TOP
  • Home
  • Amawulire
  • Omwoleso gwa URA okuddizza ku bakasitoma gujjumbiddwa

Omwoleso gwa URA okuddizza ku bakasitoma gujjumbiddwa

Added 26th September 2019

OKUTUUKA leero abantu bakyeyiwa ku kisaawe e Kololo ku mwoleso ogw’ennaku essatu ekitongole ekikuhhaanya omusolo ekya URA gwe kyategese okusiima n’okuddiza abantu abasasula omusolo.

 Akol (ku ddyo) nga yeetegereza ebintu ebikolebwa abakyala babajaasi ebyayoleseddwa.

Akol (ku ddyo) nga yeetegereza ebintu ebikolebwa abakyala babajaasi ebyayoleseddwa.

Bya SAMUEL BALAGADDE
 
OKUTUUKA leero abantu bakyeyiwa ku kisaawe e Kololo ku mwoleso ogw'ennaku essatu ekitongole ekikuhhaanya omusolo ekya URA gwe kyategese okusiima n'okuddiza abantu abasasula omusolo.
 
Ebimu ku bisinze okusikiriza abantu okugenda e Kololo kwe kugemebwa ‘Yellow Fever' ku bwereere n'oyo agoba ku pamiti bw'abeera nga yamalayo emitendera bagimuweerawo.
Omwoleso guno gwatandise ggulo ku Lwokusatu gukomekkerezebwe enkya ku Lwokutaano. Akulira URA, Doris Akol yagambye nti okwawukanako n'enteekateeka ebaddewo nga basinga kutiitiibya kkampuni ennene, omulundi guno essira balitadde ku kkampuni entonotono mwe basiimidde kkampuni eziwera 1,000.
 
Enteekateeka endala eziri mu mwoleso guno kuliko; okusomesa abantu ku ngeri ennyangu ey'okutandikamu bizinensi, okunoonyeza ebyamaguzi akatale, okunnyonnyola abantu ebikwata ku musolo gwe basasula n'okwanukulwa ebibuuzo eby'enjawulo ebikwata ku mpeereza za URA.
 bamu ku bantu abaabadde mu mwoleso gwa Abamu ku bantu abaabadde mu mwoleso gwa URA.

 

 
Omukolo gwagguddwaawo minisita w'ebyobusuubuzi n'amakolero, Amelia Kyambadde n'asaba URA okwongera okutunula mu nsonga za bannamakolero n'abasuubuzi naddala ababa batandika bizinensi okusobola okubawa enkizo mu ngereka y'omusolo.
 
Yasabye abakozi ba URA okukendeeza ku bukambwe bwe beeyambisa olumu nga basolooza omusolo kubanga olumu busukka ne buvaako n'okuggalawo bizinensi.
 
Akol yategeezezza minisita nti enteekateeka y'okusiima abawa omusolo bagibunyisizza ebitundu by'eggwanga eby'enjawulo okusobola okumanyisa abantu nti buli nnusu gye batoola erina ky'egatta ku ggwanika ly'eggwanga.
 
Vincent Seruma omwogezi wa URA yagambye nti waliwo kkampuni ezibadduukiridde ne zibawa ebintu eby'enjawulo bye bagabira abantu mu mutima ogw'okubaddiza.
 
Bye bagaba kuliko ehhano, Face Technologies ekola ku bya ppamiti, National Drug Authority ebawadde eddagala, aba sooda n'obuwunga.

More From The Author

Emboozi z’omuwandiisi endala

Emboozi endala

Fr. Kato nga bamwaniriza mu kigo ky’e Kamwokya.

"Musabire abakulembeze bamm...

KAABADDE kaseera ka ssanyu ate n’okunyolwa ku kigo ky’e Kamwokya, Abakristu bwe baabadde baaniriza Bwannamukulu...

Abakungubazi nga batunuulira ekifaanayi ky’omwana eyattiddwa.

Bawambye omwana ne bamutta

ABATEMU bawambye omwana ow’emyaka mukaaga ne bamutta mu bukambwe, omulambo ne bagwambulamu engoye. Rosemary Ngambeki...

Joseph Ssewungu (ku kkono) ne Latif Ssebaggala nga baliko bye babuuza minisita Jeje Odong (ku ddyo) ku lukalala lw’amannya g’abantu abatalabikako lwe yasomye mu Palamenti.

Ensonga z'ababaka 10 ezitan...

ABABAKA bawadde ensonga 10 lwaki tebamatidde lukalala olwayanjuddwa minisita w’ensonga z’omunda olulaga abantu...

Abaserikale nga batwala omulambo gw'omuwala.

Bagudde ku mulambo gw'omuwa...

ABATUUZE ku Kyalo Kakerenge mu Ggombolola y’e Gombe mu disitulikiti y’e Wakiso baguddemu ekyekango bwe bagudde...

Abatuuze nga baziika Ssali.

Amasasi ganyoose nga poliis...

Amasasi ganyoose nga poliisi y’e Wakiso egumbulula abatuuze abaaziikudde omulambo nga bagamba nti famire teyinza...