TOP

Okukuza olunaku lw'okunaaba mu ngalo

Added 15th October 2020

OKUNOONYEREZA okukoleddwa kuzudde nti abakyala banaaba engalo emirundi mingi okusinga abasajja buli lunaku naddala abali mu bibuga.

Ekif: ERIA LUYIMBAZI

Ekif: ERIA LUYIMBAZI




Mu ngeri yeemu kuzudde nti Bannayuganda bongedde ku mirundi gye banaaba engalo buli lunaku mu kiseera ky'obulwadde bwa Corona okusinga bwe kibadde mu biseera ebiyise.

Bino byazuuliddwa mu kunoonyereza okwakoleddwa aba Twaweza ne bazuula nti abantu ebitundu 55 ku 100 kati banaaba engalo waakiri emirundi etaano olunaku.

Buli maka 10 osangako 8 abalina amazzi ne sabbuuni okunaaba mu ngalo nga bava mu kabuyonjo mu bitundu omwakoleddwa okunoonyereza.

Okunoonyereza kuno kwakoleddwa mu disitulikiti okulo Kampala, Kyotera ne Tororo ne bazuula nti omuntu anaaba engalo waakiri okumala obutikitiki 20 emirundi egiri wakati w'esatu n'etaano olunaku.

Okunoonyereza kuno kwafulumiziddwa ku Lwokusatu lwa wiiki eno olwabadde olunaku olw'okunaaba engalo mu nsi yonna.

Amaka ebitundu 99 ku 100 gabeeramu amazzi aganaaba mu ngalo wabula abanaaba nga bakozesa sabbuuni bali ebitundu 96 ku 100 okusinziira ku kunoonyereza kuno.

Abantu abasobola okufuna amazzi aga ttaapu bali ebitundu 23 ku 100 ate abasobola okukozesa sanitizer bali ebitundu 9 ku 100 bokka.

Abantu bakkirizza nti okunaaba mu ngalo bakiraba nga lyekkubo lye basing okukkiririzaamu mu nkola zonna ezizze zibaweebwa okulwanyisa Corona. Abanaaba mu ngalo oba okukozesa sanitizer ng'ekkubo ery'okulwanyisa Corona bali ebitundu 87 ku 100.

Okunoonyereza kuzudde nti abantu abasinga obungi engalo bazinaaba nga bava mu kabuyonjo, nga bagenda okulya emmera ne bwe babeera bamalirizza wabula abazinaaba nga bazzeeyo mu maka gabwe oluvannyuma lw'okutambula batono.

More From The Author

Emboozi z’omuwandiisi endala

Emboozi endala

Lukwago (ku ddyo) mu lukiiko.

Lipooti ku ddwaaliro lya KC...

MU lukiiko Loodi Mmeeya Erias Lukwago mwe yayombedde olwa Gavumenti okusala ssente zegenda okuwa KCCA, yayanjudde...

Abawagizi ba NUP nga batongoza ekipande kya Bobi ekipya.

Lwaki Bobi akyusizza akakoo...

OMUBAKA Kyagulanyi Sentamu ‘Bobi Wine’, akyusizza ekifaananyi kye ekitongole ekigenda okukozesebwa ku kakonge mu...

Ettaka osobola okulikubirako bbulooka ng'ono omuvubuka.

By'olina okukolera ku ttaka...

Ettaka kye kimu ku by'obugagga ebirabwako omuntu by'abeera nabyo abantu abatali bamunda ne bategeera obukozi bwe...

Paasita Ssennyonga ng'ayogerera mu lukung'aana lwa bannamawulire

Paasita Ssenyonga yeeyamye ...

OMUSUMBA Jackson Ssenyonga owa Christian life church e Bwaise yeeyamye okulabirira abaana ba Pasita Yiga abanaakeberebwa...

Ekisse Paasita Yiga Mbizzaa...

PASITA Augustine Yiga Abizzaayo afiiridde ku myaka 43. Ono abadde nga nnawolovu atafiira ku bbala limu.