TOP

Ssempijja akolimidde abaamuyisizza ku litalaba

Added 10th June 2019

Ssempijja akolimidde abaamuyisizza ku litalaba

EBYA Tonny Ssempijja tebiggwa. Ennaku zino bw'omukubira essimu adda mu kukolima nga yeekokkola abategesi b'ebivvulu b'azze alwanirira okumuyitamu.

Omanyi Ssempijja ye mukwanaganya w'ekibiina kya UMP-NET ekigatta abategesi b'ebivvulu, bannannyini bifo ebisanyukirwamu n'abayimbi era yazze okulemberamu abantu bano okugenda ewa Gen. Saleh oluvannyuma eyabatuusa mu State House ewa Pulezidenti Museveni okwanja ebizibu byabwe.

Kyokka olugendo olwasembayo ebintu we byatandikira okumwonoonekera abantu ab'enjawulo mu kisaawe ky'okuyimba ne katemba ne batandika okumukuba amagi amavundu ne batuuka n'okumuyita bbulooka wa buli kintu ne bamulangira n'okutta ekisaawe ky'okuyimba.

Olw'okuba ddiiru yali agigusizza, Pulezidenti yakkiriza okubawa akawumbi kamu n'obukadde 800. Kyokka obubonero bwe bugenze bulaga nti ssente zigenda kuvaayo, Ssempijja ne bongera okumukuba ekikono era gye byaggweeredde nga baziyisizza ku akawunti z'abategesi b'ebivvulu.

Ssempijja yagambye nti bano baali baamusuubiza okumuwaayo akantu kyokka bwe baamaze okufuna ssente zino wiiki ewedde ne bamwesamba.

Obwedda buli amukubira essimu ng'akolima nga bw'agamba ndi wano ntudde ku Pope Paul nninda basajja bampe ku ssente naye tewali annyega. Kyokka waliwo atugambye nti yafunye ssente ate abalala ne bamulangira okwogera ennyo n'oluusi n'ava ku mulamwa

More From The Author

Emboozi z’omuwandiisi endala

Emboozi endala

Ensi kuyiiya: Wuuno nnamuka...

ABAVUBUKA bangi banyooma emirimu olwo ne badda mu kwekubagiza nga bwebatalina mirimu n’obwavu obubalemesa okubaako...

Ensi ekalubye omukazi ow'em...

Nansubuga agamba ku myaka 75 asoboola okwetuusaako buli kimu.

Dr. Diana Atwine n'abakulu abalala nga balambula eddwaaliro

Dr. Atwine alagidde eddwali...

MINISITULE y'ebyobulamu ekkirizza eddwaliro ly'e Kayunga erimaze emyaka ebiri nga liddaabirizibwa litandike okujjanjaba...

Ssekandi ayozaayozezza Bann...

OMUMYUKA wa Pulezidenti Edward Kiwanuka Ssekandi ayozaayozezza Bannamasaka okusajjakula ne bafuna City nga ne disitulikiti...

Kagimu ku kkono ng'awaanyisiganya ebisongovu ne ssentebe Ssebunya ku ddyo.

Ekkubo litabudde meeya Kagi...

Ekkubo lyatabudde meeya wa munisipaali y’e Mukono, George Fred Kagimu n’abatuuze abakozesa ekkubo eriyita okumpi...