TOP
  • Home
  • Amawulire
  • Poliisi eremeddwa okutwala fayiro y'omusango gwa Kaweesi mu kkooti

Poliisi eremeddwa okutwala fayiro y'omusango gwa Kaweesi mu kkooti

Added 20th September 2019

POLIISI eremeddwa okutwala fayiro eriko omusango gw’okutemula eyali omwogezi wa poliisi, Andrew Felix Kaweesi mu kkooti esalewo okujja omusango ku basibe 14 abaasigala mu kkooti e Nakawa.

  Abali ku musango gw’okutemula eyali omwogezi wa poliisi Andrew Felix Kaweesi nga bali mu kaguli ka kkooti e Nakawa.

Abali ku musango gw’okutemula eyali omwogezi wa poliisi Andrew Felix Kaweesi nga bali mu kaguli ka kkooti e Nakawa.

Bya EDWARD LUYIMBAZI
 
POLIISI eremeddwa okutwala fayiro eriko omusango gw'okutemula eyali omwogezi wa poliisi, Andrew Felix Kaweesi mu kkooti esalewo okujja omusango ku basibe 14 abaasigala mu kkooti e Nakawa.
 
Bino byogeddwa omuwaabi wa gavumenti, Hanifah Kasana omusango guno bwe gubadde guzzeemu okusomwa mu kkooti y'omulamuzi Ponsiano Odwori. Kasana yagambye nti fayiro okuli omusango guno tebannagireeta ng'ekyali ku poliisi bw'atyo n'asaba kkooti egwongereyo.
 
Omulamuzi Odwori awulirizza okusaba kwa Kasana era n'agwongerayo okutuusa nga November 7, 2019 nga bwe bakyalinda fayiro yaagwo okuleetebwa.
 
Wabula Kasana aguli mu mitambo abadde tagumanyi ng'omulamuzi Odwori yagumutegeezezza. Kino kibaddewo oluvannyuma lw'okubeera nga fayiro yakyusiddwa okuva ew'omuwaabi wa gavumenti Christine Apolot n'ezzibwa ewuwe nga mupya gy'ali.
Balooya abali mu musango guno abakulemberwa Anthony Wameli baali baasaba kkooti egugobe oba egusindike mu kkooti etaputa Ssemateeka nga bawakanya engeri gye gwawaabwamu n'okubeera ng'oludda oluwaabi luwezezza emyaka 2 n'okusoba nga bakyanoonya obujulizi obuluma abavunaanibwa.
 
Kkooti ebadde erina okusalawo oba ejja omusango gw'okutemula Kaweesi ku bantu 14 abaasigala ku kkooti ey'e Nakawa. Tekisobose kubanga fayiro yaagwo ebadde ekyali ku poliisi kyokka nga bulijjo bagirinda okuva ku kkooti enkulu e Kololo gye yasindikibwa okuwulira okweyimirirwa kw'abasibe munaana abaali bakyali mu kkomera e Luzira ku musango gw'okutemula Kaweesi.
 
Abantu abakyali mu kkooti e Nakawa kuliko Abubaker Ntende, Osman Mohammed, Ibrahim Kissa, Abdul Majid Ojegere, Hassan Tumusiime, Saudah Ayub,Asuman Mugoya, Hamidu Magambo,Swalley Damulira, Ahmada Shaban Senfuka, Umar Maganda, Sinaani Hibwagi, Ali Mugoya ne Abdurah Kalla.
 
N'omusango gw'okukkiriza okubeera mu kibinja ky'abayeekera ba ADF ogwaggulwa ku bamu ku bantu bano nagwo gwongezeddwaayo okutuusa nga November 7, 2019 oluvannyuma lwa fayiro yaagwo okubeera nga nayo ekyali ku poliisi okusinziira ku Kasana.

More From The Author

Emboozi z’omuwandiisi endala

Emboozi endala

Ebiragiro by'akakiiko k'ama...

EBIRAGIRO by'akakiiko k'amasaza bitemyemu abaddukanya ttiimu ezenjawulo ng'abamu babiwagira ,ate ng'abalala bawera...

Aba akeedi bawanjagidde Gav...

ABAKULEMBEZE ba KACITA balabudde nti bavudde ku nkola y'akakiiko akassibwaawo okulambula akeedi mu Kampala okukakasa...

Dr. Emmanuel Diini Kisembo eyaloopa omusango gw'ebyokulonda

Omusango ogwawaabirwa akaki...

KKOOTI enkulu etuula ku Kizimbe kya Twed Towers mu Kampala etandise okuwulira omusango ogwawaabirwa akakiiko k'ebyokulonda...

Omubaka Kato ekyenda bakizz...

OMUBAKA Kato Lubwama owa Lubaga South asulirira kusiibulwa oluvanyuma lw’ekyenda ekibadde kikuumirwa ebweru w’olubuto...

Kajoba azzeemu okukwatagana...

Ku wiikendi Vipers SC yawadde omutendesi Kiwanuka endagaano ya myaka ebiri okumyuka omutendesi Fred Kajoba ng’ono...