TOP

Ssekiboobo aziikiddwa mu kitiibwa

Added 2nd April 2020

Omwami wa Kabaka ow'essaza ly'e Kyaggwe eyawummula, Ssekiboobo Alex Benjamin Kigongo Kikonyogo olwaleero aziikiddwa mu kitiibwa.

Omwami wa Kabaka ow'essaza ly'e Kyaggwe eyawummula, Ssekiboobo Alex Benjamin Kigongo Kikonyogo olwaleero aziikiddwa mu kitiibwa.

Okuziikibwa kwa Ssekiboobo kwetabiddwako abantu ba lubatu ddala. Bano kubaddeko bannaddiini abakulembeddwa Ssaabalabirizi w'ekkanisa ya Uganda Stephen Kazimba Mugalu ng'ayambibwako omulabirizi w'e Mukono James William Ssebaggala n'abalala, abakungu ba gavumenti abakulembeddwa Minisita omubeezi ow'amazzi Ronald Kibuule, ssentebe w'akabondo k'ak'ababaka ba palamenti abava mu Buganda, Johnson Muyanja Ssenyonga, abakungu ba Kabaka okubadde Ssaabaganzi, Ssekiboobo Elijah Boogere Lubanga Mulembya, aba ffamire n'ab'emikwano. 

Olunaku lw'eggulo RDC w'e Mukono Fred Bamwine yategeezezza nti abantu 30 bokka be balina okwetaba mu okuziika kuno ate nga balina okugoberera amateeka agatewkebwawo okwewala okusasaanya elirwadde kya Corona virus.

Bp. Ssebaggala ng'abuulira ayogedde ku Ssekiboobo ng'abadde omusajja emmekete aweerezza n'omutima gumu nga teyeebalira ekanisa ate n'obwakabaka bwa Buganda.

Ye Ssaabalabirizi Kazimba asabye Bannayuganda okwongera amaanyi mu kaweefube w'okwetangira ekirwadde kya Corona virus n'agamba nti buli omu bw'anaakola ekyo ekimusuubirwamu kino kyakusobolwa okulinnyibwa ku nfeete.

Omukulembeze w'eggwanga Yoweri Museveni mu bubaka bw'atisse Minisita Kibuule agambye nti Kigongo abadde muweereza mulungi abadde n'omwoyo gw'eggwanga ng'alumirirwa abalala sso nga teyeefaako yekka.

Museveni awaddeyo amabugo ga bukadde 10 mu mpeke nga zino Kibuule azikwasizza nnamwandu ow'empeta, Sarah Kigongo.

Ssekiboobo agalamiziddwa ku bijja bya bajjajaabe ku kyalo Nneekooyedde mu Nakifuma mu ggombolola y'e Kimenyedde mu disitulikiti y'e Mukono.

 

 

 

 

 

 

More From The Author

Emboozi z’omuwandiisi endala

Emboozi endala

NABILLAH ABUUZIZZA ABA FDC ...

Mercy Walukamba, akulira akakiiko k’ebyekulonda mu kibiina kya NUP, yalangiridde Nabillah ku buwanguzi oluvannyuma...

Abaana nga balaba ttivvi.

Engeri omuzadde gy'olambika...

MU mbeera eno ng’abayizi basomera ku ttivvi kitegeeza nti ebbanga abaana lye bamala ku ttivvi lyeyongera. Ng’oggyeeko...

Obwongo bw'abaana abadda ku...

OLUVANNYUMA lwa Gavumenti okulangirira nti abayizi abamu baddyo okusoma nga October 15, 2020, abazadde baatandise...

VAR y'asinga amazima

Batunuulira nnyo ebisobyo mu ntabwe omuva okugaba peneti oba okugiggyawo, okugiddamu nga waliwo ekisobyo ekikoleddwa...

Dr. Donald Rukare (ku kkono) ne David Katende.

'Gavt. terina ssente zikebe...

ABAKUNGU b'ebibiina by'emizannyo bannyogogedde e Lugogo, Gavumenti bwe yakabatemye nti tejja kubawa ssente zikebeza...