TOP
  • Home
  • Amawulire
  • Ebirabo Hamza bye yatutte mu kwanjula Rema bigabaniddwa

Ebirabo Hamza bye yatutte mu kwanjula Rema bigabaniddwa

Added 17th November 2019

ABA famire ya Rema Olwokutaano baalumazeeko beetala oluvannyuma lw’okugabana ebintu ebyaleeteddwa mu kwanjula kwa muwala waabwe.

 Ono omukyala yabuukidde boodabooda n’abulawo.

Ono omukyala yabuukidde boodabooda n’abulawo.

Abataasuze waka awaabadde omukolo e Nabbingo mu Bataka nabo baakedde kugendayo nga bayitiddwa okuweebwa ku bintu omuko Hamza Sebunya bye yaleese.

Okugabana kwatandise ku makya g'Olwokutaano era kwakuliddwa Dennis Ssewankambo eyabadde avunaanyizibwa ku sitoowa omwaterekeddwa ebintu ng'ali wamu ne bataata, bamaama ne ba Ssenga ba Rema obwedda abasalawo ku buli muntu ky'alina okuweebwa okusinziira ku buzito bwe.

Ebyagabiddwa mwabaddemu, omuceere, sukaali, omunnyo, enkoko, amatooke, embuzi, ennyama, sabbuuni, sooda n'ebirala.

Mu kugabana ebintu, embeera yabadde ya keetalo nga buli omu alina ensonda w'akungaanyiza ebibye era oluvannyuma abamu baalabiddwaako nga babisomba babipakira mu mmotoka zaabwe ate abalala baawalirizidddwa okupangisa boodabooda kwe baatudde n'ebintu byabwe bye baagabanye.

 

 bakyala nga bakungaanya ebintu bye baabawadde Abakyala nga bakung'aanya ebintu bye baabawadde.

 

Abalala abaabaddewo ng'omukolo ogw'okugaba ebintu gukolebwa ye Hajji Isa Musoke eyabadde ssentebe w'olukiiko oluteesiteesi ng'ono oluvannyuma yeegattiddwaako maneja wa Rema Geoffrey Kayemba.

Aba famire bwe baamaze okufuna bonna, abaabadde bagaba baagabiddeko ne ku bamu ku baliraanwa era n'aba boodabooda ku siteegi eriraanyeewo ne babawa.

Kayemba yeebazizza abantu bonna abeetabye ku mukolo guno naddala Nnaabagereka eyagambye nti omukolo gwatambudde bulungi nga bwe baabadde basuubira kyokka n'asaba abantu okubasonyiwa kw'ebyo ebitaatambudde bulungi.

Abatuuze b'e Nabbingo naddala abavuzi ba boodabooda na kati omukolo gwa Rema ne Hamza bakyagunyumyako olw'ebintu bye baagufunyemu okwabadde ssente enkalu, emigaati, amata ne sukaali ebyabaweereddwa.

Kyokka waliwo abatuuze abaasigadde bakukkuluma olw'obutayitibwa ku mukolo.

 

 

 

 

More From The Author

Emboozi z’omuwandiisi endala

Emboozi endala

Abawagizi ba NUP nga bakulisa Zaituni maama wa Nsubuga.

Owa NUP gwe baasiba mu kkom...

Muhamad Nsubuga owa NUP eyakwatibwa gye buvuddeko n’atwalibwa mu kkomera e Kitalya awangudde obwa kansala. Bazadde...

Emmanuel Sserunjogi ng'akuba akalulu.

Abakadde bajjumbidde okulon...

ENKUBA yataataaganyizza okulonda e Kawempe ekyawalirizza okusengula ebikozesebwa okulonda okubiteeka mu bifo ebirala....

Abantu nga basitudde Kibirango eyawangudde obwassentebe.

NUP yeeriisizza nkuuli e Lu...

EKIBIINA kya NUP kyongedde okweriisa enkuuli mu kulonda kwa gavumenti ez’ebitundu mu kitundu ky’e Luweero nga ku...

Lumu eyakubiddwa.

Avuganya ku bwakansala bamu...

JOE Lumu avuganya ku bwakansala bw'omuluka gwa Makerere 1 e Kawempe bamukubye ne bamwasa emimwa n'okumunyagako...

Hajjati Sarah Nannyanzi (ku kkono), Abel Bakunda amudidde mu bigere ne RDC w'e Kalungu, Caleb Tukaikiriza.RDC

Ssebo kolagana bulungi n'ab...

ABADDE omumyuka wa RDC mu Disitulikiti y'e Kalungu Hajjati Sarah Nannyanzi awaddeyo woofiisi eri Abel Bakunda amuddidde...