TOP
  • Home
  • Amawulire
  • Rema alonze olukiiko olutegeka emikolo n'omwami we omupya

Rema alonze olukiiko olutegeka emikolo n'omwami we omupya

Added 2nd September 2019

Rema yalonze olukiiko olutegeka okwanjula okulibeera e Nabbingo ku lw’e Masaka nga November 14.

Olukiiko lukulirwa Hajji Issa Musoke. Rema amaze ekiseera ng'alina obutakkaanya ne Kenzo kyokka ng'emirundi mingi babussa ku bbali ne bakola bombi ebivvulu.

Issa Musoke yategeezezza Bukedde nti Obusiraamu bulagira abafumbo bwe baawukana omukazi amale emyezi ena alyoke afune omusajja omulala kyokka ye Rema amaze emyaka ebiri.

Kigambibwa nti Kenzo ‘yanoba' awaka e Seguku ku lw'e Ntebe, emyaka ebiri egiyise n'adda ku lw'e Salaama ng'asula mu sityudiyo ye eya Big Talent.

Rema yakola ekisoboka okuddihhana n'ayiiya ennyimba okuli ‘Siri muyembe', ‘Linda', ‘Touch my body' n'endala kyokka Kenzo yalinga addayo eka ate ne yeeyongererayo ddala e Buziga gy'asula kati.

Olwo Rema naye kwe kwefunira omusajja omulala. Issa Musoka yagambye: Njagala okwebaza Kenzo ne Rema nti mu byonna bye bayiseemu basobodde okukwata ensonga zaabwe mu mbeera eya kisajja kikulu okutuusa lwe bakkiriziganyizza baawukane mu mirembe.

Mu luyimba lwa ‘siri muyembe' Rema agamba "siri muyembe nti onninda kwengera oba paapaali nti owanula lyengedde." Kuno agattako nti "nkulinze".

Engeri Hamzah gye yakwaanamu Rema Bano bamaze emyezi egisoba mu musanvu nga baagalana era Hamzah okukwana Rema baasisinkana Lugogo mu kibangirizi kya bannamakolero (UMA) Rema gye yali agenze okuyimba ku mukolo ogumu.

Hamzah yasooka kutegeeza Rema nga bw'ali omuwagizi we n'amusaba amubuuzeeko n'okwekubya naye ekifaananyi oluvannyuma n'amusaba amuwe ku nnamba ye ey'essimu.

Wano Hamzah we yatandikira okumutokota.

More From The Author

Emboozi z’omuwandiisi endala

Emboozi endala

Mmotoka ya minisita Atwoki eyakubiddwa amasasi.

Minisita asimattuse amasasi

Minisita omubeezi avunaanyizibwa ku byenfuna mu offiisi y'omumyuka wa Pulezidenti, Dr Baltazar Kasirivu-Atwooki,...

Kiddu (ku kkono) ne munne.

Bannabyamizannyo abattiddwa...

Nga December 30 omwaka oguwedde, abantu abatamanyiddwa baasindiridde Isaac 'Zebra' Senyange, eyaliko kapiteeni...

Sserunjogi ng’alaga ebintu by’atonaatona omuli essaati, ebikopo n’ebirala ebikozesebwa mu kunoonya obululu okusikiriza abalonzi.

Sserunjogi kkampeyini aziko...

AWAGWA ekku tewabula kalondererwa, ekiseera kya kkampeyini bangi bakikozesezza okuyiiya ssente era gubeera mugano...

Ssentebe Andrew Kasatiiro ng'agezaako okunnyonnyola abaatafunye butimba.

Ab'e Jinja Kalooli batabuki...

Abatuuze b'e Jinja Kalooli mu Wakiso beeweereza ebisongovu n'abakulembeze baabwe lwa butabawa butimba bwa nsiri....

Kasibante ku mpingu  ng'akwatiddwa.

Agambibwa okugezaako okufum...

OMUSUUBUZI   aloopye omuvubuka ku poliisi n'amulumiriza  okumuggyiraayo ekiso amufumite abaduukirize ne bamutaasa....