TOP

Atabuse ne mukazi we n'atta bbebi n'omusumeeni

Added 20th July 2020

OMUSAJJA afunye obutakkaanya ne mukazi we n’asala omwana waabwe obulago n’amutta. Omwana attiddwa abadde wa mwaka gumu nga ye Abigail Beatrice.

Nabweteme n’omulambo gw’omana we.

Nabweteme n’omulambo gw’omana we.






Nelson Bwambare omutuuze w'e Kabanyoro okumpi ne Gayaza mu disitulikiti y'e Wakiso yafunyemu obutakkaanya ne mukyala we Resty Nabweteme essungu n'alimalira ku mwana waabwe ow'omwaka ogumu.

Ettemu lino we lyabeereddewo eggulo ku Ssande ku ssaawa nga 3:00 ez'oku makya, Nabweteme yabadde agenze kubanja ssente mu bantu be yawola kasooli aviire Bwambare, kwe kusanga omwana ng'afuuwa musaayi.

Yagambye nti, babadde baalemagana ne Bwambare olw'enjaga n'enneeyisa ye era yabadde asazeewo okunoba kyokka bwe yagenze okubanja ssente afune ez'entambula emutuusa ewaabwe, yasanze omwana we asaliddwa obulago.

Kigambibwa nti, Bwambare yakozesezza musumeeni okusala obulago bw'omwana era olwamaze n'adduka. Bwambare yali akola gwa buzimbi wabula olw'embeera ya corona, abadde takyakola era Nabweteme yagambye nti, y'abadde ateteenkanya okufuna ffamire ky'enaalya. Yagasseeko nti, Bwambare abadde talina kintu ky'agula waka kyokka ng'asobola okufuna ezigula enjaga era abadde alina ebbiina ly'abavubuka b'abadde atambula nabo.

Bwe yatuuse ng'omwana asaliddwa obulago, yamututte ku kalwaliro k'oku kyalo ne bamumugobya ng'embeera mbi nnyo ne bamulagira amutwale e Mulago ng'eno, abasawo gye baakamutemedde nti, omwana yabadde afudde.

Nabweteme wakati mu kwaziirana olw'omwana we yagambye nti, Bwambare yamusendasenda n'amuggya ku mulimu gwe yali akola n'amupangisiza ennyumba e Kabanyoro ng'amusuubizza ebirungi ntoko wabula mu mwaka ogumu gw'amaze naye, nnaku nsa gy'amulabizza omuli n'okumuyombesa n'awatali nsonga.

Amyuka omwogezi wa poliisi mu Kampala n'emiriraano, Luke Owoyesigyire yagambye nti, Bwambale yakwatiddwa n'aggulwako omusango gw'obutemu ku ffayiro SD 03/19/07/2020 ng'okunoonyereza okuzuula ekyaviiriddeko Bwambare okukola ekikolwa kino bwe kugenda mu maaso.

More From The Author

Emboozi z’omuwandiisi endala

Emboozi endala

Ab'e Kawempe balaajanye ku ...

okulaajana kuno baakukoze oluvannyuma lwa Ahmed Lukwago eyeegwanyiza ekifo ky’obwa kkansala bw’omuluka guno okukulemberamu...

Wakayima atangaazizza ku mp...

"Nze Wakayima Musoke Hannington Nsereko era abo abatidde akalulu bakkakkane kuba ffirimbi yavugga dda Kati tulinze...

Ennyumba y'oku kiggya abamu ku b'Engabi gye baagala Yiga aziikibwe. Ebifaananyi bya JOHN BOSCO MULYOWA

Abengabi beeyawuddemu ku by...

ABAKADDE b’ekkanisa ya Pasita Abizzaayo Yiga eggulo baatudde mu lukiiko olw’amangu olw’enkaayana ezaabaluseewo...

Paasita Bujjingo ng'agumya Jengo, mutabani w'omusumba Yiga

Ebiri mu katambi ka Paasita...

Ku Ssande nga October 25, 2020, Ssenyonga yasinziira mu kusaba mu kkanisa ye n’alumba abasumba ab’enjawulo omwali...

Paasita Ssennyonga ng'agugumbula Yiga mu lukung'aana lwa bannamawulire lwe yatuuzizza ku kkansisa ye

Okufa kwa Yiga kusajjudde e...

AKATAMBI Pasita Ssenyonga ke yakutte nga Yiga tannafa kongedde okusiikuula abasumba ne beetemamu ng’abamu boogerera...