TOP

Engeri owa Boda boda gyeyattiddwamu e Lwengo

Added 15th July 2019

Engeri owa Boda boda gyeyattiddwamu e Lwengo

OWA bodaboda omulala attiddwa mu bitundu by'e Lwengo omulambo gwe ne gusuulibwa mu kibira ky'e Kyamaganda mu ggombolola y'e Kisekka. Rogers Mulindwa 29, yattiddwa mu bukambwe bwe yateegeddwa abatemu abatannaba kumanyika.

Yakubiddwa nnyondo ku mutwe eyamuyiye obwongo. Omulambo gwe gwasangiddwa ng'emikono gisibiddwa. Pikipiki ye ekika kya Bajaj Boxer nnamba UEW 509U n'ensimbi ze yabadde nazo baabitutte.

Bino okubaawo wabadde waakayitawo wiiki emu ng'abatemu baakatta owa bodaboda Ronald Nkangi mu bitundu by'e Mbiriizi e Lwengo ng'ono naye baamubbako pikipiki ye eya kika kya Bajaj Boxer nnamba UEU 990M.

Ettemu lino lyongedde obunkenke n'akasattiro naddala mu bavuzi ba bodaboda aboolekedde okwabulira omulimu guno olw'obutemu obubakolebwako emisana ttuku. Bagamba nti mu kusooka abantu baali beekwasa nti be beereetera ettemu olw'okubalumirizanga okuvuga amatumbibudde.

Kigambibwa nti omugenzi yakomye okulabibwako akawungeezi ku ssaawa nga 1:00 ng'ono banne bwe babadde bakola tebazzeemu kumulabako ekitegeeza nti yatemuddwa mu budde obwo bwe yabaviiriddeko.

Bano baakanze kumulinda okukola nga bw'abadde akeera ku siteegi eya Top Betting mu kabuga k'e Kinoni nga buteerere okutuusa ababodaboda bwe basambye ensiko eno gye bagwiridde ku mulambo gwe ogwasuuliddwa mu kibira kyokka nga kirabika nti abatemu baalwanaganye n'omugenzi nga tannafa.

Aba bodaboda basabye poliisi ebakkirize okwekolera ku yenna akwatibwa mu bubbi bwa bodaboda kyokka akulira poliisi y'e Kinoni Abbo Marion n'abalabula okukyewala kuba kuba kutwalira mateeka mu ngalo

More From The Author

Emboozi z’omuwandiisi endala

Emboozi endala

Ssemakula eyakiikiridde SSLOA  ng'avumirira ekikolwa kya KCCA okubawamba.

Abakulembeze ba Owino bavum...

ABAKULEMBEZE b'ebibiina ebikulira abasuubuzi eby’enjawulo mu katale ka St.Balikuddembe bivumiridde ekikolwa ky'okuwamba...

Ssaabasumba Lwanga (ku kkono) ng’awa ssanduuko ya Msgr. Kato omukisa.

Okuziika Msgr. Katongole ka...

BANNADDIINI ne bannabyabufuzi bavumiridde eby'okukwata abantu ne bakuumirwa mu bifo ebitamanyiddwa. Baalaze okutya...

Rebecca Kadaga.

Sipiika asazeewo ku bantu a...

SIPIIKA wa Palamenti Rebecca Kadaga awadde olukusa ababaka ba Palamenti abava mu bitundu awali abantu abazze bakwatibwa...

Olega (akulembedde) ne banne.

Akabinja akatigomya ab'e Lu...

AKABINJA k’abasajja ababadde batta abantu mu bitundu by'e Luweero, Nakaseke, Nakasongola ne Wakiso bakafunzizza...

Waffle, ccapati erimu eggi, sosegi n’ekyokunywa.

Ssente azinoga mu kukola 'w...

Wali okedde ku makya nga tomanyi ky’oyinza kunywera ku caayi oba n’onoonya ekyokulya ekyangu ky’oyinza okuliira...