TOP

Eyagabye ekibanja kya muganda we omugenzi gamumyuse

Added 13th January 2020

Omukadde eyagabanyizza ekibanja kya muganda we n'agoba namwandu n'abaana gamumyuse ne yeetonda

 John Lubega eyabadde agabanyizza ekibanja kya muganda we eyafudde ng'akudde empaanyi ze yabadde asimbye

John Lubega eyabadde agabanyizza ekibanja kya muganda we eyafudde ng'akudde empaanyi ze yabadde asimbye

Bya Saul Wokulira   

Omukadde amaaso gamumyuuse ab'obuyinza bwe babadde bamukunya olw'okwegabanya ekibanja n'aleka namwandu ne bamulekwa mu maziga.

Bino bibadde ku kyalo Kisawo mu Kayunga Town Council mu disitulikiti y'e Kayunga.

John Lubega, y'atuuyanye nga bwe zikala ofiisa alondoola ebintu by'abafu e Kayunga, Collins Kafeero bw'abadde amusoya kajojijjogi w'ebibuuzo lwaki yeegabanyizza ekibanja kya muganda we, Godfrey Luwunge eyafiiridde mu bikujjuko by'okuyingira omwaka omupya.

 vunaanyizibwa ku bintu byabafu e ayunga ollins afeero ngakunya ubega Avunaanyizibwa ku bintu by'abafu e Kayunga, Collins Kafeero ng'akunya Lubega

 

Kafeero atugambye nti, Lubega akkirizza nga bwe yakola ensobi era yeetondedde namwandu Justine Nabukeera n'empaanyi ze yabadde asimbye n'azisimbulamu.

Lubega olwamaze okuziika muganda we yatandikiddewo okunoonya abagula ekibanja era yagenze n'akisalaasalamu n'empaanyi ne yeegabirako ekitundu n'abaana be abamu ku baana b'omugenzi baaviiriddemu awo. 

Oluvannyuma yalagidde Nabukeera okufulumya engugu n'abaana abataafunye abatwale kubanga tebaafaanana mugenzi era balabika si babe.

 amwandu wa uwunge ustine abukeera Namwandu wa Luwunge, Justine Nabukeera

 

Namwandu Nabukeera yadduse mu ofiisi ya Kafeero eyagenze ku kyalo ensonga ne bazituulamu era okukkakkana nga Lubega yeetondedde namwandu n'empaanyi ze yabadde asimbye ng'agabanya ekibanja n'azikuulayo.

Kafeero alabudde bonna abeewa obuyinza ne badobonkanya ebintu by'abafu n'okubigaba nga tebafunye lukusa okuva ew'avunaanyizibwa ku bintu by'abafu kubanga bw'anaabakwatako kaakubajjuutuka.

Oluvannyuma lw'okukuula empaanyi yalinnye pikipiki ye ne banne ne yeeyongerayo.

 

More From The Author

Emboozi z’omuwandiisi endala

Emboozi endala

Bobosi omuzannyi w'omupiira.

'Kye kiseera okwesiga Bobos...

"EKYASINZE okunsanyusa kwe kulaba nga mutabani wange Bobosi Byaruhanga ali ku katebe ka ttiimu y'eggwanga ey'abakulu....

Omusumba Joseph Tumusiime owa The heaven's gate Church of All Nations

Wuuno nnabbi eyalagula Trum...

Omusumba owa The heaven's gate Church of All Nationa avuddeyo n'akakasa okulagula kwe ku eyabadde omukulembeze...

Nnamwandu Sharifa Nampijja ne bamulekwa.

Ani yasse mu bukambwe owa N...

OMULAALO eyabadde anoonya ente ezaabadde zimubuzeeko ye yagudde ku mulambo gwa Rogers Ssemakula mu kibira eyabula...

Poliisi n’abamu ku bakwate. Mu katono naye yakwatiddwa.

Poliisi ekutte abavubuka n'...

ABASUUBUZI mu lufula y'oku Kaleerwe balonkomye akabinja k'abavubuka akabadde n'ebissi nga kigambibwa nti kabadde...

Mayanja eyattiddwa.

Bamukutte n'omutwe gw'omwan...

OMUSAJJA eyakwatiddwa ku bigambibwa nti yasazeeko omwana omutwe abuulidde poliisi engeri omusuubuzi w'emmwaanyi...