OMUSAJJA atabuse ne yekumako omuliro n'afiira mu nju ya nyinimu bw'akitegedde nti omukazi gw'abadde yakasigula ku mukulu we, ate afunyeyo omusajja omulala era agenda kumulekawo.
OMUSAJJA atabuse ne yeekumako omuliro n'afiira mu nju ya nnyinimu bw'akitegedde nti omukazi gw'abadde yaakasigula ku mukulu we, ate afunyeyo omusajja omulala era agenda kumulekawo.
Aguze amafuta ga petulooli n'ageyiira ne yeekumako omuliro n'avumbagira omukazi nga bw'amugamba nti okumulekawo waakiri bafa bombi.
Bino bibadde Kyengera mu ggombolola y'e Busaana mu disitulikiti y'e Kayunga.
Omusajja omuliro gumwokezza n'afa ate omukazi asimattuse n'ebiwundu era apooceza mu ddwaliro e Kayunga.
Ebintu by'omu nnyumba okwabadde n'enkoko byayidde ne bisirika.Madimbo nga bw'abadde afaananaOmugenzi ye Godfrey Madimbo era nga yeeyokezza n'omukazi Fionah Wazemba gwe yasigula ku mukulu we Tanansi Musisi gwe yali azaddemu abaana babiri.Madimbo nga tannakola butemu buno yasoose kuzuukusa baana n'abafulumya nga abagamba nti baabadde bazindiddwa ensanafu.
Entabwe weyavudde ku ba famire okutuuza abaagalana bano ne balabula Madimbo ave ku omukazi wa mukulu we ne banenya omukazi olw'ejjoogo n'aleeta omusajja mu nju ya bba.
Nnabakyala w'e kyalo Nalubwama Zulaika agambye nti omukazi yasibyemu ebibye agende e Kawongo, Madimbo gyeyali yawulira nti alinayo omusajja omulala era nga kino kye kyamujje mu mbeera n'asalawo yette n'omukazi mu kifo ky'okumulekawo.Fionah Wazemba
