TOP

Museveni awagidde okwongeza ffiizi e Makerere

Added 11th November 2019

PULEZIDENTI Museveni asisinkanye abakulira yunivasite y’e Makerere ne bakkaanya nti ffiizi za yunivasite n’ebintu birala ebirina okussibwa mu nkola okusitula omutindo gwa Makerere.

Pulezidenti Museveni (wakati), Janet (owookubiri ku kkono), Nawangwe (ku ddyo) n'abakungu abalala.

Abaddukanya Makerere baakulembeddwa ssentebe w'akakiiko ka yunivasite, Lorna Magra n'omumyuka wa cansala, Polof. Barnabas Nawangwe n'abalala ne basisinkana Museveni mu maka g'Obwapulezidenti e Nakasero okwogera ku ffiizi za yunivasite ezaayongezeddwa ebitundu 15 ku 100 ne kivaako abayizi okwekalakaasa.

Mu nsisinkano eno era kyasaliddwaawo nti amasomo agamu agasomesebwa ku yunivasite eno gaakuggyibwawo, Makerere esobole okuvuganya obulungi ne yunivasite endala eziri mu buvanjuba bwa Africa.

Abakulu era baakinogaanyizza nti Makerere yeesinga okusasuza ssente entono bw'ogeraageranya ku yunivasite endala mu East Africa era baasazeewo nti ssente eziva mu bayizi zaakukola mirimu gya yunivasite naddala okuzimba n'okuddaabiriza ebizimbe.

Museveni era yategeezezza nti ensonga zino waakuzanjulira bannakibiina ba NRM mu lukiiko lwabwe lwe basuubira okutuuza olwaleero (Mmande) bongere okuzitunulamu n'okulaba nga tewaddamu kubaawo bwegugungo e Makerere.

Ensisinkano yeetabiddwaamu ne minisita w'ebyenjigiriza era mukyala w'omukulembee w'eggwanga Janet Kataha Museveni.

Museveni yakunyizza abaddukanya Makerere ku ngeri amagye gye gaayingizibwa mu nsonga z'abayizi ne bamunnyonnyola nti amagye gaali gaakubayo dda enkambi nga kigambibwa nti kyakolebwa kuyamba mu kukakkanya obumenyi bw'amateeka mu Kawempe.

GEN. SALEH ASISINKANYE ABAKULIRA ABAYIZI

Julius Kateregga akulira abayizi yakulembedde banne nga baayitiddwa Gen. Saleh okwekenneenya ensonga ezivaako emirimu okusanyalala okumala ennaku eziwera naddala eyokwongeza ffiizi, n'okulaba engeri gye bayinza okumalawo obuzibu.

More From The Author

Emboozi z’omuwandiisi endala

Emboozi endala

Omumyuka wa Pulezidenti wa FDC Joyce Ssebuggwawo (ow’okubiri ku ddyo) ng’atongoza akakiiko k’ekibiina akagenda okuyigga obululu bwakyo mu Kampala ne Wakiso.

FDC etongozza akakiiko akan...

FDC etongozza akakiiko akagenda okunoonyeza abantu baayo akalulu mu Kampala ne Wakiso n’etegeeza nti Col. Kiiza...

Shakira Bagume ng'ayonsa bbebi we

Laba okusoomooza bamaama ab...

Okuyonsa abaana kyankizo nnyo eri abaana abawere era Maama yenna ateekeddwa okuyonsa kino kisobozese omwana okukula...

Aba LDU bazzeemu okukola eb...

ABASERIKALE b’eggye ekkuuma byalo erya LDU, bazzeemu okukola ebikwekweto okufuuza abateeberezebwa okubeera abamenyi...

Poliisi ng'eggyawo omulambo gwa Mukiibi

Omusuubi w'e Nakulabye yeek...

OMUSUUBUZI w’e Nakulabye omututumufu aguze amafuta ga petulooli ne yeekumirako omuliro mu kinaabiro emisana ttuku...

Abeegwanyiza entebe y'obwap...

EBBUGUMU lyeyongedde ku kitebe ky’akakiiko k’ebyokulonda abantu abeegwanyiza entebe y’obwapulezidenti bw’eggwanga...