TOP
  • Home
  • Amawulire
  • Munnayuganda abadde amansa ssente afudde Corona e South Afrika

Munnayuganda abadde amansa ssente afudde Corona e South Afrika

Added 15th July 2020

“Bannayuganda abasukka mu 20 be baakafa Corona e South Africa okuli; Caroline Nantongo abadde amanyiddwa nga Hajjati omufumbi w’emmeere e Durban, Rose Kisame, omusawo, Banda n’abalala”





Bannayuganda e South Africa bali mu kutya olw'omuwendo gwa bannaabwe abafa obulwadde bwa Corona ogweyongera buli olukya.

Bano bagamba nti okuva lwe baatandika okuggyawo kalantiini mu ggwanga lino, omuwendo gw'abakwatibwa obulwadde buno n'abafa gweyongedde nnyo omuli ne Bannayuganda nga n'akyasembyeyo ye Luke Junior Ssendawula amanyiddwa nga Junior Seven, omu ku bavubuka abasama ababadde bamanyiddwa okumansa ssente n'okulya obulamu buli lwe bayingirawo mu ggwanga. Junior azaalibwa e Kibuuzi- Kayunga mu Bugerere abadde abeera e Millivell mu Johannesburg ng'akola gwa kusuubula mmotoka.

Yafiiridde mu ddwaaliro lya Life Flora Hospital e Johannesburg ku Lwomukaaga oluvannyuma lw'okukwatibwa ekirwadde kya Corona Ono y'omu ku bavubuka abaali mu kibiina kya ‘Rich Gang' ekyali kikulemberwa omugenzi Ivan Ssemwanga, era Junior abadde muninkini w'omuyimbi Leilah Kayondo.

Jamil Miti munywanyi wa Junior bwe babadde bakolera mu kifo kye kimu, obwedda ayogeza ennaku, yagambye nti ye yabadde agenda okusooka Junior okufa kubanga obulwadde buno bwabakwata bombi. "Katonda wa maanyi okuba nti nze nkyali mulamu era kati nsobola okwogera.

Obulwadde bwatukwata wiiki ssatu eziyise era twasooka kulowooza nti musujja nga buli omu teyeewulira bulungi. Wabula oluvannyuma lw'okwegattako obubonero obulala omuli; ekifuba eky'amaanyi naye nga bw'okolola owulira obulago bukalu, ssennyiga ow'amaanyi n'okuyunguka amaziga byatuleetera okutandika okulowooza nti yandiba nga corona." Jamil agamba baatandika okwejjanjabisa n'eddagala ery'enjawulo omuli n'okunywa n'okulya ebibala ssaako eddagala ly'ekinnasi, wabula wiiki bbiri eziyise embeera ya Junior yeeyongera okutabuka nga takyasobola kussa bulungi kwe kumutwala mu ddwaaliro afune obujjanjabi obusingawo.

"Obuzibu nti olw'omuwendo gw'abalwadde abangi omuntu bw'aba nga tali bubi nnyo tebamuwa kitanda mu ddwaaliro era Junior okumukkiriza baamaze kulaba ng'embeera mbi kubanga okuva lwe yagenda mu ddwaaliro abadde assiza ku byuma era ku Lwomukaaga baatutegeezezza nti afudde."

Sarah Jamil, naye ng'abeera South Africa, agamba nti embeera ey'obunnyogovu gye balimu mu kiseera kino ebakosezza nnyo era mu bbanga lya mwezi gumu bafunye amawulire ga Bannayuganda abakunukkiriza mu 20 abaakafa ekirwadde kino mu bitundu by'eggwanga eby'enjawulo nga mu bano mwe muli ne Caroline Nantongo abadde amanyiddwa nga Hajjati omufumbi w'emmeere e Durban, Rose Kisame, omusawo, Banda n'abalala.

Arnold Ssensuwa (ku ddyo), Junior, Miti ne mukwano gwabwe bwe baali ku kabaga akaategekebwa Zari ku Guvnor mu 2017.

ABA FFAMIRE YA JUNIOR BASOBEDDWA

Samuel Bazibu, muto wa Junior gwe twayogedde naye ku ssimu yategeezezza nga bwe bakubiddwa omuggo olw'okuviibwako muganda waabwe abadde empagi mu ffamire, omuntu w'abantu era akutte bangi ku mukono n'okubayamba.

Bazibu eyakakasizza Junior okufa corona agamba nti mu kiseera kino basobeddwa kubanga bandyagadde omuntu waabwe akomezebwewo kyokka tekisoboka era batudde nga ffamire ne basaba mikwano gye ne mukyala we ali e South Africa bakkirize aziikibwe mu limbo.

Ono agamba nti wabaddewo abateesa nti ayokebwe baweereze kuno evvu wabula abaffamire kino bakigaanyi ne basemba eky'okumuziika tomanya mu maaso eyo bwe kiriba kisobose basobola okumuziikula ne bamuzza. Junior alese abaana bataano okuli abana abali mu Uganda n'omu ali e South Africa. Asuubirwa okuziikibwa amangu ddala ng'omulambo gwe guggyiddwaayo mu ddwaaliro gye gukyali.

e South Africa

bali mu kutya olw'omuwendo gwa

bannaabwe abafa obulwadde bwa

Corona ogweyongera buli olukya.

Bano bagamba nti okuva lwe

baatandika okuggyawo kalantiini

mu ggwanga lino, omuwendo

gw'abakwatibwa obulwadde buno

n'abafa gweyongedde nnyo omuli

ne Bannayuganda nga n'akyasembyeyo

ye Luke Junior Ssendawula

amanyiddwa nga Junior Seven,

omu ku bavubuka abasama

ababadde bamanyiddwa okumansa

ssente n'okulya obulamu buli

lwe bayingirawo mu ggwanga.

Junior azaalibwa e Kibuuzi-

Kayunga mu Bugerere abadde

abeera e Millivell mu Johannesburg

ng'akola gwa kusuubula

mmotoka. Yafiiridde mu ddwaaliro

lya Life Flora Hospital e Johannesburg

ku Lwomukaaga oluvannyuma

lw'okukwatibwa ekirwadde

kya Corona

Ono y'omu ku bavubuka abaali

mu kibiina kya ‘Rich Gang' ekyali

kikulemberwa omugenzi Ivan

Ssemwanga, era Junior abadde

muninkini w'omuyimbi Leilah

Kayondo.

Jamil Miti munywanyi wa Junior

bwe babadde bakolera mu kifo

kye kimu, obwedda ayogeza

ennaku, yagambye nti ye yabadde

agenda okusooka Junior okufa

kubanga obulwadde buno bwabakwata

bombi.

"Katonda wa maanyi okuba

nti nze nkyali mulamu era kati

nsobola okwogera. Obulwadde

bwatukwata wiiki ssatu eziyise era

twasooka kulowooza nti musujja

nga buli omu teyeewulira bulungi.

Wabula oluvannyuma lw'okwegattako

obubonero obulala

omuli; ekifuba eky'amaanyi naye

nga bw'okolola owulira obulago

bukalu, ssennyiga ow'amaanyi

n'okuyunguka amaziga byatuleetera

okutandika okulowooza nti

yandiba nga corona."

Jamil agamba baatandika okwejjanjabisa

n'eddagala ery'enjawulo

omuli n'okunywa n'okulya

ebibala ssaako eddagala ly'ekinnasi,

wabula wiiki bbiri eziyise

embeera ya Junior yeeyongera

okutabuka nga takyasobola

kussa bulungi kwe kumutwala

mu ddwaaliro afune obujjanjabi

obusingawo.

"Obuzibu nti olw'omuwendo

gw'abalwadde abangi omuntu

bw'aba nga tali bubi nnyo tebamuwa

kitanda mu ddwaaliro

era Junior okumukkiriza baamaze

kulaba ng'embeera mbi kubanga

okuva lwe yagenda mu ddwaaliro

abadde assiza ku byuma era ku

Lwomukaaga baatutegeezezza nti

afudde."

Sarah Jamil, naye ng'abeera

South Africa, agamba nti embeera

ey'obunnyogovu gye balimu mu

kiseera kino ebakosezza nnyo

era mu bbanga lya mwezi gumu

bafunye amawulire ga Bannayuganda

abakunukkiriza mu 20

abaakafa ekirwadde kino mu

bitundu by'eggwanga eby'enjawulo

nga mu bano mwe muli

ne Caroline Nantongo abadde

amanyiddwa nga Hajjati omufumbi

w'emmeere e Durban, Rose Kisame,

omusawo, Banda n'abalala

ABA FFAMIRE YA JUNIOR

BASOBEDDWA

Samuel Bazibu, muto wa Junior

gwe twayogedde naye ku ssimu

yategeezezza nga bwe bakubiddwa

omuggo olw'okuviibwako

muganda waabwe abadde empagi

mu ffamire, omuntu w'abantu era

akutte bangi ku mukono n'okubayamba.

Bazibu eyakakasizza Junior okufa

corona agamba nti mu kiseera

kino basobeddwa kubanga bandyagadde

omuntu waabwe akomezebwewo

kyokka tekisoboka era

batudde nga ffamire ne basaba

mikwano gye ne mukyala we ali e

South Africa bakkirize aziikibwe

mu limbo.

Ono agamba nti wabaddewo

abateesa nti ayokebwe baweereze

kuno evvu wabula abaffamire kino

bakigaanyi ne basemba eky'okumuziika

tomanya mu maaso eyo

bwe kiriba kisobose basobola

okumuziikula ne bamuzza.

Junior alese abaana bataano

okuli abana abali mu Uganda

n'omu ali e South Africa. Asuubirwa

okuziikibwa amangu ddala

ng'omulambo gwe guggyiddwaayo

mu ddwaaliro gye gukyali.

More From The Author

Emboozi z’omuwandiisi endala

Emboozi endala

Dodoviko (aliko ssaako) ne banne ku mukolo ogumu.

Ebipya ebizuuse ku Dodoviki...

DODOVIKO Mwanje gwe balumiriza okumenya ekkanisa bongedde okumufunza! Lt. Col. Edith Nakalema olwamaze okukwata...

Lukwago nga bamukwasa empapula za FDC

FDC ewadde Lukwago bbendera...

ESSUUBI lya Ssalongo Erias Lukwago okwesimbawo ku bwa Pulezidenti bw’eggwanga ku tikiti ya FDC mu 2021 likomye...

Omukuumi ng'atwala Trump

Engeri abakuumi ba Trump gy...

PULEZIDENTI wa Amerika, Donald Trump yabadde wakati mu lukung’aana lwa bannamawulire ng’attaanya ensonga ey’obutale...

Ekizimbe kya Mabiirizi ku Bombo Road. Mu katono ye Winnie Mabirizi

Nnamwandu wa Mabirizi asony...

ABAKULEMBEZE b'abasuubuzi basabye bannannyini bizimbe okutwala ekyokulabirako kya nnannyini kizimbe kya Nalubega...

Abakungu mu kibiina kya Gen.Muntu nga baslaa Cake okwaniriza Winnie Kiiza

Winnie Kiiza yegasse ku kib...

OMUBAKA omukyala owa Kasese, Winfred Kiiza yegaasse ku kibiina kya Alliance for National Transformation (ANT) n’aweza...