TOP
  • Home
  • Amawulire
  • Akumye ku famire ye omuliro lwa kuteebereza mukazi we kwendera mu bufumbo

Akumye ku famire ye omuliro lwa kuteebereza mukazi we kwendera mu bufumbo

Added 11th July 2020

Mutumba eyakumye ku nnyumba ye omuliro ne mufiiramu bbebi we Nambooze

Mutumba eyakumye ku nnyumba ye omuliro ne mufiiramu bbebi we Nambooze





Ronald Mutumba okuva mu mbeera kiddiridde okukubira nga mukyala we Annet Mirembe amasimu nga tagakwata ate ng'olumu agakuba ng'alina baayogera nabo mu kiro ekintu ky'agamba nti abaddenga alina abasajja baayogeranga nabo mu kiro.

Mutumba omukyala ono abadde amulinamu abaana bataano era nga awaka wabaddewo abaana babiri okuli; Viola Nansereko 16 ne Victoria Nambooze ow'emyaka ebiri n'ekitundu era ng'ono yaggyiiridde mu nnyumba n'abengeya oluvannyuma lwa poliisi ezikiza omuliro okulwawo okutuuka mu kifo kino.

Muwala wa Mutumba omukulu eyabadde asuze mu nnyumba Viola Nansereko yategeezezza Bukedde nti kitaabwe Ronald Mutumba abadde takyabeera na nnyaabwe era awaka ajja lwalumu, naye ku Lwokuna yamukubidde n'amutegeeza nti yali waakusula eno enkeera ku Lwokutaano era maama we n'amulindirira.

Mirembe ng'apooca n'ebisago

Nansereko agamba nti kitaabwe olwatuuka awaka ne bayombamu ko ne maama we kyokka ne batagenda wala naye eyo mu kiro nga mu ssaawa 8 kitaawe yamuzuukusa n'amusaba afulume ebweru eno nga bw'akubira baganda ba Nansereko amasimu ng'abalagirira w'agenda okuteeka ebyapa by'ettaka n'ebiwandiiko ebirala.

Ono ayongerako nti kitaawe yamulemerako nnyo okufuluma wabweru kyokka nga nnyina amugaana era nga bw'amubuuza ensonga lwaki afulumya omwana ebweru ekiro mu matumbibudde era Nansereko n'addawo ne yeebaka.

Nga wayise akaseera Nansereko agamba nti kitaawe yatandise okuyiira nnyina ebintu by'ataategedde eno nga nnyina Mirembe bw'abuuza Mutumba biki by'amuyiira ebinnyogoga bityo naye nga Mutumba tamuwuuna.

Ebimu ku bintu ebyasaanyiziddwaawo omuliro

Ono olwamaze okukola kino n'akwata akabiriiti n'akakoleeza n'akakasuka ku buliri Mirembe kwe yabadde yeebasse ne muwala we omuto Victoria Nambooze ow'emyaka 2 ennyumba yonna n'etandika okuteta era ekyaddiridde kwabadde kukuba nduulu eyasombodde abatuuze.

Nansereko agamba nti olwalabye nga Mutumba akoleezezza omuliro n'afubutuka mu buliri n'asamba oluggi n'afuluma wabweru eno nga bw'akuba enduulu kyokka abadduukirize ne balwawo okutuuka engeri gye batya kafiyu okubakwata.

 

More From The Author

Emboozi z’omuwandiisi endala

Emboozi endala

Omutume John Bungo ne Bp. Joel Kakembo nga boogerezeganya mu lukung'aana lw'okusaba

Musabire eggwanga nga twete...

Abasumba okuva mu bitundu by'eggwanga ebyenjawulo babanguddwa ku ngeri gye basobola okulung'amyamu ekisibo kya...

Kabangali etomeddwa bbaasi yonna esaanyeewo mu kabanje akasse abantu abana e Mbarara.

Akabenje katuze 4 e Mbarara...

Abantu bana be bakakasiddwa okufiira mu kabenje akawungeezi kw'olwaleero ku kabuga k'e Rugando mu luguudo lwa Mbarara-Ntungamo...

Nakitto maama wa Amos Ssegawa (mu katono) eyattibwa.

Gavumenti etuliyirire obuwu...

BAZADDE b'abaana abattibwa bagamba nti ekya Museveni okubaliyirira si kibi bakirindiridde naye alina okukimaanya...

Ssendagire omu ku baakubwa amasasi n'afa.

Famire z'abattiddwa mu kwek...

PULEZIDENTI Museveni yayogedde eri eggwanga ku kwekalakaasa okwaliwo nga November 18 ne 19 nga kwaddirira okukwata...

Pulezidenti Museveni ng'alamusa ku bantu be.

Pulezidenti akunze aba NRM ...

Pulezidenti Museveni ayingide mu bitundu by'e Busoga olwaleero mu kukuba kampeyini ze ezobwapulezidenti . Mu...