TOP
  • Home
  • Amawulire
  • Ekirwadde ekikwata ebitooke kitiisizza abalimi mu Lwengo

Ekirwadde ekikwata ebitooke kitiisizza abalimi mu Lwengo

Added 18th November 2019

Ekirwadde kino kisensera ekikolo ky'ekitooke era kw’omanyira nti kikwatiddwa ekirwadde kino endagala zaakyo ziwotookerera mpola ppaka lwe zifuuka essanja, ate bwe kiba ng’ekitooke kitaddeko emmere, ettooke lino lyengere ne bwe liba lyakava mu ngo (empummumpu).

 Abamu ku basuubuzi nga bakungaanya embidde mu kifo ky'amatooke ge battikanga.

Abamu ku basuubuzi nga bakungaanya embidde mu kifo ky'amatooke ge battikanga.

Bya FLORENCE TUMUPENDE


ESSUUBI liwedde mu balimi n'abasuubuzi b'amatooke olw'ekirwadde kya kiwotoka abangi kye baakazaako erya 'Toduula' ekibamazeeko emirembe  n'okubakuba obwavu.


Ekirwadde kino kisensera ekikolo ky'ekitooke era kw'omanyira nti kikwatiddwa ekirwadde kino endagala zaakyo ziwotookerera mpola ppaka lwe zifuuka essanja, ate bwe kiba ng'ekitooke kitaddeko emmere, ettooke lino lyengere ne bwe liba lyakava mu ngo (empummumpu).


Obubonero obulala kw'olabira nti ekitooke kino kikwatiddwa ekirwadde kino, bw'oba osala ekyaayi kyaakyo kiba kikaluba ate ekigogo kikyuka kkala ne kitabulamu langi eya kyenvu ng'olwo omanya nti lubadde. Ate omugogo gwakyo bw'ogutema n'ogusuula wansi, enkeera guba guvaamu ebintu ebyefaanaanyirizaako amata agafudde nga bino biba biwunya ekivundu era osanga ensweera zigukungaaniddeko.


Abalimi bawanjagidde Gavumenti ebataase ku ddagala erivumula ekirwadde kino kuba kisensera ppaka ng'olusuku luweddewo ekintu eky'obulabe.

Obumu ku butale okuli ak'e Kinoni ne Kyazanga mu disitulikiti y'e Lwengo obwasuubulibwangamu amatooke nga bagatwala mu bitundu bye Rwanda,Tanzania ne Kenya kwossa ne ku muliraano gwe Kampala kati bujjudemu ndiizi ne musa ate nga nazo zaakuwenja olw'ekirwadde kino.

Abakungu abavunaanyizibwa ku by'obulimi n'obulunzi mu Lwengo nga bakulembeddwaamu Kezia Bacia baategeezeza nga bwe baali bamanyi nti bakakensa bajja kuba bafunye eddagala erivumula ekirwadde kino obutasukka myaka ebiri ekitannaba kukolebwa.     Bano bawadde abalimi amagezi okutemamu ebitooke ebikwatiddwa ekirwadde kino basimbemu ebirala.

More From The Author

Emboozi z’omuwandiisi endala

Emboozi endala

Oba Daddy Andre ne Nina Roz...

Getwakafuna ge g’omuyimbi ow’erinnya Daddy Andre alabikidde mu bifaananyi ku mukutu gwa Twitter ng’ali n’omuyimbi...

Chanddiru ne mukwano gwe ng'amubudaabuda.

Omusomesa eyakubiddwa ttiya...

OMUSOMESA eyakubiddwa akakebe ka ttiyaggaasi mu liiso alongooseddwa n’akukkulumira poliisi olw’obuvune bwe yamutuusizzaako...

Musumba munsabireko embeera...

WALIWO enjogera egamba nti mu kutya Mukama amagezi mwe gasookera. Enjogera eno yatuukidde bulungi ku muyimbi Sofie...

Ab'e Mbale basabye Kiwanda ...

ebyetaaga okutumbula mulimu; ekkuumiro ly’ebisolo erya Elgon National Park, ebiyiriro by’e Sipi, olusozi Masaba...