TOP
  • Home
  • Amawulire
  • Mmotoka ya Poliisi ebadde egobagana n'owa bboodabbooda ekoonye bbebi n'egenda bugenzi!

Mmotoka ya Poliisi ebadde egobagana n'owa bboodabbooda ekoonye bbebi n'egenda bugenzi!

Added 3rd July 2020




Bino bibaddewo ku ssaawa ssatu ez'okumakya ga leero ku Lwokutaano e Kabowa we bayita ku katale ka Kidomoole ku luguudo lwa Ssuuna Road olumanyiddwa ng'olwa Diniya, patrol ebadde eya langi enzirugavu ebadde eva mu Ndeeba okudda e Wankuluku .

Esanze owa bboodabbooda atisse omusaabaze ne bamugoba okumukwata, wabula  naye n'abatebuka n'ayongera sipiidi, mu kumugoba baagadde okusimba patrol ebbali bamugobe n'ebigere, eno gye basanze omwana Maria Namutunzi ow'emyaka 3 abadde ne nnyina ku katale w'akolera okumpi n'ekkubo ne bamukoona.

Olutegedde nti bakoonye omuntu,Patrol ezizzaako buzza n'edduka neyeeyongerayo, nyina w'omwana Sarah Namulindwa agambye nti, Patrol ebaddeko abaserikale mukaaga emabega  nga bambadde yunifoomu z'ebibomboola bya bbulu nga ne mu maaso eriyo babiri, nti kyokka ekibewuunyisizza olutegedde nti bakoonye omuntu bavuzi buvuzi ne badduka.

Omwana addusiddwa mu kalwaliro ka Beta life Medical Center e Wankulukuku okufuna obujjanjabi obusookerwako, ng'eno bakizudde ng'omwana avuddemu amannyo mukaaga ssaako okufuna ebisago ku mutwe.

Abasawo babalagidde okwongerayo omwana mu ddwaaliro eddene akubwe ebifaananyi ku mutwe  okulaba oba waliwo obuvune obulala  bw'afunye, era omwana ali mu bulumi obutagambika ng'agamba nti buli wamu wamuluma.

More From The Author

Emboozi z’omuwandiisi endala

Emboozi endala

Abaserikale nga bakunya omusajja eyabadde n'emmundu.

Bamukutte n'emmundu mu luki...

POLIISI ekutte omusajja eyabadde n’abawagizi ba Joe Biden n’emmundu ejjudde amasasi okumpi n’olukuggaana lwa Pulezidenti...

Dokita ng'agema omwana polio.

Polio taggwangayo - Dokita

GAVUMENTI erabudde Bannayuganda ku bulwadde bwa polio ne balagirwa obutabugayaalirira bayongere okutwala abaana...

Ababbi kkamera be yakutte nga banyaga edduuka e Bunnamwaya.

Kkamera zikutte ababbi nga ...

ABABBI balumbye edduuka ly’ebizimbisibwa e Bunnamwaya ne banyaga ebintu nga tebamanyi nti kkamera ezaabadde munda...

Abatuuze nga bali mu lukiiko.

Batabukidde omusamize mu lu...

ABATUUZE b’e Jjokolera mu ggombolola y’e Nangabo mu disitulikiti y’e Wakiso balumirizza omusamize okubateega n’abawamba...