TOP

Ssegirinnya ayambalidde Ssebaggala

Added 6th October 2020

Ssegirinya eyakazibwako “Ddoboozi ly’e Kyebando” yeewuunyizza Ssebaggala okukyukakyuka buli kiseera n’agamba nti kye bagenda okuddako okuwulira ng’asaba bwakkansala.

Ssebaggala ne Ssegirinnya abaleppuka

Ssebaggala ne Ssegirinnya abaleppuka

MOHAMMED Ssegirinya eyaweereddwa kkaadi ya NUP okuvuganya ku ky'omubaka wa Kawempe North ayogedde ebikankana ku mubaka w'ekitundu ekyo, Latif Ssebaggala eyalangiridde nga bw'agenda okukomawo avuganye ku kifo kye kimu ate nga yali yalangirira nga bw'akivuddeko.

Ssegirinya eyakazibwako "Ddoboozi ly'e Kyebando" yeewuunyizza Ssebaggala okukyukakyuka buli kiseera n'agamba nti kye bagenda okuddako okuwulira ng'asaba bwakkansala.

Latif Ssebaggala yasooka kulangirira mwaka guwedde nti ayagala kya Loodi Meeya, oluvannyuma n'akivaako n'agamba nti addayo okwesimbawo mu Kawempe North, wabula ate n'alangirira nga bw'asazeewo yeesimbe ku kya Loodi Meeya era n'asaba ne kkaadi ya NUP.

Abawagizi ba Latif Ssebaggala nga bawaga

Kyokka olwagimuwa ate n'alangirira nti asazeewo obuteesimbawo ku kya Loodi Meeya era nti atunuulidde kya mubaka wa Palamenti ya East Afrika, wabula ebyo byonna yabikyusizza mu kuziika mukulu we, Nasser Ntege Sebaggala (Seya) ku Ssande n'alangirira nga bw'akyusizza addeyo yeesimbewo mu Kawempe North.

"Oyo muntu ki akyuka ng'obudde! Yasooka kwesimbawo ku mubaka wa Kawempe North bwe yatya ng'alaba nnina amaanyi mangi n'agenda ku kya Loodi Meeya wa Kampala; bwe yakitya n'adda ku ky'omubaka wa palamenti y'amawanga g'obuvanjuba bwa Afrika, ekya Loodi Meeya n'akisuulawo ate kati nti addayo ku kya Kawempe North.

Nze ne sikuba oyo atagalira mu kkubo ly'ebyobufuzi!" Ssegirinya bwe yaweze. Wabula Latif Sebaggala yagambye nti ekyamuleetedde okuddamu okwesimbawo ku ky'omubaka w'e Kawempe kwe kukizuula nti aba National Unity Platform, gwe baawadde kkaadi ya Kawempe North, yabadde munafu okumukkiriza okudda mu kifo ye (Latif) mw'abadde aweerereza obulungi.

More From The Author

Emboozi z’omuwandiisi endala

Emboozi endala

Mmotoka ya minisita Atwoki eyakubiddwa amasasi.

Minisita asimattuse amasasi

Minisita omubeezi avunaanyizibwa ku byenfuna mu offiisi y'omumyuka wa Pulezidenti, Dr Baltazar Kasirivu-Atwooki,...

Kiddu (ku kkono) ne munne.

Bannabyamizannyo abattiddwa...

Nga December 30 omwaka oguwedde, abantu abatamanyiddwa baasindiridde Isaac 'Zebra' Senyange, eyaliko kapiteeni...

Sserunjogi ng’alaga ebintu by’atonaatona omuli essaati, ebikopo n’ebirala ebikozesebwa mu kunoonya obululu okusikiriza abalonzi.

Sserunjogi kkampeyini aziko...

AWAGWA ekku tewabula kalondererwa, ekiseera kya kkampeyini bangi bakikozesezza okuyiiya ssente era gubeera mugano...

Ssentebe Andrew Kasatiiro ng'agezaako okunnyonnyola abaatafunye butimba.

Ab'e Jinja Kalooli batabuki...

Abatuuze b'e Jinja Kalooli mu Wakiso beeweereza ebisongovu n'abakulembeze baabwe lwa butabawa butimba bwa nsiri....

Kasibante ku mpingu  ng'akwatiddwa.

Agambibwa okugezaako okufum...

OMUSUUBUZI   aloopye omuvubuka ku poliisi n'amulumiriza  okumuggyiraayo ekiso amufumite abaduukirize ne bamutaasa....