Titwine eitaka ry’okuziikamu abantu- Kanso ya Mbarara.

AFP .
@New Vision
Nov 02, 2023

N’ebya Fred Turyakira

MBARARA

Kanso ya Mbarara city hamwe na Pooriisi bashobangiriirwe ahabw’obutagira omwanya gw’okuziikamu abantu bwanyima ya kanso kufeerwa eitaka ryayo ery’okuziikamu abantu eririkushangwa omuri Rwobuyenje, Kakiika woodi omuri Mbarara City North Divijon ahabw’omugaiga Muhammada Mwerango.

Ebi babigambiire omu rukiiko rwa kanso ya Mbarara City orubaire rukuriirwe Siipika Bonny Tashobya Karusya ebaire omu kishengye ky’empanuura za kanso nyomwebazyo ebiro 01/11/2023.

Bamwe omuri ba kansara abahikire omu rukiiko rwa kanso ya Mbarara City aharwakashatu.

Bamwe omuri ba kansara abahikire omu rukiiko rwa kanso ya Mbarara City aharwakashatu.

Tashobya naagira ngu Gad Murungi ori omuduumizi wa Pooriisi ahabwa Mbarara omu kasheeshe k’orwakashatu agiire omu ofiisi ya Siipika kumubuuza ahi araziike emitumbi y’abantu 6 ei Pooriisi eshobangiriirwe nayo omu kabafu ah’eirwariro erihango erya Mbarara.

Omuduumizi wa Pooriisi ya Mbarara, Gadi Murungi.

Omuduumizi wa Pooriisi ya Mbarara, Gadi Murungi.

Tashobya naashaba meeya wa Mbarara City, Robert Mugabe Kakyebezi n’akakiiko ke kurugayo bakashoborora aha nshonga egi.

Arikugarukamu aha nshonga egi, Meeya Kakyebezi aikiriize ngu kanso tekiine eitaka ry’okuziikamu abantu bwanyima y’omugaiga Muhammad Mwerango kusinga omushango omu kooti bwanyima ya kanso kuremwa kureeta obuhame bwokworeka ngu ekagura eitaka eryo.

Meeya wa Mbarara City, Robert Mugabe Kakyebezi.

Meeya wa Mbarara City, Robert Mugabe Kakyebezi.

#WestUpdates

Related Articles

No Comment


(adsbygoogle = window.adsbygoogle || []).push({});