TOP
  • Home
  • Amawulire
  • Poliisi eggalidde eyaggyeemu ow'emyaka 17 olubuto

Poliisi eggalidde eyaggyeemu ow'emyaka 17 olubuto

Added 29th June 2020

Rukundo gwe baggyamu olubuto

Rukundo gwe baggyamu olubuto

POLIISI ekutte omusawo eyaggyeemu ow'emyaka 17 olubuto n'asaba abasirikale  batuule bateese.

Juscent Namugumya 29 omutuuze mu Ssebina zooni mwalina  akalwaliro akatunda eddagala (Drug Shop) yakwatiddwa poliisi y'oku kaleerwe oluvannyumwa lwa Faridah Rukundo 17 okumulumirizza nga bwe yamuwadde obukerenda obuggyamu olubuto kyokka bwe yabumize embeera n'emutabukako ekyamuwalirizza ensonga okuzitwala mu boobuyinza.

Akalwaliro mwe baggyiramu Rukundo olubuto

Rukundo yategeezezza yava Gulu okujja e Kampala gye yafunira omuvubuka gw'amaanyiko erya Gerald ng'ono olwakitegedde nti afunye olubuto n'amuddukako ekyamuwalirizza okuluggyamu nga talina gy'agenda kujja buyambi.

Yagasseeko nti yagenze ew'omusawo Namugumya n'amusaba 40,000/- n'amuwa obukerenda n'amulagira abuteeke wansi w'olulimi obulala  mu bitundu bye eby'ekyama .

Namugumya  yasoose n'akirizza omusango n'asaba bamusonyiwe wabula  oluvannyuma yagambye nti  omuwala yagenze ku ddwaliro lye ng'amaze  okuggyamu olubuto  n'amusaba  40,000/  ez'obukerenda obuziyiza omusaayi era n'amugattirako  n'eddagala eddala.

Omusawo Namugumya ku kkono eyakwatiddwa

Namugumya yagambye nti obusawo abumazeemu emyaka 5 ng'ali ku ddaala lya Emlred nga yali akolera ku Pharmacy  e Mbikko  gye baamuwa oluwummula okugenda okuzaala kyokka okunoonyerezza kwa poliisi  kwazudde ng'eddwaliro lya Namugumya  teriri mu mateeka era omusango guli ku fayiro nnamba SD REF:33/24/06/2020

Isma Nsanja omumyuka wa ssentebe mu Ssebina zooni yategeezezza nti bwe yafunye okwemulugunya okuva ewa Asiimwe ensonga baabadde balina okuzitwala ku poliisi kuba yabadde mu mbeera mbi , yasabye abawala okukomya okufuna embuto mu basajja be balaba nti tebalina buvunaanyizibwa okusinga okumala okufuna embuto ne baziggyamu .

Paul Kibuuka akulira ebyokwerinda mu muluka gwa Makerere III yategeezezza nti  bazze  bazuula abaana abaggyiddwamu nga basuuliddwa mu myala we yasabidde abalina amalwaliro abakola ekikolwa eky'okuggyamu embuto okukikomya kuba tebalina njawulo n'abatemu, yagasseeko nti Namugumya yadde yabadde yeegaana Asiimwe yabadde amulumirizza nti ye yamuwadde obukerenda obuluggyamu.

Oluvannyuma ab'enganda za Namugumya baasabye poliisi esonyiwe omuntu waabwe ne bakkirizza okujjanjaba omuwala okutuusa lwa n'awona kyokka poliisi yabategeezezza nti kino tekiggyawo omusango.

Ebbaluwa Rukundo kwe yanywera eddagala

More From The Author

Emboozi z’omuwandiisi endala

Emboozi endala

Adam Mulwana eyayimba Toka kwa Balabala.

Eyakubira Besigye oluyimba ...

MUSAJJA wa Dr. Kiiza Besigye, Adam Mulwana eyamuyimbira oluyimba lwa “Toka kwa bala bala” lwe yakozesa mu kulonda...

Nabilah ng’alaga empapula ze. Ku ddyo, Nabilah ng’alaga empapula ze.

Ensonga lwaki aba Nabilah b...

ABAWAGIZI ba Erias Lukwago abaabadde mu mijoozi gya FDC baawalabanyizza Nabilah Naggayi n’abawagizi nga bwe babagamba...

Akeedi

Ziizino akeedi ezitatuusa b...

Abagagga bano abataayagadde kubaatuukiriza mannya baategeezezza nti, baabasindikidde obubaka ku ssimu nga babagamba...

Madoi

Wakiso Giants egoba bw'eyin...

WAKISO Giants FC mu liigi ya babinywera eyongedde okwenyweza nga yeetegekera sizoni ejja 2020/21 bw’ekansizza...

Vialli Bainomugisha

Onduparaka ereese Bainomugisha

ONDUPARAKA FC mu liigi ya babinywera etandise kaweefube w’okwetegekera sizoni ejja 2020/21 bw’ewaludde abadde omutendesi...