TOP
  • Home
  • Amawulire
  • RDC w'e Mukono akulembeddemu kaweefube w'okulwanirira ebyobugagga bya disitulikiti

RDC w'e Mukono akulembeddemu kaweefube w'okulwanirira ebyobugagga bya disitulikiti

Added 9th December 2019

Abakulembeze e Mukono bavuddeyo ku byobugagga bya disitulikiti y'e Mukono ebigambibwa okutundibwa

 Abakungu ba NRM abakulembeddwa RDC Fred Bamwine mu ofiisi ya CAO, James Nkata

Abakungu ba NRM abakulembeddwa RDC Fred Bamwine mu ofiisi ya CAO, James Nkata

Bya Joanita Nakatte

Bannakibiina kya NRM nga bakulembeddwaamu ssentebe waabwe e Mukono, Hajji Twahiir Ssebaggala n'omubaka wa Pulezidenti e  Mukono Fred Bamwine bakubye olukiiko okukakasa ebizze byogerwa ku ky'okutunda ebyobugagga by'ekitebe kya disitulikiti eno n'okubirwanirira.

  red amwine nabakungu abalala nga balambula ekizimbe RDC Fred Bamwine n'abakungu abalala nga balambula ekizimbe omuterekebwa eddagala 

 

Ebimu ku bino kwe kuli ettaka n'ebizimbe ebitudde ku kitebe kya disitulikiti eno era nga bino we bibeereddewo, ng' ettaka eririko ennyumba z'abasawo lyo  lyatundibwa dda, nga n'ettaka okutudde ekitebe kya disitulikiti eno lyatemebwamu poloti ezisoba mu 43 ezirindiridde okugenda ku katale olwo ekitebe kisigaze yiika ttaano.

Bano baasoose kulambula kizimbe kya gavumenti omuterekebwa eddagala nga kino kyasangiddwa mu mbeera embi era ng'akulira abakozi e Mukono, James Nkata yalagira kibalirirwe bamanye ensimbi ezikigyaamu oluvannyuma kitundibwe.

Eno baasanze tekyaterekebwayo ddagala okuggyako  ebisanduuke ebiweddemu era ng'ekizimbe kyetaaga kuddaabirizibwa.

  amwine ngaliko ensonga zannyonnyola RDC Bamwine ng'aliko ensonga z'annyonnyola

 

Oluvannyuma baayolekedde ew'akulira abakozi e Mukono, James Nkata abannyonnyole lwaki yalagira ekizimbe kibalirirwe ate nga kaliisoliiso yali yawandiika ng'ayimiriza okutunda ebyobugagga bya disitulikiti eno, n'asaba abakungu ba NRM bano okumukkiriza abannyonnyole olwo ne beesogga akafubo akatakkiriziddwaamu bannamawulire.

Bakansala baagambye nti, baayisa ekiteeso eky'okusalamu ekyapa kya disitulikiti oluvannyuma lw'ebbanja okulinnya okutuukira ddala ku bukadde 215 aba Buganda Land Board e Mengo ze babanja era ne beekwasa nti, ebitongole bya gavumenti ebirala nga ofiisi ya RDC, kkooti, NIRA, ekkomera ly'e Kawuga n'ebirala bingi byali tebisasula ssente za bupangisa.

 bookisi enkalu ezitereka eddagala ezaasangiddwa wabweru wekizimbe omuterekebwa eddagala Bbookisi enkalu ezitereka eddagala ezaasangiddwa wabweru w'ekizimbe omuterekebwa eddagala

 

Abamu baateesezza nti, wabeewo n'ebimu ku byobugaga bya disitulikiti ebiba bitundibwa nga lufula y'e Kyetume, ekizimbe omutundirwa eddagala lya gavumenti n'ebirala basobole okusasula amabanja agabali mu bulago n'okumaliriza ekitebe kya disitulikiti eno.

RDC w'e Mukono, Fred Bamwine yagambye nti oluvannyuma lw'okuwandiikira kaliisoliiso wa gavumenti ku byali bigenda mu maaso ku nsonga zino, yaweebwa ekiragiro eky'okwogera n'akulira abakozi ku kitebe kya disitulikti eno, James Nkata obutabaawo kitundibwa kyonna era nga si wa kukkiriza nsonga eno kugenda mu maaso okutuusa nga gavumenti y'ewadde obuyinza.

More From The Author

Emboozi z’omuwandiisi endala

Emboozi endala

Achile (owookubiri ku kkono) ng’ayogera eri bannamawulire. Asooka ku kkono ye Kyomya ate owookubiri ku ddyo ye Mandera Nsubuga.

Aba NRM basabye poliisi obu...

ABAKULEMBEZE b'abavubuka mu kibiina kya NRM mu ggwanga bawanjagidde poliisi okukomya omuze ogw'okulemesanga Robert...

Bp. Lwanga mu kusabira omwoyo gw’omugenzi Nakaggwa. Mu ggomesi wakati ye Zziwa.

Bp. Lwanga avumiridde abeek...

SSAABASUMBA Dr. CyprianKizito Lwanga avumiridde abantu abeekalakaasa ekivaako okulumya abalala n'ategeeza nti balumya...

Bobi Wine ne Dan Magic mu ddwaaliro.

Omukuumi wa Bobi Wine ne Pu...

Pulezidenti w'ekibiina kya NUP alidde kkava ekintu ekibadde ng'esasi bwe kimuyise ku mutwe. Mu kiseera kino abadde...

Ivan Boogere

Yusuf Babu owa COBAP ng'atw...

Mu Afrika U20 Uganda 3-1 Kenya GGOOLO za Ivan Bogere (2) ne Kenneth Semakula zaayambye The Hippos okwesogga...

Yusuf Babu owa COBAP ng'atwalira Paul Kayondo (Lukanga) eng'uumi.

Liigi y'ebikonde ejulidde

EKIBIINA ekitwala omuzannyo gw'ebikonde mu ggwanga ekya Uganda Boxing Federation (UBF) kisazizzaamu liigi yaakyo....