TOP
  • Home
  • Amawulire
  • Mohan Kiwanuka ensimbi zimuyitaba: Amenyewo abagagga b'omu Kampala

Mohan Kiwanuka ensimbi zimuyitaba: Amenyewo abagagga b'omu Kampala

Added 28th September 2019

OMUSANGO gw’ebyafaayo gulaze omusajja omu ku basinga obugagga mu Kampala atamanyi bagagga ababadde boogerwako nga Godfrey Kirumira n’abalala.

 Omugagga Kiwanuka

Omugagga Kiwanuka

Naggagga ono ye Mohan Kiwanuka, azuuliddwa nti bifekeera alina ensimbi empya n'enkadde ezeeyolekera mu by'obugagga by'alina omuli ettaka, ebizimbe, amakampuni n'ebiralala.

Ebyobugaggabwe okumanyika famire ye yamaze kujjamu butategeeragana wakati we ne mutabaniwe ayitibwa Jordan Ssebuliba eyamututte mu kkooti ng'ayagala aweebwe olukusa atwale kitaawe mu ddwaaliro akeberebwe omutwe ng'alumiriza nti takyali mu mbeera nnungi emusobozesa okuddukanya eby'obugagga bwe.

Ebimu ku by'obugagga ebibadde bimanyiddwa ku Kiwanuka, ye; leediyo okuli Radio One, Radio Two eziri mu kibuga wakati n'ekyuma ky'empapula ekya OSCAR Industries.

Omusango Kiwanuka mwazuzumba ne mutabani we ye yabadde emmanduso y'okumanya eby'obugagga bwe by'amaze ekiseera ng'akuumye.

Wakati mu nkaayana zino, Kiwanuka yateeka ettaka lye ku katale erisangibwa mu Division y'e Kira eribalirirwamu obuwumbi bw'ensimbi 10, ng'ensimbi zino ayagala azikozese okumaliriza ekkolero ggagadde erikola amayinja ag'omuwendo (marble) lyazimba mu bitundu by'e Moroto.

Ebyobugagga bwa Kiwanuka biwuniikiriza, nga n'ekimu ku byewuunyisa, ettaka lyalina erisinga obungi lisangibwa Kololo era nga ku ttaka lino erisinga obungi alinako amayumba ag'ebbeeyi agapangisibwa bayinvesita, ebitongole by'obwannakyewa, n'abagagga ssekinnoomu.

 

Amakampuni ge, gali mu mbeera nnungi nga gakola ssente ate ng'akyayongera okussaawo ebintu ebipya omuli okuzimba ekkolero ggagadde ery'amayinja ag'omuwendo (marble) nga kigambuibwa nti amayinja gano kye kimu ku by'ebbeyi ebyettanirwa mu nsi yonna.

Abagagga bangi ab'omu Kampala, Kiwanuka w'abayitirako, g'emakolero amangi gaalina era nga y'omu ku bantu abasuubirwa okuba nga be basinga okukozesa abantu abangi. Amakampuni gano gawerera ddala 32.

Ekizimbe okuli Leediyo One ne Akaboozi ku bbiri ku Kampala Road.

Engeri Kiwanuka gye yawandisaamu amakampuni ge ya kikugu nnyo nga tegali mu mannya ge, ekyokulabirako, okukebera obwannannyini bw'emu ku kkapuni zino osanga nga yawandiisibwa mu linnya lya kkampuni ndala ng'olina okuyita mu mitendera nga mukaaga okutuuka ku linnya lye kennyini.

Ekimu ku biraga amaanyi ga Kiwanuka mu by'obugagga, okisanga ku luguudo oluyitibwa Ridgeway Drive e Kololo, nga ku luguuno luno ebizimbe kumpi byonna ebiriko bibye kyokka nga tekuli kuyisikamu maaso n'okubeera mu kifo eky'ebbeeyi.

 

More From The Author

Emboozi z’omuwandiisi endala

Emboozi endala

Embeera y'amasiro nga bwegali mu kiseera kino

Omuwanika wa Buganda Waggwa...

OMUMYUKA ow’okubiri owa Katikkiro era Omuwanika wa Buganda,Robert Waggwa Nsibirwa bwe yabadde asoma embalirira...

Abakozi abakolera mu Owino balaajanidde Gavumenti ku mmaali yaabwe

Abakolera mu Owino balaajan...

ABASUUBUZI abakolera mu katale ka St.Balikudembe balaze obutali bumativu olw'abeebyokwerinda okubagaana okutaasa...

Eyafumitiddwa ebiso nga bw'afaanana

Kamyufu afumise munne ebiso...

OLWAMAZE okufumita munne ebiso n’agenda nga yewaana nti, ‘mumaze naye agende yejjanjabe nga nange bwe ngenda okwejjanjaba’....

Nnamwandu Sarah Nassiwa ng'akungubagira bba

Kamyufu afumise munne ebiso...

OLWAMAZE okufumita munne ebiso n’agenda nga yewaana nti, ‘mumaze naye agende yejjanjabe nga nange bwe ngenda okwejjanjaba’....

Ronald Kyobe ng'alaga emmwanyi ze. Ebifaananyi bya Ssennabulya Baagalayina

Abalimi b'emmwanyi e Lwaben...

ABALIMI b'emmwanyi mu ggombolola y'e Lwabenge e Kalungu kwe basinzidde okusaba Gavumenti nti tekoma kubakunga wazira...