TOP

Lukwago akubye ebituli mu bbaasi za 'Tondeka'

Added 4th March 2020

LOODI Mmeeya Erias Lukwago akubye ebituli mu nteekateeka y’okuleeta bbaasi za ‘Tondeka’ n’ategeeza nti waliwo abanene abaziri emabega abaagala okunyagirako ssente z’omuwi w’omusolo.

 Lukwago akubye ebituli mu bbaasi za ‘Tondeka’

Lukwago akubye ebituli mu bbaasi za ‘Tondeka’

Yasinzidde mu kakiiko ka Palamenti akakola ku by'obusuubuzi akakubirizibwa Robert Kasule Sebunya (Nansana munisipaali) akabuuliriza ku nteekateeka z'okuleeta bbaasi mu bitundu bya Kampala n'emiriraano.

Lukwago yawadde ensonga munaana kw'asinziira okuwakanya ebya bbaasi naddala ey'obutamanya bannannyini kkampuni ba bbaasi zino.

1 Yagambye nti wadde yawandiikira ekitongole ekiwandiisa amakampuni ng'abuuza bannyini yo, tebamuddangamu.

2 Lukwago yagambye nti bannannyini baazo banene mu Gavumenti abeerimbise mu kkampuni eno okusobola okunyagirako ssente z'omuwi w'omusolo. Yayongeddeko nti yakiteegerako nti kkampuni yeetaaga bbiriyoni 600 ezigenda okwewolebwa Gavumenti okuva mu bbanka ya Exim e Buyindi.

3 Lukwago yeewuunyizza lwaki pulojekiti ya bbaasi tebagikwasa KCCA evunaanyizibwa ku kuddukanya ekibuga okusinga okwesiga abantu ssekinnoomu.

4 Loodi mmeeya yagambye nti kkampuni eno terina nteekateeka erambuluddwa ku ngeri gy'egenda okukolaganamu n'ekitongole kya KCCA ne Gavumenti ya wakati.

5 Embeera y'enguudo embi eziri mu mu kibuga tesobozesa bbaasi zino kutambuliramu. Ku kkiromita 21,000 ez'enguudo eziri mu kibuga, kuliko 608 zokka ezikubiddwa kkolaasi. Ezisigadde zijjudde ebinnya ebitasobozesa bbaasi ennyimbi okutambuliramu obulungi.

6 Lukwago yeebuzizza ekigenda okukolebwa ku kkampuni za bbaasi ezisangiddwa mu kibuga nga Pioneer Easy Bus ne Awakula Ennume ze yagambye nti zirina ebifo we zisimba.

7 Lukwago yagambye nti KCCA ebadde n'enteekateeka nnene ey'okutereeza ebyentambula mu kibuga era bbanka y'ensi yonna egiteekamu ssente. Yeebuuza bbaasi ezireetebwa oba nga teziikozese nteekateeka ebaddewo enaatera okwanjulwa ekiseera kyonna kuba nayo erimu bbaasi.

8 Gavumenti olw'okuba tefuddeeyo kuyigira ku kkampuni ya Pioneer eyagwa, ensobi ze zimu ze bazzeemu era Lukwago yalabudde nti nayo ejja kugwa, kyokka ekibi ng'emaze okukozesa ssente y'omuwi w'omusolo.

Loodi Mmeeya yasabye Palamenti obutayisa ssente zonna za kwewola okuyamba kkampuni ya Tondeka kuba talabanga ku musigansimbi ajja mu ggwanga nga talinaamu ssente.

More From The Author

Emboozi z’omuwandiisi endala

Emboozi endala

Omusumba Kaggwa ng'asala keeki n'abamu ku bataka b'ekika ky'Embogo.

Katikkiro Mayiga alabudde a...

EBYA poliisi okukuba omukka ogubalagala ku mukolo gw'abeekika kye Embogo biranze, Mmengo bw'etadde Gavumenti ku...

Abaserikale nga batwala omuvubuka gwe baakutte.

Ababazzi ku Bbiri bataayizz...

ABABAZZI b'oku Bbiri bataayizza abavubuka abagambibwa okuba mu kabinja akatigomya abantu ne babakuba.  Akabinja...

Minisita Kasolo ng'ayogera

Kampala mugigye mu by'obufu...

Minisita omubeezi ow'ebyensimbi n'ebibiina by'obwegassi Kyeyune Haruna Kasolo, yennyamidde olwabantu abafudde Kampala...

Paasita Yiga

Paasita Yiga mulwadde muyi

EMBEERA y'omusumba w'ekkanisa ya Revival Christian Church e Kawaala, Augustine Yiga yeeraliikirizza abagoberezi...

Namuli kati atunda nnyaaya e Kyengera.

Abaana be nasomesanga bansa...

Nga tukyatunuulira engeri ekitiibwa ky'abasomesa gye kityobooddwaamu, Teopista Namuli, akulira essomero lya Wonderworld...