TOP
  • Home
  • Amawulire
  • KCCA etabukidde kkampuni y'Abachina abakola enguudo akasoobo

KCCA etabukidde kkampuni y'Abachina abakola enguudo akasoobo

Added 31st August 2020

KCCA egugumbudde kkampuni y’Abachina eyakwasibwa okukola enguudo ennene ssatu okuli olwa Nakawa-Ntinda, Kulambiro ne Acacia okulwawo okuzimaliriza nti bamenye endagaano gye baakola.

David Ddali Luyimbazi, Faridah Mpiima, Andrew Kitaka n’abalala nga balambula oluguudo lwa Nakawa ne Kulambiro eggulo.

David Ddali Luyimbazi, Faridah Mpiima, Andrew Kitaka n’abalala nga balambula oluguudo lwa Nakawa ne Kulambiro eggulo.





Omumyuka wa dayirekita wa Kampala, Ying. David Ssali Luyimbazi yazirambudde ku Lwokutaano ne yeewuunya engeri omulimu ogwali guteekeddwa okumalirizibwa ku ntandikwa y'omwaka n'okutuusa kati tezinnaggwa.

Yabadde n'omubaka wa pulezidenti atwala Kampala, Faridah Mayanja Mpiima ne dayirekita w'enguudo mu KCCA, Andrew Kitaka, n'abakungu ba Bank y'ensi yonna abawa KCCA ssente ezikola. Yatandikidde ku luguudo lwa Acacia olukolebwa n'agamba nti, omulimu bagukutte kasoobo.

Enguudo zino baaziwa kkampuni y'Abachina eyitibwa China State Construction and Engineering Cooperation Ltd.

Zino zaali zisuubirwa okumaliriza okukola mu February wa 2020 kyokka n'okutuusa kati bakyakola nga n'emyala egimu tebannagizimba.

Akulira bayinginiya mu kkampuni eno, Gianyarco Dall'Acqua yagambye nti balina ekizibu kya mmotoka ennyingi ezikozesa enguudo zino nga zibeerako obulippagano ne bubalemesa okukola.

Ate akwata ku mbeera z'abantu, David Mugurusi yagambye nti, kkampuni yawalirizibwa okuteekawo abantu abayamba ku bidduka kyokka era bakaluubirizibwa kubanga obulippagano bukwata okuva ku makya okuzibwa obudde.

Wabula Luyimbazi yagambye nti tebasobola kugumiikiriza kkampuni zikola kasoobo ate nga byonna baabissa mu biwandiiko.

Omubaka wa Pulezidenti, Faridah Mayanja yagambye nti, kkampuni ezikola emirimu akasoobo tebazaagala kubanga zirabisa bubi Pulezidenti Museveni.

Yategeezezza nti, ekiseera kye balimu kati kya byabufuzi nga baagala buli ekikolebwa bakyanguye.

Luyimbazi yalagidde nti ayagala kkampuni zitandike okukola emisana n'ekiro ng'obudde bwetadde okusobola okwanguya omulimu.

KCCA egugumbudde kkampuni
y'Abachina eyakwasibwa okukola
enguudo ennene ssatu okuli olwa
Nakawa-Ntinda, Kulambiro ne
Acacia okulwawo okuzimaliriza
nti bamenye endagaano gye
baakola.
Omumyuka wa dayirekita
wa Kampala, Ying. David Ssali
Luyimbazi yazirambudde ku
Lwokutaano ne yeewuunya engeri
omulimu ogwali guteekeddwa
okumalirizibwa ku ntandikwa
y'omwaka n'okutuusa kati tezinnaggwa.
Yabadde n'omubaka wa pulezidenti
atwala Kampala, Faridah
Mayanja Mpiima ne dayirekita
w'enguudo mu KCCA, Andrew
Kitaka, n'abakungu ba Bank
y'ensi yonna abawa KCCA ssente
ezikola. Yatandikidde ku luguudo
lwa Acacia olukolebwa n'agamba
nti, omulimu bagukutte kasoobo.
Enguudo zino baaziwa kkampuni
y'Abachina eyitibwa China
State Construction and Engineering
Cooperation Ltd. Zino zaali
zisuubirwa okumaliriza okukola
mu February wa 2020 kyokka
n'okutuusa kati bakyakola nga
n'emyala egimu tebannagizimba.
Akulira bayinginiya mu kkampuni
eno, Gianyarco Dall'Acqua
yagambye nti balina ekizibu kya
mmotoka ennyingi ezikozesa enguudo
zino nga zibeerako obulippagano
ne bubalemesa okukola.
Ate akwata ku mbeera
z'abantu, David Mugurusi yagambye
nti, kkampuni yawalirizibwa
okuteekawo abantu abayamba
ku bidduka kyokka era bakaluubirizibwa
kubanga obulippagano
bukwata okuva ku makya okuzibwa
obudde.
Wabula Luyimbazi yagambye
nti tebasobola kugumiikiriza
kkampuni zikola kasoobo ate nga
byonna baabissa mu biwandiiko.
Omubaka wa Pulezidenti,
Faridah Mayanja yagambye
nti, kkampuni ezikola emirimu
akasoobo tebazaagala kubanga
zirabisa bubi Pulezidenti Museveni.
Yategeezezza nti, ekiseera kye
balimu kati kya byabufuzi nga
baagala buli ekikolebwa bakyanguye.
Luyimbazi yalagidde nti
ayagala kkampuni zitandike okukola
emisana n'ekiro ng'obudde
bwetadde okusobola okwanguya
omulimu.

More From The Author

Emboozi z’omuwandiisi endala

Emboozi endala

Ntambi ng'atwalibwa mu kkomera e Luzira.

Sylvia Ntambi owa Equal Opp...

Omulamuzi Pamela Lamunu  owa kkooti ewozesa abalyake n'abakenuzi e Kololo  asindise Muweebwa mu kkomera bwalemeddwa...

Kalenda okuli ebifaananyi bya Yiga

Olumbe lwa Pasita Yiga balu...

Mu lumbe lwa pasita Yiga abatunda eby'okulya, masiki n'abatunda t-shirt okuli ekifaananyi ky'omugenzi bali mu keetalo...

Kaadi y'embaga ya Ramond ne Joy.

Abadde agenda okukuba embag...

Kigambibwa nti omugenzi baamuddusizza mu ddwaaliro Iya IHK abasawo gye bakizuulidde nti omusaayi gubadde gumaze...

Paasita Yiga ng'ali n'abagoberezi be

Ebintu by'azze apanga okufu...

OMU ku baali abakubi b’endongo mu Revival Band yagambye nti, yagyegattako mu 2014 kyokka nga baalina ekizibu ky’okuba...

Pasita Yiga ng’abuulira enjiri.

Engeri Yiga gye yeeyubula o...

AUGUSTINE Yiga ‘Abizzaayo', yazaalibwa mu maka maavu, n'alaba embaawo nnya zokka, tebyamulobera kwetetenkanya kufuuka...