TOP
  • Home
  • Amawulire
  • Balumbye poliisi bagiggyeko gwe baakutte ne boda enzibe

Balumbye poliisi bagiggyeko gwe baakutte ne boda enzibe

Added 22nd August 2019

Balumbye poliisi bagiggyeko gwe baakutte ne boda enzibe

Abatuuze wamu n'abavuzi ba bodaboda ku kyalo Manyangwa ekisangibwa mu muluka gw'e Kabubbu mu Town Council y'e Kasangati bavudde mu mbeera ne balumba poliisi y'e Manyangwa nga baagala kugiggyako agambibwa okuba omubbi wa bodaboda, bamwekolereko.

Omuvubuka ono Ashiraf Elya eyeeyita ‘Geyeena' agambibwa okubeera omubbi wa bodaboda ye yasimattuse abatuuze. Kiddiridde okukwatibwa lubona ne pikipiki nnamba UDT 270D nga talina bigyogerako kyokka nga baludde nga baginoonya. Kigambibwa nti pikipiki eno nnyiniyo yali yagiwa omuvubuka Abel Busuulwa kyokka n'emubulako era ne batandikirawo omuyiggo.

Aba bodaboda ku siteegi ya Manyangwa be baalabye Elya ng'alina omusaabaze gw'aweese ne bamuyimiriza ne bamukwata ne bamutwala ku poliisi y'e Manyangwa. Aba boda abalala olwakitegedde ne beeyiwa ku poliisi eno nga baagala emubawe bamwekolereko nga bwe baleekaanira waggulu nti baakoowa ababbi ba boda, kyokka poliisi n'ebalemesa.

James Kateregga Ssentebe w'ekyalo Manyangwa B wano we yasabidde abavubuka okwewala okukozesa ebiragalalagala ng'enjaga nti bye bibatuma okukola ebintu ebifaanana bwe bityo era yasabye abavubuka okukola ennyo n'agamba nti bagenda kukola ekikwekweto okunoonya buli muvubuka abantu gwe beemulugunyaako bamuggalire.

More From The Author

Emboozi z’omuwandiisi endala

Emboozi endala

Harriet Nakwedde eyagenze okulambula ku Bukirwa mu ddwaaliro.

Maama eyakubwa ttiyaggaasi ...

MAAMA w'abaana Justine Bukirwa 45, eyakubwa akakebe ka ttiyaggaasi mu mbugo ne kamwabikiramu, avundira mu kalwaliro...

Basajja ba Bobi be baakubyemu ttiyaggaasi nga babuna emiwabo.

Nobert Aliho musajja wa Bob...

Abawagizi ba Bobi Wine ababadde batambulira ku kabangali bakiguddeko poliisi bwebakubyemu obukebe bwa ttiyaggaasi...

Salvado ne Daphine nga bakung'aanya ebirabo.

Kazannyirizi Salvado ne Dap...

Kazannyirizi Salvado akiggadde mu sitayiro. Akubye kabiite we Daphine embaga ne yewaana. '' sikyali mu kiraasi...

Aboobuyinza nga bakunya omukazi.

Abatunda eddagala nga tebal...

Ekitongole ekivunaanyizibwa ku ddagala mu ggwanga ekya National Drug Authority kikoze eki kwekweto mu Buvanjuba...

Minisita Betty Amongi

Abasuubuzi be Nakasero bawa...

ABASUUBUZI ababadde baddukanya akatale k'e Nakasero bavudde mu mbeera ne bawa minisita wa Kampala n'ekitongole...