TOP
  • Home
  • Amawulire
  • Makanika abadde agezesa mmotoka atomedde abaana ne bafiirawo

Makanika abadde agezesa mmotoka atomedde abaana ne bafiirawo

Added 3rd August 2020

MAKANIKA olumaze okukanika emmotoka n’agivuga emisinde n’emulemerera okukkakkana nga yeefudde n’etomera abaana babiri abooluganda n’ebatta.

Abaana abaatomeddwa mmotoka nga batwalibwa mu ddwaaliro e Kawolo. Mu katono bwe babadde bafaanana.

Abaana abaatomeddwa mmotoka nga batwalibwa mu ddwaaliro e Kawolo. Mu katono bwe babadde bafaanana.





Nnyina w'abaana bano yagenze okutuuka ng'abadduukirize bamaze okubatwala mu ddwaaliro e Kawolonaye ebyembi ne bafa nga tebannabatuusa.

Abagenzi Winnie Nalumaga 9, abadde asoma P3, ono nga yabadde ne muto we, Angel Namutebi abadde asoma P1 ku Buzaama P/S.

Baana ba Denis Kasimaggwa ne Grace Nalubowa, abatuuze ku kyalo Bbulamazzi mu Gombolola y'e Najja mu disitulikiti y'e Buikwe.

Nalubowa asangiddwa ku Poliisi gye babadde batutte emirambo gy'abaana be n'agamba nti, abaana baavudde awaka nga bagenze wa jjajjaabwe omusajja, God Kato azaala kitaabwe naye ng'abeera kumpi ne we babeera wadde baawula byalo.

Kigambibwa nti emmotoka yabatomedde oluvannyuma lw'okulemererwa omuvubuka w'e Kiyindi abadde agivuga nti agigezesa nga yaakamala okugikanika.

Yagambye nti baamuyise mangu nga balaba abaana be batomeddwa kyokka yagenze okutuukawo nga babatwala mu ddwaaliro lya Makindu Community HC 111 gye baabaggye oluvannyuma batwalibwe mu ddwaaliro e Kawolo naye ne bafa nga tebannabatuusa.

Mmotoka ya buyonjo eyatomedde abaana, abatuuze baabadde baagala kugikumako muliro kyokka poliisi n'egiggyawo mu bukuumi n'etwalibwa ku Poliisi e Kiyindi.

Emirambo gy'abaana gyasoose kutwalibwa mu ddwaaliro e Kawolo oluvannyuma ne giddizibwa bannyini gyo okugitwala okugiziika.

More From The Author

Emboozi z’omuwandiisi endala

Emboozi endala

NABILLAH ABUUZIZZA ABA FDC ...

Mercy Walukamba, akulira akakiiko k’ebyekulonda mu kibiina kya NUP, yalangiridde Nabillah ku buwanguzi oluvannyuma...

Abaana nga balaba ttivvi.

Engeri omuzadde gy'olambika...

MU mbeera eno ng’abayizi basomera ku ttivvi kitegeeza nti ebbanga abaana lye bamala ku ttivvi lyeyongera. Ng’oggyeeko...

Obwongo bw'abaana abadda ku...

OLUVANNYUMA lwa Gavumenti okulangirira nti abayizi abamu baddyo okusoma nga October 15, 2020, abazadde baatandise...

VAR y'asinga amazima

Batunuulira nnyo ebisobyo mu ntabwe omuva okugaba peneti oba okugiggyawo, okugiddamu nga waliwo ekisobyo ekikoleddwa...

Dr. Donald Rukare (ku kkono) ne David Katende.

'Gavt. terina ssente zikebe...

ABAKUNGU b'ebibiina by'emizannyo bannyogogedde e Lugogo, Gavumenti bwe yakabatemye nti tejja kubawa ssente zikebeza...