TOP

Gavumenti etandikidde Bwaise okugaba emmere

Added 4th April 2020

Gavumenti etandikidde Bwaise okugaba emmere

 Ssaabaminisita Dr Ruhakana Rugunda ng'asimbulka emmotoka ezitwala emmere mu bantu

Ssaabaminisita Dr Ruhakana Rugunda ng'asimbulka emmotoka ezitwala emmere mu bantu

Bya Stuart Yiga

GAVUMENTI kyadaaki etongozza okutandika okuwa abantu abali mu bwetaavu emmere omuli kkiro z'akawunga ka kasooli mukaaga, n'ebijanjaalo kkiro 3, eri buli muntu ali mu bwetaavu.

Ssaabaministita Dr. Ruhakana Rugunda, y'atongozza kaweefube ono ng'asinziira ku ofiisize mu Kampala leero

Ategeezezza nti obuyambi buno bwakuweebwa oyo yekka gwe banaasanga ng'ali mu maka ge, so si bantu bakungaanye.

Agamba nti kino bakikoze okwewala abantu okukwatibwa ekirwadde kya Corona, kubanga ayagala nnyo abantu ababa bakungaanye nga bangi.

Okugaba emmere kutandikidde Bwaise, ekimu ku bifo mu Kampala ekisangibwa mu Divisoni y'e Kawempe.

"Gavumenti yasazeewo buli muntu ali mu bwetaavu aweebwe obuyambi buno, wabula nga essira ligenda kuteekebwa nnyo ku balwadde abali mu malwaliro ag'enjawulo okwetoloola eggwanga lyonna wamu n'ababeera mu nkambi z'ebitongole by'ebyokwerinda," Rugunda, bwe yagambye.

Asabye abasobola okubaduukirira baveeyo nga Omusuubuzi Hamis Kiggundu, bwe yakoze n'abawa obukadde bw'ensimbi za Uganda 100, zibayambeko mu kaweefube w'okuliisa abantu gwe baliko.

Hamis, obuyambi buno abuyisizza mu kibiina kye ekya Ham Foundation, era nga teyasuubizza ssente yaziwaddeyo mu mpeke.

Bw'abadde awaayo obuyambi buno, omuggagga Hamis, ategeezezza nti, "Kino kyekiseera buli alina ky'alina okuvaayo ayambe bannayuganda bannaffe mukaseera nga kano bwe beetaagira obuyambi."

Ye Minisita avunaanyizibwa ku bigwa bitalaze, Musa Ecweru, yategeezezza nti kumulundi guno, ab'ebyokwerinda be bagenda okuwoma omutwe mu kugaba emmere nga bayambibwako abakulembeze b'ebyalo.

Kinajjukirwa nti obuyambi buno newankubadde babutongolezza mu Kampala, bugenda kutuuka ku buli muntu ali mu bwetaavu ne mu madisitulikiti amalala.

 

 

More From The Author

Emboozi z’omuwandiisi endala

Emboozi endala

Oba Daddy Andre ne Nina Roz...

Getwakafuna ge g’omuyimbi ow’erinnya Daddy Andre alabikidde mu bifaananyi ku mukutu gwa Twitter ng’ali n’omuyimbi...

Chanddiru ne mukwano gwe ng'amubudaabuda.

Omusomesa eyakubiddwa ttiya...

OMUSOMESA eyakubiddwa akakebe ka ttiyaggaasi mu liiso alongooseddwa n’akukkulumira poliisi olw’obuvune bwe yamutuusizzaako...

Musumba munsabireko embeera...

WALIWO enjogera egamba nti mu kutya Mukama amagezi mwe gasookera. Enjogera eno yatuukidde bulungi ku muyimbi Sofie...

Ab'e Mbale basabye Kiwanda ...

ebyetaaga okutumbula mulimu; ekkuumiro ly’ebisolo erya Elgon National Park, ebiyiriro by’e Sipi, olusozi Masaba...