TOP
  • Home
  • Amawulire
  • Lwaki Rema emikolo agitutte wa mugenzi Mabiriizi

Lwaki Rema emikolo agitutte wa mugenzi Mabiriizi

Gwe gukulembedde okwanjula okulibaawo nga November 14, e Nabbingo ku lw’e Masaka.

 Bamaama ba Rema ne muwala waabwe (wakati). Ku kkono ye Winnie Mabiriizi, awaabadde omukolo.

Bamaama ba Rema ne muwala waabwe (wakati). Ku kkono ye Winnie Mabiriizi, awaabadde omukolo.

Bya Josephat Seguya, Joseph Mutebi ne Martin Ndijjo
 
Rema Namakula yayanirizza Dr. Hamza Sebunya ewa ssenga n'amugamba: Hamza mukwano gwange, omwagalwa wange era taata wange; weebale kunnaaza maziga.
 
Sebunya yakyadde ewa ssenga wa Rema ayitibwa Sarah Nabatanzi ku mukolo ogwabadde mu maka g'omugenzi Godfrey Mabiriizi e Nagulu.
 
Muka Mabiriizi, Winnie Nakyejwe yategeezezza Bukedde nti muganda wa maama wa Rema ekitegeeza Rema muwala we yennyini.
 
Ssenga yasazeewo omukolo gubeere wano. Gwabadde mukolo gwa kitiibwa
oguyinza okugeraageranyizibwa ku mbaga.
 
Gwe gukulembedde okwanjula okulibaawo nga November 14, e Nabbingo ku lw'e Masaka.
 akkiddaawo ngakulembeddemu okutwala ebirabo Bakkiddaawo ng'akulembeddemu okutwala ebirabo.

 

 
Sebunya yasimbudde ku Hotel Africana ng'ali n'ebikonge okuli Godfrey Kirumira ne mukazi we Grace Namara, Freeman Kiyimba, John Bagambe owa Super Oil, William
Kajoba, Sarah Nkonge, Francis Nshekanabo, Teopista Nabbaale, Hajji Meddie Ssebaggala, Moses Bagalya n'abalala.
 
Baatutte ebintu bingi ng'ebisinga byakulya okuli omuceere, sukaali, amatooke, ennyama, sooda n'ebirala.
 
Nga tebannasimbula, Sebunya eyanekedde mu kkanzu n'ekkooti emmyuufu n'entalabuusi ku mutwe yasoose kwebaza abaamuwerekeddeko.
 
Yagambye nti, "okukyala mukolo mutono, omunene gwa kwanjula era tugwetegekedde." Yalonze Muzeeyi Bakkiddaawo Sendagire okuba omwogezi.
 
 
Nga batuuse ewa ssenga, baayaniriziddwa omwogezi wa Rema, Issa Musoke eyabadde ne maneja wa Rema- Godfrey Kayemba, Musa Kavuma KT, Mukiibi Muzzanganda
n'abalala. Baatuukidde mu ddiiro olwo Rema n'avaayo ng'anekedde mu busuuti emmyuufu okwabadde eky'omu bulago ekya zzaabu nga ne ku ngalo ataddeko mpeta bbiri nazo nga za zzaabu.
 
Omukolo baaguyisizza mu bwangu. Rema yatudde awali Sebunya n'amwanjulira abazadde nti "ono ye sswiiti wange gwe njagala ennyo."
 
 
Yakutte Sebunya ku mukono ne bafuluma okumulaga eri abaabadde mu kidaala nga bazinira ku luyimba lwa Diamond Platinumz olwa ‘Kwangwalu'.
 
Amazina baasoose kugeetegekera kubanga baazinidde ku nnyimba eziwerako ng'era bazina gafaanagana. Bannyina ba Sebunya abaakulembeddwa Faridah Kibirige baatonedde Rema ebirabo okuli Kulaani, omusaalo n'akakaaya.
 
 

More From The Author

Emboozi z’omuwandiisi endala

Emboozi endala

Katikkiro Mayiga n'ebikonge...

KATIKKIRO wa Buganda Charles Peter Mayiga n'abakungu be gattako ebikonge mu Gavumenti eya wakati abeetabye mu kitambiro...

Ssaabasumba Kizito Lwanga (ku ddyo) Omusumba Kakooza ne Ssekamanya ( ku kkono) nga baganzika ekimuli ku kifaananyi  ky'omugenzi mu Lutikko e Lubaga.

Paapa akungubagidde Omusumb...

PAAPA Francis akungubagidde Bishop John Baptist Kaggwa n'amwogerako nga munnaddiini abadde tasangika. Paapa yagambye...

Tumukunde (ku ddyo) ng’agezaako okuyita ku baserikale. Oluvannyuma baamugaAnye okweyongerayo ewa Kyagulanyi.

Tumukunde bamugobye ewa Bob...

EGGULO ku Lwokutaano, Omubaka Robert Kyagulanyi Sentamu yabadde ategese okwogera eri eggwanga. Naye ng'ebyo tebinnabaawo,...

Titus Ssematimba eyateebedde Buddu (mu ddyo) ng’atwala omupiira ku muzannyi wa Bulemeezi.

Abaamasaza batolotoomye lwa...

Fayinolo y'Amasaza Gomba - Buddu Egyazannyiddwa ku semi; Busiro 0(4)-0(5) Gomba Bulemeezi 0-1 Buddu OBWAKABAKA...

Bobosi omuzannyi w'omupiira.

'Kye kiseera okwesiga Bobos...

"EKYASINZE okunsanyusa kwe kulaba nga mutabani wange Bobosi Byaruhanga ali ku katebe ka ttiimu y'eggwanga ey'abakulu....