TOP

Ssaabasajja asiimye n'afuna densite

Added 29th August 2019

Ssaabasajja Kabaka Ronald Muwenda Mutebi II leero asiimye n'akwasibwa densite ye ab'ekitongole kya NIRA mu Lubiri lwe e Bbanda

 Kabaka Mutebi ng'akwasibwa densite ye mu Lubiri lwe e Bbanda

Kabaka Mutebi ng'akwasibwa densite ye mu Lubiri lwe e Bbanda

Bya Lilian Nalubega

Kabaka Ronald Muwenda Mutebi II olunaku lw'eggulo abakungu b'ekitongole ekivunaanyizibwa ku kuwandiisa n'okugaba densite mu ggwanga ekya NIRA bagenze mu Lubiri lwe e Bbanda ne yeewandiisa era n'aweebwa densite.

Kabaka densite emukwasiddwa kaminsona avunaanyizibwa ku kuwandiisa abantu mu ggwanga, Col. Moses Mwesigwa owa NIRA.

 saabasajja ngateeka omukono ku biwandiiko bya  okulaga nti densite gyafunye ye yiye Ssaabasajja ng'ateeka omukono ku biwandiiko bya NIRA okulaga nti densite gy'afunye ye yiye

 

Ng'enteekateeka bw'eba, Ssaabasajja yasooka kujjuza foomu ezisaba okufuna densite n'akubwa ekifaananyi n'okuteeka ekinkumu kye mu kyuma n'oluvannyuma nga bino yabikolera mu Lubiri lwe e Mmengo emabegako okutuusa lwe yasiimye n'emukwasibwa.

Abamu ku beetabye ku mukolo guno okwabadde omumyuka wa Meeya w'e Lubaga, omulangira Asuman Ntale yategeezezza nti, Kabaka ekifaananyi kyamukubirwa Mmengo ng'eno y'ensonga lwaki abakungu ba Lubaga Division baakiikiriddwa ku mukolo guno ogwabadde mu Lubiri e Mmengo.

Abalala abaabadde ku mukolo guno ye, muwandiisi wa Kabaka D.D. Mukiibi, David Ntege David n'abakungu ba NIRA.

 saabasajja nabakungu ba  mu ubiri lwe e banda Ssaabasajja n'abakungu ba NIRA mu Lubiri lwe e Bbanda

 

Mwesigwa nga yaakamala okukwasa Kabaka Mutebi densite yategeezezza nti, yali yaggwa dda nga yakolebwako mu nnaku bbiri era ne yeebaza Kabaka olw'okusiima ne bagimukwasa.

Yagambye nti, ekikolwa kya Kabaka okufuna densite kyakuwa abantu abalala okuyiga n'okwekubiriza okuzifuna awatali kwekwasa nsonga ndala yonna era n'abakubiriza naddala abatannazifuna okutwala Kabaka nga eky'okulabirako.

More From The Author

Emboozi z’omuwandiisi endala

Emboozi endala

Ab'e Kawempe balaajanye ku ...

okulaajana kuno baakukoze oluvannyuma lwa Ahmed Lukwago eyeegwanyiza ekifo ky’obwa kkansala bw’omuluka guno okukulemberamu...

Wakayima atangaazizza ku mp...

"Nze Wakayima Musoke Hannington Nsereko era abo abatidde akalulu bakkakkane kuba ffirimbi yavugga dda Kati tulinze...

Ennyumba y'oku kiggya abamu ku b'Engabi gye baagala Yiga aziikibwe. Ebifaananyi bya JOHN BOSCO MULYOWA

Abengabi beeyawuddemu ku by...

ABAKADDE b’ekkanisa ya Pasita Abizzaayo Yiga eggulo baatudde mu lukiiko olw’amangu olw’enkaayana ezaabaluseewo...

Paasita Bujjingo ng'agumya Jengo, mutabani w'omusumba Yiga

Ebiri mu katambi ka Paasita...

Ku Ssande nga October 25, 2020, Ssenyonga yasinziira mu kusaba mu kkanisa ye n’alumba abasumba ab’enjawulo omwali...

Paasita Ssennyonga ng'agugumbula Yiga mu lukung'aana lwa bannamawulire lwe yatuuzizza ku kkansisa ye

Okufa kwa Yiga kusajjudde e...

AKATAMBI Pasita Ssenyonga ke yakutte nga Yiga tannafa kongedde okusiikuula abasumba ne beetemamu ng’abamu boogerera...