TOP
  • Home
  • Amawulire
  • Gav't ereese etteeka eriwera okutunda n'okugula mmotoka enkadde

Gav't ereese etteeka eriwera okutunda n'okugula mmotoka enkadde

Added 17th July 2019

GAVUMENTI ereese etteeka erigenda okuwera okuleeta muno emmottoka enkadde.

Mu tteeka lino erikyali mu bubage eryanjuddwa minisita w'ebyentambula, Monica Ntege Azuba emmottoka zonna ezisussa  emyaka omunaana bukyanga zikolebwa tezigenda kuKkirizibwa kulEetebwa mu Uganda.

Ebbago lino lireteddwa kulongoosa mu tteeka ly'ebidduka n'obutebenkevu bw'oku nguudo erya ‘ Traffick and Road  Safety Act , eryayisibwa mu 1998.

Eyabadde akubiriza palamenti  omumyuka wa sipiika Jacob Oulanyah yalisindise mu kakiiko ka palamenti ak'ebyentambula kongere okulyekenenya.

Ku nsonga endala mu lutuula luno  omubaka Odonga Otto (Aruu North)  yasabye gavumenti ennyonnyole mu butongole emitendera egirina okuyitibwamu omuntu asudde ‘'endaga muntu'' okuddamu okufuna empya ne wa gy'ayinza okugisaba.

Wabula Minisita w'ensonga z'omunda Obiga Kania yagambye nti kituufu abantu abasuula ‘endaga muntu'  basanga obuzibu okuddamu okufuna empya.

Yagambye nti agenda  kujja n'ekiwandiiko ekinnyonnyola akawonvu n'akagga ku bikwata ku kuwandiisa abantu n'endaga muntu.

N'agamba nti n'ekitongole ekivunaanyizibwa kuwandiisa abantu ekya NIRA tekiwandiisa balonzi wabula Bannayuganda bonna.

More From The Author

Emboozi z’omuwandiisi endala

Emboozi endala

Kato Lubwama nga tebannamulongoosa

Omubaka Kato Lubwama bamulo...

OMUBAKA Kato Lubwama ( Lubaga South) amaze essaawa ssatu mu sweeta ng'abasawo bamulongoosa n'okumwekebegya omulundi...

Masaka City etongozeddwa wa...

WADDE nga wazzeewo okusika omuguwa mu kutongozebwa kw'ekibuga Masaka ekyafuuliddwa CITY tekirobedde bakulembeze...

Bagguddewo ekifo we basibir...

Bya ERIC YIGA ABATUUZE ku  mwalo gw'e Katosi mu  disitulikiti y'e Mukono beekozeemu  omulimu  mu nkola  ya bulungi ...

Oba kiki ekyatuuka ku nnyum...

ABATAMBUZE abayita ku kyalo Nkuke mu ggombolola y'e Buwunga mu Masaka bebuuza ekyatuuka ku y'Ambasada era eyaliko...

Agafa ku bidduka: Laba omug...

Emmotoka ezifiira ku nguudo zeeyongedde obungi nga kigambibwa nti ekizibu kivudde ku bbanga eddene lye zaamala...