TOP

Owa LC e Kawempe bamwokedde mu nju

Added 27th May 2019

Owa LC e Kawempe bamwokedde mu nju

ABANTU abettima bayingiridde ow'akakiiko ka LCI e Kawempe ne bayiwa amafuta ga petulooli mu nju. Agenze okudda engulu ng'omuliro gumutuuseeko; kati ataawa!

Rashid Bulime, omuwanika wa Kirokole zooni mu Kawempe, abazigu abatannaba kutegeerekeka baamwokedde mu nnyumba mu kiro ekyakeesezza Olwokuna n'addusibwa mu ddwaaliro e Kiruddu gye yaweereddwa ekitanda ng'ali mu mbeera mbi.

Adam Kabuusu, taata wa Bulime yagambye nti abaakoze kino balabika baludde nga beetegekera obuzigu buno. Kuba bazze ne baggulawo eddirisa ly'ennyumba ery'omu ddiiro ne bayiwa petulooli n'akulukuta okutuukira ddala mu kisenge. Oluvannyuma baakoleezezza akabiriiti ne baleka ng'omuliro gulanda.

Bulime eyabadde mu tulo yagenze okusisimuka ng'omuliro gumaze okumutuukako n'amenya emitayimbwa gy'eddirisa gy'ekisenge mwe yeenyigirizza n'agwa ebweru kyokka ng'omuliro gumaze okumwokya.

Shamim Nabankema, maama wa Bulime yagambye nti, "twabadde twakamala okulya ddaaku ku ssaawa 9:00 ez'ekiro, muwala wange Sharifah Nanyange gwe mbeera naye n'antegeeza nga bwe bamukubidde essimu nga bamutegeeza nti Bulime bamwokedde mu nnyumba ebigambo ne bimbula..." Yagambye nti baliraanwa ba Bulime be baamudduukiridde ne bamussa ku bodaboda ne bamutwala ku ddwaaliro lya Kyaddondo e Kawempe ne bamugoba.

Baamututte ku Norvik ku Bombo Road gye baasoose okufunira obujjanjabi obusookerwako oluvannyuma ne bamuteeka mu ambyulensi eyamututte e Kiruddu. Abalala baasigadde bazikiza omuliro kyokka ebintu byonna byaweddewo.

Bulime mu nnyumba olumu abadde asulamu ne mutabani we kyokka ku luno yabaddemu yekka. Joseph Kibuga, ssentebe wa LCI yategeezezza nti Herbert Ddamba akulira ebyokwerinda mu kitundu yamukubidde essimu ku ssaawa nga 9:00 ekiro n'amutegeeza ebibaddewo. "Twagenze ku poliisi ya Kakungulu ne tuggulawo omusango ku fayiro nnamba SD: 16/23/05/2019.

Poliisi yazudde akadomola ka petulooli okumpi n'amaka ga Bulime. Abakulembeze okuli Sulaiman Kidandala, Fred Nyanzi ne Ying. Mizar Katumba baalambudde Bulime ku kitanda e Kiruddu

More From The Author

Emboozi z’omuwandiisi endala

Emboozi endala

Fred Bamwine ng’akwasa Ndisaba ekitabo ky’ensonga z'e Mukono.

Ndisaba akwasiddwa ofiisi

Bya JOANITA NAKATTE                                                                                           ...

David Kabanda (ku ddyo) omubaka wa Kasambya, Haji Bashir Ssempa Lubega owa Munisipaali y’e Mubende ne Micheal Muhereza Ntambi, ssentebe wa disitulikiti y’e Mubende nga bawayaamu.

Abaalondeddwa ku bubaka mu ...

ABAAWANGUDDE ebifo by’ababaka ba palamenti ku kaadi ya NRM mu konsitityuwensi ez’enjawulo mu Disitulikiti y’e Mubende...

Matia Lwanga Bwanika owa Wakiso.

Ssentebe afunira mu nsako

Eyali Sipiika wa Jinja munisipaali oluvannyuma eyafuulibwa City, Moses Bizitu yategeezezza nti bassentebe ba disitulikiti...

Bakkansala ba Kampala nga bateesa mu City Hall gye buvuddeko.

Omusaala ogulindiridde aba ...

Bya MARGARET ZALWANGO OKULONDA kwa bassentebe ba Disitulikiti, bammeeya b'ebibuga (cities) ne bakkansala b'oku...

Omulabirizi Luwalira ng'asimba omuti.

Ekkanisa ne bwekwata omulir...

Omulabirizi w'e Namirembe, Rt. Rev. Wilberforce Kityo Luwalira agumizza Abakristaayo nti wadde sitaani asiikudde...