TOP

Poliisi ereese Ikara

Added 2nd August 2020

GOOLOKIPPA Tom Ikara asaze bakyampiyoni Vipers SC ne URA FC ekikuubo bw'atadde omukono ku ndagaano ya myaka ebiri ne Police FC mu liigi ya babinywera.

Ku Lwokubiri July 28, 2020, Ikara yatadde omukono ku ndagaano ne Police FC n'awera okuzza omutindo kweyali mu sizoni ya 2017/18 ng'ali mu Kirinnya Jinja SS ogwawaliriza KCCA FC okumugula abakwatire mu mpaka za CAF Champions League.

Ikara abadde ku buyazike mu Mbarara City FC okuva mu KCCA FC sizoni ewedde wabula omwezi oguwedde KCCA FC yasazizzaamu endagaano ye olw'omutindo gwa kippa wa Cranes ne KCCA FC Charles Lukwago omulungi gw'aliko ogutajja kuganya Ikara kufuna nnamba.

Kino kyatanula Vipers SC bakyampiyoni ba liigi sizoni ewedde okulaga nga bwe baagala Ikara wamu ne URA FC nabo ne beesowolayo wabula bano bonna omusambi yabatadde ebbali ne yeegatta ku Police FC.

"Okwegatta ku Police natunuulidde obudde bwennyinza okufuna ku kisaawe, Vipers SC ne URA zonna ttiimu nnungi naye kati njagala kuzza mutindo gwange ngulu nsobole okudda ku ttiimu y'eggwanga, nakizudde nga kino kisoboka nga ndi ne Police FC," Ikara bwe yategeezezza.

Ikara  mu sizoni emu gye yali ne KCCA FC yawangula ekikopo kya liigi ya babinywera kimu, CECAFA Kagame Cup ate n'afuuka ggoolokippa munnayuganda eyasooka okuzannya mu bibinja by'empaka za CAF Champions League.

sizoni ewedde yayambyeko Mbarara City FC okumalira mu kifo kya 7 n'obubonero 36.

Ono kati yeegasse ku Tonny Mawejje ne Hassa Mohammed Police FC beyaakaleeta nga beetegekera sizoni ejja 2020/21.

 

More From The Author

Emboozi z’omuwandiisi endala

Emboozi endala

Lubega akulembedde ne Amatos ku kkooti e Makindye.

Abaali bafera paasita basin...

ABASUUBUZI b'omu Kampala basindikiddwa mu kkomera lwa kugezaako kufera Paasita ssente ezikunukkiriza mu buwumbi...

Spice Diana asiibuludde aba...

Bya Mukasa Lawrence  ABAYIMBI okuli Spice Diana ne munne Fik Femaika bavuddeyo ne baduukirira abasiraamu ku...

Abakozi ba Rock bavudde mu ...

Bya Phoebe Nabagereka Abakozi mu kampuni ya Roko e Gerenge mu town council ye Katabi bekalakasiza nga balaga...

FDC evumiridde effujjo erik...

Bya Doreen Namaggala AMYUKA ssabawandiisi w'ekibiina ki FDC, Arnold Kaija asabye bannayuganda okukomya okutiisatiisa...

Abazigu balumbye ekigo ne b...

Abazigu ababadde n'ebijambiya, emitayimbwa saako ennyondo bazinze ekigo kya Kabulamuliro Catholic Parish, ne bamenya...