TOP
  • Home
  • Amawulire
  • Omugagga Kirumira afunye ku buwerero! Asekera mu kikonde

Omugagga Kirumira afunye ku buwerero! Asekera mu kikonde

Added 13th December 2019

Omugagga Kirumira asekera!!

 Omugagga Kirumira

Omugagga Kirumira

Kino kiddiridde Minisita w'obutebenkevu Gen. Elly Tumwine okukunya Lt Gen Charles Angina n'abapoliisi ababadde bawadde abazimbi obukuumi nga tulakita egaziya ekkubo erigenda ewa Dr. Khingi agugulana ne Kirumira ku ttaka n'abalagira okukomya okusenda ettaka mbagirawo!

Tumwine abadde omukambwe ayombesezza Angina n'abapoliisi ababaddewo na'abalagira okukomya mbagirawo okusenda ettaka n'okweyambisa amagye ne beeyingiza mu busongasonga obutono obwandigonjoddwa mu mirembe awatali kusika muguwa!

Bino abyogedde bw'abuuza Gen. Angina akana n'akataano lwaki baaleese tulakita mu matumbi budde okusenda bwe kiba nga kye baabadde bakola kiri mu mateeka!

Ayongedde okumukunya n'amubuuza ebbaluwa za KCCA ezibalagira okusenda n'agamba nti zino ensonga tezisaana kuleetamu ba magye, KCCA ye yandibadde eteera abaserikale baayo ne bakola ogwabwe so ssi magye!

Kinajjukirwa nti gye buvuddeko abajaasi ba miritale baakuba Kirumira mu lutalo lw'ettaka okuliraana woteeri ya Kirumira eya Hotel International e Muyenga. Kyokka ne Kirumira n'abalwanyisa ng'ali ne mukyala we, Susan Kirumira.

Ebisingawo:

Kirumira bamukubye ne bamwambula engatto

 

 

More From The Author

Emboozi z’omuwandiisi endala

Emboozi endala

Poliisi ekyanoonyereza ku b...

OMWOGEZI w’ekitongole kya poliisi ekinoonyereza ku buzzi bw’emisango, Charles Twine yagambye nti okunoonyereza...

Kenzo ne banne. Mu katono ye Bobi Wine

Kiki ekiri emabega wa Kenzo...

Lubega agamba nti ekintu kya Kenzo kyapangibwa aba People Power okumusosonkereza nga bamujooga aggweemu essuubi...

Kenzo bye yayogedde ku Bobi...

Waliwo ne Bannayuganda abali emitala w’amayanja naddala Dubai abaamusabye aleme kuddamu kulinnya mu nsi zaabwe...

Nnawasa omubanda n'antamya ...

NZE Naboth Nuwagira, 27, mbeera Kitintale. Obulamu bwange bwonna eby’abakyala saabiwanga nnyo budde nga nnoonya...

'Amafuta' g'omusumba gaanzi...

GIFT Katusiime, 20, eyali atembeeya caayi mu Kampala ali mu kusoberwa okutagambika. Alumiriza omusumba gye yali...