ku biragiro ebyavanga ewa Kabaka nga bigamba nti, "Ssaabasajja Kabaka alagidde nti ab'emisango emibi battibwe buttibwa, ab'emisango emirungi mutundwe.

Muwulidde? Mutundwe (Mutundibwe)" Akasozi Kisigula kali wakati w'olusozi Mutundwe n'akasozi Kamaanya. Edda akasozi ako nako baakayitanga Mutundwe, ky'ova olaba n'ababeerayo olwaleero bayitayo Mutundwe-Kisigula.

Sir Apollo Kaggwa bwe yalekulira, yafuluma n'eggwanika lya Kabaka nga liva mu lubiri e Mengo n'agenda akuba embuga ye ku kasozi ako. Mbu lwali lumu Kabaka Mwanga II n'agenda okulaba eggwanika lye.

Sir Apollo Kaggwa bwe yayolesa emmundu zonna nga n'okuwera awera, Kabaka n'agamba nti: "Tewali ggwanga lirinjeemera ng'emmundu zino zonna ziri wano" Okwo Kabaka n'abantu be kwe baasinziira okuyita akasozi ako"Kisigula", ekivvuunulwa nti "Ekisigula ennyana, kiva mu kibeere."

More From The Author

Emboozi z’omuwandiisi endala

Emboozi endala

Mmotoka ya minisita Atwoki eyakubiddwa amasasi.

Minisita asimattuse amasasi

Minisita omubeezi avunaanyizibwa ku byenfuna mu offiisi y'omumyuka wa Pulezidenti, Dr Baltazar Kasirivu-Atwooki,...

Kiddu (ku kkono) ne munne.

Bannabyamizannyo abattiddwa...

Nga December 30 omwaka oguwedde, abantu abatamanyiddwa baasindiridde Isaac 'Zebra' Senyange, eyaliko kapiteeni...

Sserunjogi ng’alaga ebintu by’atonaatona omuli essaati, ebikopo n’ebirala ebikozesebwa mu kunoonya obululu okusikiriza abalonzi.

Sserunjogi kkampeyini aziko...

AWAGWA ekku tewabula kalondererwa, ekiseera kya kkampeyini bangi bakikozesezza okuyiiya ssente era gubeera mugano...

Ssentebe Andrew Kasatiiro ng'agezaako okunnyonnyola abaatafunye butimba.

Ab'e Jinja Kalooli batabuki...

Abatuuze b'e Jinja Kalooli mu Wakiso beeweereza ebisongovu n'abakulembeze baabwe lwa butabawa butimba bwa nsiri....

Kasibante ku mpingu  ng'akwatiddwa.

Agambibwa okugezaako okufum...

OMUSUUBUZI   aloopye omuvubuka ku poliisi n'amulumiriza  okumuggyiraayo ekiso amufumite abaduukirize ne bamutaasa....