TOP
  • Home
  • Amawulire
  • Babuuse myala okutuusa emmere ku b'omu Kibe zooni

Babuuse myala okutuusa emmere ku b'omu Kibe zooni

Added 26th April 2020

ABAGABA emmere ya gavumenti bagudde mu lukwe ababadde basomba bannaabwe ne babateeka mu mayumba mwe batasula basobole okufuna emmere ewera.

Baatandikidde mu muluka gwa Makerere III e Kawempe mu Kibe zooni ng'obwedda buli muzigo guweebwa obungi bw'emmere okusinziira ku bantu abagusulamu  nga ssentebe Sulaiman Busulwa yabaddeko okukakasa abagigaba nti kituufu abaweereddwa emmere n'ebijanjaalo batuuze batuufu.

Ku Lwomukaaga bazzeeyo  mu Kibe okumaliriza gye baagwiridde mu lukwe lw'abantu  abaafunye mikwano gyabwe ne beefuula abasula nabo n'ekigendererwa ky'okufuna emmere ennyingi.

Mu kibe baazudde enju ng'erimu abantu 17  ekyewuunyisizza abasirikale ne bakola okunoonyereza ne bazuula nga si kituufu.

Peter Lubega omu ku baabadde bagaba emmere yategeezezza nti bwe baazudde enju ng'erina omulyango mu mbiriizi  ng'esulamu abantu 17  bannannyini yo  baategeezezza nti omulyango gw'omu mbiriizi mulimu abapangisa , omuluka gwa Makerere III gukolebwa zooni 6 okuli Mayinja, Kibe, Dobi, Good Hope, Kiggundu ne Ssebina ng'eno y'esinga obunene ng'erina abatuuze abawera 2800.

Yagasseeko nti omusirikale yamaze kuyingira munda n'azuula nga temuli  mupangisa  ekyanyiizizza abagaba emmere ne bazuula nga ne ssentebe omupango yabadde agumanyiiko ne bawalirizibwa  okuyimiriza  okugaba emmere mu Kibe zooni ne badda mu Ssebina zooni.

Baabuuse myala okutuusa emmere ku bantu

Abagaba emmere baasanze obuzibu bw'okubuuka emyala okutuuka ku mayumba  nga baatuuse n'okugyekanyugira okusoboola okugibuusa emyala n'emmotoka nga tezirina makubo we ziyita.

 

 

 

 

More From The Author

Emboozi z’omuwandiisi endala

Emboozi endala

Aba LDU bazzeemu okukola eb...

ABASERIKALE b’eggye ekkuuma byalo erya LDU, bazzeemu okukola ebikwekweto okufuuza abateeberezebwa okubeera abamenyi...

Poliisi ng'eggyawo omulambo gwa Mukiibi

Omusuubi w'e Nakulabye yeek...

OMUSUUBUZI w’e Nakulabye omututumufu aguze amafuta ga petulooli ne yeekumirako omuliro mu kinaabiro emisana ttuku...

Abeegwanyiza entebe y'obwap...

EBBUGUMU lyeyongedde ku kitebe ky’akakiiko k’ebyokulonda abantu abeegwanyiza entebe y’obwapulezidenti bw’eggwanga...

Dodoviko (aliko ssaako) ne banne ku mukolo ogumu.

Ebipya ebizuuse ku Dodoviki...

DODOVIKO Mwanje gwe balumiriza okumenya ekkanisa bongedde okumufunza! Lt. Col. Edith Nakalema olwamaze okukwata...

Lukwago nga bamukwasa empapula za FDC

FDC ewadde Lukwago bbendera...

ESSUUBI lya Ssalongo Erias Lukwago okwesimbawo ku bwa Pulezidenti bw’eggwanga ku tikiti ya FDC mu 2021 likomye...