TOP

Akwana abawala n'ababba poliisi emuggalidde

Added 26th February 2020

POLIISI ekutte omusajja agenda mu bbaala n’ebifo ebirala ebisanyukirwamu n’akwana abawala n’ababbako ebintu byabwe.

 Muyimba eyakwatiddwa

Muyimba eyakwatiddwa

Joseph Muyimba, omutuuze w'e Bulenga, poliisi erudde ng'emunoonya oluvannyuma lw'abamu ku bawala be yabba okumulonkoma ku poliisi.

Amyuka omwogezi wa poliisi mu ggwanga, Polly Namaye yagambye nti Muyimba abadde agenda mu bbaala n'ebifo e Kololo n'akwana abawala oluvannyuma n'abateeka mu mmotoka ye ng'abalimbye nti abatwala wuwe okwesanyusaamu kyokka n'abeefuulira n'ababba.

"Twafuna okwemulugunya okuva mu bawala ab'enjawulo nga bwe waliwo omusajja abakwanira mu bbaala oluvannyuma n'ababba era abaserikale baffe ne batandika omuyiggo okutuusa lwe bamukutte nga kati ali mu kunoonyerezebwako." Namaye bwe yagambye.

Yagambye nti okukwata Muyimba kyaddiridde omu ku bawala be yabba okumulaba mu bbaala emu e Kololo n'addukira ku poliisi y'e Kololo ku kisaawe n'atemya ku baserikale abaagenze ne bamukwata n'emmotoka mw'abadde atambulira nnamba UBD 202U.

Namaye yagambye nti abamu ku bawala abadde ababbira mu loogi gy'abatwala ate abamu n'ababbira mu Mabira oluvannyuma lw'okubalimba nti abatwala Jinja wabula bwe batuuka mu lugendo n'abeefuulira nga n'abamu abaleka bali bwereere kuba engoye zaabwe azitwala. Emisango egisinga abawala baagiggulawo ku poliisi e Mukono.

Mu kwaza emmotoka ye, abaserikale baasanzeemu ebintu eby'enjawulo ng'ebisinga bya bakazi omuli ensawo, engato, lipstick, gaalubindi n'essimu 4 wabula nga teziriimu kkaadi. Muyimba yatwaliddwa ku poliisi y'e Mukono ng'avunaanibwa ku ffayiro SD 64/27/01/2020.

More From The Author

Emboozi z’omuwandiisi endala

Emboozi endala

Mwanje (wakati) nga "bamunywedde"

Ofiisa munsonyiwe nva kuziika!

MAKANIKA eyeeyise owa poliisi bamukutte n’alwanagana n’abaserikale ng’agamba nti tebalina kye bayinza ku mukola....

Abawawaabirwa, Christine Guwatudde Kintu, Joel Wajala , John Martin Owor  ne Lutimba Kyeyune Fred Martin nga bali mu kaguli

Bana basimbiddwa mu kkooti ...

Abakungu bana okuva mu ofiisi ya Ssaabaminisita abavunaanibwa okulya eza COVID19 basindikiddwa mu kkooti ewozesa...

Sazir Lumala disitulikiti Kaadi w'e Mukono ng'ayogera n'abamawulire ku poliisi e Mukono.

Disitulikiti Kaadi w'e Muko...

Bya ERIC YIGA POLIISI e Mukono ekutte disitulikiti Kaadi waayo Sheikh Sazir Lumala naggulwako omusango gw'okukozesa...

Abasiraamu balabuddwa okuko...

BYA JAMES  MAGALA  Kino kidiridde Poliisi okuyoola abasiraamu 25 e Mpingi nga bagambibwa okuba abayeekera mu...

Bagudde ku mulambo gwa mutu...

Abatuuze b'e Kawaala zooni 2 mu divizoni y'e Rubaga baguddemu ekyekango bwe basanze mutuuze munnaabwe nga yafiridde...