TOP
  • Home
  • Amawulire
  • Ow'ettima ateekedde ennyumba ya nnamukadde omuliro n'eteta

Ow'ettima ateekedde ennyumba ya nnamukadde omuliro n'eteta

Added 20th July 2020

OMUKADDE ne muwala we batemye emiranga ng'amaziga bwe gabayitamu olw'ennyumba yaabwe okusirika n'ebigibaddemu byonna ne basigala nga bayagga.

Omuwala ng'atema omulanga

Omuwala ng'atema omulanga






Kiteeberezebwa nti waliwo omuntu ow'ettima abalabirizza nga baliko gye bagenze okunoonya ku ssente n'abookerera kyokka abatuuze abagyekanze ng'ebumbujja n'ebalemerera okuzikiza.

Balaajanidde abazirakisa nga Maama Fiina n'abakulembeze abalala okubajuna kuba basigadde mu bbanga ng'awokutandikira tebalabawo.

Abasobeddwa ye mukadde Aidah Nnabakooza amanyiddwa nga Jjajja Kyannaggolo ne muwala we Sharifa Ndagire ku kyalo Kalangala B e Bukulula mu Kalungu.

Ssentebe wa LCI Abdu Kayondo ategeezezza nti bano be bamu ku bantu e 250 amagye agassibwa ku nnyanja okulwanyisa envuba embi be gatwalaganya entyagi bwe gaasaanyawo omwalo gw'e Kalangala.

Ndagire ategeezezza nti ye ne nnyina baafumbanga mmere ku mwalo guno ng'amagye mu kubagoba gaboonoonera ebintu bingi kati nga ne bye babadde bazzeemu okwezimba bitokomose.

Mukadde Nnabakooza annyonnyodde nti abaadde yaakasumatuka akabenje ka ppikippiki mwe baamutungira ku liiso kati nga livaamu amasira n'akolimira omuntu amukoledde ettima okumuleka mu bbanga.

Jjajja Kyannaggolo agattako nti eggulo limu yagenzeeko ewa muwala we Mary Kyomuhangi okutunda embaata ye agifunemu ssente ez'okumuzaayo mu ddwaliiro beekebejje eriiso.

Wabula yalemereddwa okudda olwa kafiyu n'asulayo ng'abadde akomawo ku makya n'akubirwa ssimu nti enju ye bajokezza n'efuuka muyonga.

Abadduukirize bategezeezezza nti ennyumba yakute omuliro ku ssaawa bbiri ez'ekiro kyokka olw'embuyaga eyabadde ekunta yabalemesezza okusinza omuliro amaaanyi ne bataguzikiza.

Beegasse ku Jjajja Kyannaggolo n'abaana be okubasabira obuyambi mu bakulembeze n'abazirakisa babayambeko wadde nga babasondeddeyo ku bintu batandikire okwo.

Jjajja Kyannaggolo agambye nti talina gw'atebeereza okumukolera ttima nga yenna akimukoze amukwasizza Katonda.

More From The Author

Emboozi z’omuwandiisi endala

Emboozi endala

NEZIKOOKOLIMA

▶️ Abaana abakoze ebibuuzo ...

▶️  NEZIKOOKOLIMA: Abaana abakoze ebibuuzo ebyakamalirizo musigale nga mukyali baana awaka.  

Ssempijja ng'asomesa abalimi.

Okugattika ebirime kye kiku...

MINISITA w'obulimi obulunzi n'obuvubi, Vincent Ssempijja asinzidde mu disitulikiti y'e Bukomansimbi n'ategeeza...

Abakristaayo lwe basabira wabweru ku Ssande.

Obulabirizi bw'e Namirembe ...

OBULABIRIZI bw'e Namirembe buyingidde mu nkaayana z'ettaka ly'ekkanisa e Kyanja n'ebugumya Abakristaayo  okusigala...

Jonathan McKinstry (wakati) ng'abuulirira Khalid Aucho (ku kkono) ne Mike Azira (ku ddyo).

Micheal Azira naye annyuse ...

MICHEAL Azira agucangira mu kiraabu ya New Mexico United yeegasse ku bassita ba Cranes babiri abakannyuka omupiira...

Nyombi ng'alaga olubuto mw'afulumira.

Afulumira mu kapiira alaajanye

OMUVUBUKA ow'emyaka 32 alaajana oluvannyuma ly'okumulongoosa ekyenda n'atawona nga kati yeetaaga obukadde butaano...