TOP

Temunyigiriza bantu - Kabaka

Added 18th December 2019

KABAKA avumiridde okunyigiriza abantu nga baggyibwako eddembe lyabwe ery’obuntu n’agamba nti kikonzibya enkulaakulana.

 
Yayagalizza abantu be Ssekukkulu ey'essanyu kyokka ne yennyamira olwa kye yayise okulinnyirira eddembe ly'obuntu okweyongedde mu ggwanga.
 
"Tulabye engeri abakulembeze ab'enjawulo, bannamawulire n'abaana abatambuza emisomo gyabwe gye bayisibwamu ne twennyamira.Tumanyi nti eddoboozi ly'omuntu waabulijjo lye liyamba abakulembeze okutereeza empeereza", Beene bwe yaggumizza ng'ali mu Lubiri e Mmengo ku Mmande.
 
Yabadde asisinkana Abataka n'abakulu b'ebika mu Buganda ku mukolo kwe yabagabulidde Ssekukkulu. Omutanda yayogedde ne ku nsonga endala omuli ettaka n'agamba nti, "nnannyini ttaka tasaana kunyigiriza waakibanja ate n'oweekibanja alina okussa ekitiibwa mu nnannyini ttaka. Twagala okubeerawo n'enkola ennuhhamu.
 
Abataputa obulala enkola eno tebaagaliza Buganda n'enkulaakulana ya Uganda," Kabaka bwe yayongeddeko. Yasabye abali mu buyinza ne Palamenti okubeerako kye bakola okuzza emitima gy'abantu ku ttemu erigenda mu maaso mu ggwanga.
 
Yalabudde abantu okwewala obulwadde bwa siriimu ate n'asaasira Bannayuganda bonna abakoseddwa amataba n'okubumbulukuka kw'ettaka e Buduuda, Bundibugyo n'ebitundu ebirala.
 
"Njagala okutegeeza Abataka nti nja kugenda mu maaso n'okulambula Obutaka kubanga kikulu nnyo okubuddaabiriza budde mu mbeera eyeesiimisa, kisobozesa n'abantu baffe okubulambula" Kabaka bwe yagasseeko.
 
Ye omutaka Kayiira Gajuule Kasibante, omukubiriza w'olukiiko lw'Abataka yasabye Kabaka okubeeranga n'ensisinkano eyaawamu amuyambeko ku bazzukulu abali e Mmengo abatiisatiisa Abataka nti bwe batakola kye baagala baakusaba Kabaka asiime baggyibwe ku bukulu.
 
Yeeyamye nti Abataka baakugenda mu maaso n'okwetaba mu Lukiiko lwa Buganda, okukola emirimu gy'enkulaakulana ku butaka n'okulambulanga abazzukkulu.

More From The Author

Emboozi z’omuwandiisi endala

Emboozi endala

Abakungu mu kibiina kya Gen.Muntu nga baslaa Cake okwaniriza Winnie Kiiza

Winnie Kiiza yegasse ku kib...

OMUBAKA omukyala owa Kasese, Winfred Kiiza yegaasse ku kibiina kya Alliance for National Transformation (ANT) n’aweza...

Bannayuganda muve mu tulo -...

PULEZIDENTI Museveni akunze Bannayuganda okuva mu ttulo bataandike okusala amagezi g’okunoonya obuggagga n’asaba...

Gavana Mutebile

COVID19 ayigirizza Bannayug...

GAVANA wa bbanka enkulu Tumusiime Mutebile agambye nti Bannayuganda bagenda kukendeeza ku kumala gasasaanya nsimbi...

Nunda yeesize Katonda ku ky...

JACKSON Nunda olukutudde ddiiru ne URA FC n’asuubiza okuddamu okwaka nga bwe yali nga tannafuna buvune mu KCCA...

Golola

Golola alidde ogwa Tooro Un...

OMUTENDESI Edward Golola olumuwadde omulimu gwa Tooro United FC n’akomyawo banne bwe baawangula ekikopo ky’Essaza...