TOP

Omusumba Jjumba ayogedde ku kinaamalawo ettemu

Added 30th September 2019

"Bannansi okufuna obuweerero ne tuggwaamu okutya ng'abatutadde ku bunkenke beenenyezza ne bafuna omutima ogulumirirwa obulamu bw'abalala," Omusumba Jjumba bwe yakkaatirizza.

OMUSUMBA w'e Masaka, Rt. Rev. Serverus Jjumba agambye nti ekinaamalawo ettemu mu ggwanga be bannannyini kulyetabamu okwekuba mu kifuba ne bakyayira ddala omuze guno.

"Bannansi okufuna obuweerero ne tuggwaamu okutya ng'abatutadde ku bunkenke beenenyezza ne bafuna omutima ogulumirirwa obulamu bw'abalala," Omusumba Jjumba bwe yakkaatirizza. 

Yagasseeko nti ettemu erisaanikidde eggwanga lituusizza n'abantu okweraliikirira munnaabwe agenze obugenzi ku dduuka okugulayo Airtime nti oba olyawo taakomewo.

 bakristu nga bayaayaanira okufuna omukisa okuva ewomusumba jumba eyakuliddemu okulamaga ku kiggwa kymujulizi runo serunkuuma ku saza mu kibuga asaka Abakristu nga bayaayaanira okufuna omukisa okuva ew'omusumba Jjumba eyakuliddemu okulamaga ku kiggwa ky'Omujulizi Bruno Sserunkuuma ku Ssaza mu kibuga Masaka.

Omusumba Jjumba yabyogeredde mu Mmisa gye yasomedde ku kiggwa ky'omujulizi Bruno Sserunkuuma ku  Ssaza e Masaka.

Abakristu abakkiririza mu mujulizi Bruno okubakolera ebyamagero, balamagayo okwebaza essaala zaabwe ezaanukuddwa n'okusaba ebintu ebirala.

 mubaka wekibuga asaka mu aalamenti athias puuga samba nabamu ku baalamaze ku kiggwa kyomujulizi runo serunkuuma Omubaka w'ekibuga Masaka mu Paalamenti Mathias Mpuuga Nsamba n'abamu ku baalamaze ku kiggwa ky'omujulizi Bruno Sserunkuuma.

 

Okulamaga kw'omwaka guno kwajjumbiddwa nnyo nga kwetabiddwaamu n'omusumba eyawummula, Rt. Rev. John Baptist Kaggwa n'omubaka wa Masaka mu Palament,i Mathias Mpuuga Nsamba.

 

 mubaka wekibuga asaka mu aalamenti athias puuga samba nabamu ku baalamaze ku kiggwa kyomujulizi runo serunkuuma


Omubaka w'ekibuga Masaka mu Paalamenti Mathias Mpuuga Nsamba n'abamu ku baalamaze ku kiggwa ky'omujulizi Bruno Sserunkuuma.

Omusumba Jjumba yajulizza Bruno nti wadde yali awoomerwa nnyo omwenge, okulwana n'okwesanyusa n'abakazi naye olwategeera Katonda byonna yabirekayo era Ddipo n'aziggala.


N'agamba nti abatemu n'abatulugunya abalala bonna bateekwa kusalawo nga Bruno ne bakyawa ekibi olwo Ensi n'ebukalamu emirembe nti naye awatali ekyo, amaziga gakyakaabwa nnyo.

Yabuuliridde n'abeegaggawaza bokka nga bayise mu kunyigiriza abawejjere nti beegaziyirizza ekkubo erinaabatuusa mu muliro ogutazikira nga bwe gwali ku mugagga Sseggaali ne Lazaaro aboogerwako mu Vvanjiri.

Ku butabanguko mu maka, yawadde abafumbo amagezi okwekomako kw'ebyo ebibaviirako ennyombo ezitatadde n'ababuulira okukola ennyo beegobeko obwavu.

Bp. Jjumba yalangiridde nti baatandikidde wa Bruno enteekateeka z'okulamaga ku kiggwa ky'abajulizi e Namugongo okwa June 3 omwaka ogujja n'abakunga bamuwe ssente ezinaayimirizaawo omukolo guno.

Bwannamukulu w'ekigo kino, Fr. James Ssendege yasabye Abakristu boongere okubawaayo ssente  zibayambe okumaliriza eddimu ly'okuzza obuggya ekifo kino.

More From The Author

Emboozi z’omuwandiisi endala

Emboozi endala

Dodoviko (aliko ssaako) ne banne ku mukolo ogumu.

Ebipya ebizuuse ku Dodoviki...

DODOVIKO Mwanje gwe balumiriza okumenya ekkanisa bongedde okumufunza! Lt. Col. Edith Nakalema olwamaze okukwata...

Lukwago nga bamukwasa empapula za FDC

FDC ewadde Lukwago bbendera...

ESSUUBI lya Ssalongo Erias Lukwago okwesimbawo ku bwa Pulezidenti bw’eggwanga ku tikiti ya FDC mu 2021 likomye...

Omukuumi ng'atwala Trump

Engeri abakuumi ba Trump gy...

PULEZIDENTI wa Amerika, Donald Trump yabadde wakati mu lukung’aana lwa bannamawulire ng’attaanya ensonga ey’obutale...

Ekizimbe kya Mabiirizi ku Bombo Road. Mu katono ye Winnie Mabirizi

Nnamwandu wa Mabirizi asony...

ABAKULEMBEZE b'abasuubuzi basabye bannannyini bizimbe okutwala ekyokulabirako kya nnannyini kizimbe kya Nalubega...

Abakungu mu kibiina kya Gen.Muntu nga baslaa Cake okwaniriza Winnie Kiiza

Winnie Kiiza yegasse ku kib...

OMUBAKA omukyala owa Kasese, Winfred Kiiza yegaasse ku kibiina kya Alliance for National Transformation (ANT) n’aweza...