Bashatu bakwatsirwe ahabw’okwita ow’emyaka 10 bakamuhonga.

N’ebya Omushaki weitu

MPIGI

Pooriisi omu disiturikiti eya Mpigi ekwatsire abantu 3 abarikugambwa kuba baine akakwate n’okuhonga omwana w’omwishiki w’emyaka 10 orikugambwa kuba aitsirwe omutumbi gwe bakagunaga haihi n’amaka g’abazaire.

Ekikorwa eki kibaireho ebiro 29/10/2023 omu kyaro ekya Bukemba omu gomborora eya Kituntu omu disiturikiti eya Mpigi. 

Kharim Majid, Omugambirizi wa Pooriisi ahabw’ekyanga ekya Katonga naagamba banyakuteekateekwaho nka; Joseph Sseremba- iba wa nyina w’omwana, Christine Tendo- nyina w’omwana hamwe na Pascal Kyazze boona abatuura b’omukyaro kya Bukemba.

Okurugiirira ahari Kharim, banyakuteekateekwaho 3 bakwatsirwe kubaasa kuhweraho Pooriisi omu kucondooza kwayo ahakwitwa kwa Gift Nampijja, 10 kandi omwegi wa P.5 ah’eishomero erya Bukemba Primary School.

Nampijja naagambwa kuba yabuzire kuruga omu maka g’abazaire be ahabiro 28/10/2023 shaaha nka 2 z’ekiro beitu ekiro ekikuratsireho, omutumbi gwe gushangirwe omu musiri haihi n’amaka g’abazaire be. 

Nikigambwa ngu ebicweka ebimwe eby’omubiri gwe ebirimu ebicweka bye by’ekihama, amabere hamwe n’orurimu abaire atabyine.

Kharim naagira ngu banyakuteekateekwaho 3 bakwatsirwe bwanyima y’okuhayo obujurizi bwembushukane aha Pooriisi aha kufa kw’omwana ogu.

#WestUpdates