Eirwariro rya Mbarara ritongoize obuheereza bw’obugaari bw’abaana.

NewVision Reporter
Journalist @NewVision
Nov 01, 2023

N’ebya Abdulkarim Ssengendo

MBARARA
 
Eirwariro erihango erya Mbarara rikwataniise n’eitendekyero erya Mbarara University of Science and Technology ritongoize obuheereza bw’obugaari bw’abaana obugyenderiire kushagika abaana kutambura na munonga abaine oburemeezi bw’okutambura.

Puroguraamu eg egyenderiire kushagika abaana omu by’entambura n’okushagika abaana abaine oburema aha mibiri yaabo etongoziibweho Orwakabiri ebiro 31/10/2023.

Omu bigambo bye, RCC wa Mbarara City, Lt Col James Mwesigye, asiimire puroguraamu egi egyenderiire kuheereza eirwariro eri obugaari oburi aha mutindo gw’ahaiguru obw’okuhwera abaana abarema.

Lt. Col. Mwesigye nashaba ku habaho okushomesa abazaire okureeba ngu obugaari obu tibwakoresibwa kubi.

Obugaari obu buhairweyo ekitongore ekya Bethany Kids International, ekitongore ky’ediini. Mwesigye nabwo nahiga abantu b’omu mahanga ga Africa okwetamu omucwe gw’okuhwera abatarikwebaasa. 

Mwesigye nabwo nahiga abantu b’omu mahanga ga Africa okwetamu omucwe gw’okuhwera abatarikwebaasa. Photos by Ssengendo Abdulkarim.

Mwesigye nabwo nahiga abantu b’omu mahanga ga Africa okwetamu omucwe gw’okuhwera abatarikwebaasa. Photos by Ssengendo Abdulkarim.

Ahamisiririize ekyetengo ky’okukunda eihanga na munonga omu bashaho boona. Nabow ahabire eminyeeto okukoresa obusingye oburi omu eihanga bakabaasa kurwanisa obworo.

Mwesigye nashaba abatungire obugaari okubukwata gye. Nayongyera ashaba abeegi okutwara amashomo ga sayansi Kwenda ngu eihanga ribaase kutunga abashaho baingi.

Wenceslaus Turyamureba, omushaho omuhangu orikukora n’eirwariro erya Mbarara agizire ngu obuhwezi obu nibwija kuhwera abarikureeberera abaana aba okubika esente ezibatwire nibarebereza abaana aba.

Okurugiirira aha mugambirizi w’eirwariro erya Mbarara, Halson Kagure- eirwariro niritunga abarwaire barikurenga miriyooni 6 kuruga omuro za disiturikiti zitari zimwe kuruga omu mahanga agaheriine na Uganda omuri Rwanda, Tanzania na Democratic Republic of Congo.
   
#WestUpdates

Related Articles

No Comment


(adsbygoogle = window.adsbygoogle || []).push({});