TOP

Ettemu ku ba bodaboda ligulumbizza Palamenti

Added 14th August 2019

Ettemu ku ba bodaboda ligulumbizza Palamenti

ABABAKA ba Palamenti bakubaganyizza ebirowoozo ku kiteekeddwa okukolebwa okumalawo ettemu erisusse mu bavuzi ba bodaboda. Baabadde mu lutuula olwakubiriziddwa sipiika Rebecca Kadaga, eggulo. David Abala (Ngora) ye yayanjudde ekiteeso mu Palamenti n'asaba Gavumenti okukolawo ekyenjawulo okulaba ng'ettemu ku bavuzi ba bodaboda likomekkerezebwa.

Ekiteeso kyawagiddwa Allan Sewanyana (Makindye West) ne Thomas Tayebwa (Ruhinda North). Abalala baasabye wabeewo ekikolebwa ku batunda sipeeya omukadde kubanga okunoonyereza okukoleddwa kizuuliddwa nti beetaba butereevu mu kutta abavuzi ba bodaboda n'ekigendererwa ky'okufuna sipeeya.

Kyokka Ssewanyana yayawukanyeemu nabo n'agamba nti abantu abatono tebasaanye kulowoozesa nti bonna abatunda sipeeya babbi oba batemu. Yawadde eky'okulabirako nti waliwo abantu abakaddiyidde mu mulimu gw'okutunda sipeeya ng'ate ekizibu eky'ogerwako kyakamala emyaka ebiri gyokka.

Waira Majegere (Bunya) yagambye nti Gavumenti bw'eba eremereddwa bamukkirize aleete etteeka erinaasobola okuluhhaamya omulimu gwa bodaboda mu ggwanga. Yasabye wateekebwewo ne SACCO esobola okuyamba abavuzi ba bodaboda nga beewola n'okuterekayo. Wadde nga bangi ssente bazifuna kyokka tebasobodde kwekulaakulanya. Joseph Sewungu (Kalungu West) yasabye Gavumenti amaanyi g'eteeka mu kugumbulula enkuhhana za bannabyabufuzi b'oludda oluvuganya g'ebeera essa ku batemu

. Yagambye nti omuntu bw'ategeeza poliisi nti bamubbye esooka kumusaba za mafuta ate nga mu kukwata bannabyabufuzi banguwa nnyo. Ibrahim Ssemujju Nganda (Kira Munisipaali) yawabudde Gavumenti eddemu yeetegereze amagezi Pulezidenti Museveni ge yaleeta okumalawo ettemu ng'okwambala ebikoofiiraebiriko nnamba n'okuteeka kkamera ku nguudo kuba birabika tebinnaba kukola.

Geoffrey Macho (Busia Munisipaali) yasabye Gavumenti etwala eky'okulabirako kya Kenya gye yagambye nti abavuzi ba bodaboda bonna baawandiikibwa ne babakolera ne SACCO. Buli muvuzi amanyiddwa ne pikipiki gy'avuga. Ababaka bonna abaateesezza baalaze nti kyetaagisa Gavumenti okuteekawo etteeka ku bodaboda kubanga buli omu ayingira mu mulimu guno nga tasoose kwekenneenyezebwa wadde okutendekebwa

More From The Author

Emboozi z’omuwandiisi endala

Emboozi endala

Spoon X Lounge bataddewo amaduuka

Corona anyize ab'ebbaala ne...

Eyo y'embeera ekirwadde kya corona we kituusizza bannannyini bifo ebisanyukirwamu naddala ebbaala. Oluvannyuma...

Omukazi yabuuka n'eyavaako ...

ABAKAZI abasinga tebalina bugumiikiriza! Maama w’abaana bange bwe bansiba mu kkomera e Luzira nagenda okuvaayo...

Pogba owa ManU (ku kkono) ne Zaha owa Palace baddamu leero okusisinkana.

ManU tetidde Crystal Palace

LEERO (lwamukaaga) zaakudda okunywa batabani ba Ole Gunnar Solskjaer (aba ManU) bwe banaaba balwana okukakasa ensi...

Bashir Mutanda

Mbarara etutte Bashir Mutanda

MBARARA City FC eraze amaanyi bw’esitukidde mu abadde omuteebi wa SC Villa, Bashir Mutanda n’assa omukono ku ndagaano...

Kizza (ku ddyo) ng’akwasa Mayeku omujoozi gwa URA.

Tukooye ennyonta y'ebikopo ...

SSENTEBE wa URA FC, James Kizza agambye nti ennyonta y’ebikopo ebasusseeko nga sizoni eno baagala basitukire mu...