TOP
  • Home
  • Amawulire
  • Abakulembeze balaajanidde KCCA ku butonde bw'ensi

Abakulembeze balaajanidde KCCA ku butonde bw'ensi

Added 15th August 2019

Abatuuze beekyaye ne bamenya ekikomera ky'omugagga e Kabowa lwa kuzimba ku mwala

 Kansala Ddamba (mu ssuuti) n'abakulembeze abalala nga balambula emyala mu Wankulukuku

Kansala Ddamba (mu ssuuti) n'abakulembeze abalala nga balambula emyala mu Wankulukuku

Bya VIVIEN NAKITENDE

Abakulembeze b'ebyalo mu Lubaga balaajanidde KCCA ku butonde bw'ensi obwonoonebwa olw'abaggagga abazimba mu myala n'entobazzi. Beekokkodde bamusigansimbi  abeefuula abaleese enkulaakulana, ne baleka nga boonoonye ebitundu byabwe.

Baabadde mu lukiiko olwayitiddwa kansala Ismail Ddamba Kisuze owa Lubaga III mu KCCA, okwogera ku butonde bw'ensi n'obuyonjo bw'ebitundu byabwe.

Lwatudde oluvannyuma lw'omugagga Kalungi alina ekkolero ly'obuveera mu zooni ya Ssembule ‘B' e Kabowa, eyabadde azimbye ekikomera mu mwala gwa Nalukolongo Channel, wabula abatuuze ne bakimenya nga bagamba nti, kigenda kubakosa ssinga kiziba omwala.

 lutobazzi olusendeddwa e ankulukuku Olutobazzi olusendeddwa e Wankulukuku

 

Balambudde ebifo eby'enjawulo omuli emyala n'entobazzi ebyonooneddwa, nga bino bagamba bye bivuddeko amataba okweyongera mu bitundu by'e Lubaga eby'enjawulo, nga waaliwo ebitundu ebimu abagagga abaazimba ne bakyusa amakubo g'emyala ate entobazzi nazo ne bazizimbamu nga kati amazzi tegakyalina we gayiwa.

Wano bassentebe we baasinzidde ne basaba Gavumenti ebongere obuyinza, nga tewali muntu yenna akkiriza kuzimba mu kitundu ng'olukiiko lw'ekyalo terukkiriza oba ddala w'agenda okuzimba wagwanidde.

 ano olutobazzi balukubiramu bbulooka Bano olutobazzi balukubiramu bbulooka

 

Edmikes Tagoya, Ssentebe wa zooni ya Ssembule ‘B' agamba nti, ebifo eby'enkizo ng'emyala n'entobazzi bingi bizimbiddwamu lwakuba abazimbamu bajja n'ebiragiro okuva waggulu, nga bassentebe ne bwe babagambako tebabawuliriza kubanga tebalina buyinza.

Kansala Ddamba, agambye nti akizudde nga bamusigansimbi be basinze okwonoona obutonde bw'ensi mu kitundu, nga bajja ne bagula ebyalo ne basasula abantu abaliwo, ne bakolerawo bye baagala omuli abayiwa ettaka emyala gye basanze mu kifo ekyo gyonna ne bagiziba ekikosezza abantu.

 kifo abakulembeze we baalambudde nga waliwo nebikondo Ekifo abakulembeze we baalambudde nga waliwo n'ebikondo

 

N'agamba nti, basazeewo omuntu yenna okujja mu kitundu okuzimba alina okuba ng'alina pulaani okuva mu KCCA oba olukusa lwa NEMA, okumuyisa mu kasengejja k'ekyalo, bwe balaba nga waliwo ebyetaaga okukyusibwa, alina okubituukiriza era tajja kukkirizibwanga kwonoona bitundu, abatuuze kye baawagidde.

More From The Author

Emboozi z’omuwandiisi endala

Emboozi endala

Pulezidenti Museveni ng’ayogera eri bofiisa ba poliisi.

Pulezidenti annyonnyodde lw...

PULEZIDENTI Museveni annyonnyodde lwaki amagye ne SFC bakwata abantu n'agamba nti okunenya ebitongole by'ebyokwerinda...

Sheikh Kibuule

'Temukola biraamo birabula ...

DISITULIKITI Khadhi w'e Lwengo, Sheikh Ismeal Ibrahim Kibuule alabudde Abasiraamu okukomya okukola ebiraamo ebivuddeko...

Abasuubuzi b’ennyaanya ku kafumbe Mukasa Road mu Kampala.

Bbeeyi y'ennyaanya atabudde...

BBEEYI y'ennyaanya erinnye abasuubuzi n'abaguzi ne batabulwa. Joyce Namukasa omu ku basuubuzi b'ennyaanya mu...

Nabilah ne bba

Nabilah atabuse ne bba, bir...

OMUBAKA wa Kampala Nabirah Naggayi Ssempala atabuse ne bba Isaac Ssempala! Olutalo lwabwe lulimu Polof. Baryamureeba...

Abalondoola enkulaakulana m...

ABAKUNGU mu byenkulakulana ku lukalu lwa Africa balaze omugaso gw'okukuuma obutonde bwensi mu kaweefube w'okuddabulula...